早餐餐廳喺地下，食物同飲品款式都非常多選擇～
淨係飲品都咁多選擇～
淨係飲品都咁多選擇～
溫泉蛋同烏冬都係我至愛，個早餐好好好啱食呀！
仲可以自己灼菜食，真係貼心～
漬物同其他魚生～
仲有好多款自家制新鮮出爐麵包，都係非常好食！
未行完一轉個盤已經滿咗啦～
第二專都未攞晒心頭好，今日無位啦，明天繼續努力！
早餐餐廳對面就係cake shop同Starbucks，真係想肚餓都幾難！
又同日本手工達人買咗嘢，食飽早餐第一時間去銀行入錢俾佢～
本來我哋買咗張3個月嘅電話卡，明明未到期，但今程用唔到，
即刻搵返賣卡間店，佢即時同我跟進，原來日本電訊公司已經取消咗張卡，
佢叫我哋喺日本買張卡用，回港後會俾返全數我哋，咁我哋又要去買卡啦，
喺Bic Camera買咗呢隻travel sim，非常流暢，
係我用咁多張卡之中最快嘅一張，因禍得福，下次都考慮用呢隻～
話hea遊咋，其實都幾多嘢要今日做，上次本來訂咗Ｄ八哥公仔俾Ｄ小朋友玩，
點知個店家超衰，無貨一直拖住我哋，叫佢取消又唔取消我哋張單，
叫佢趕唔切就唔好寄去我上一個trip嘅酒店改寄今次住呢間，佢又唔理，
喺我check out前一日先寄出，當然最後到我check out嗰日朝早都未收到啦，
好在上次我住嗰間酒店夠大，酒店裡面係有個日本郵便局嘅櫃台，
個嬸嬸唔識英文都好努力幫我，最後搵到酒店職員做翻譯，
嬸嬸知道我一個月之後會再去札幌，話佢收到之後就幫我轉送去最近
我間酒店嘅郵局，我下次就可以用返我手上個number去嗰間郵局攞～
真係好多謝上次嬸嬸嘅幫忙，唔係個肥妹就唔會有呢個咁正嘅玩具玩～
第一次去郵便局攞嘢～
攞到第一時間check吓啱唔啱先，間嘢咁衰，真係信佢唔過～
齊晒貨，走得～
走時見到呢張海報，好似劉德華...XDDD
諗住返酒店放抵Ｄ嘢先再出嚟，中途見到呢間食蕎麥麵嘅小店八雲人山人海，
咁我哋聽日早Ｄ嚟試吓啦，咁多人幫嚫嘅一定唔衰得去邊～
八雲旁邊有兩間咖啡店，我就睇中呢間嘅咖啡雪糕～
毛爸就睇中呢間咖啡～
兩間都買晒返酒店慢慢歎～
休息完再出發去食午餐，經過見到呢間新開，好似唔錯咁就走入去試吓～
景就一流啦，望住札幌站同大丸～
但壽司就好一般，Ｄ海鮮無乜味嘅，好彩我哋只係叫咗幾碟，
埋單走人，唔係嘥quota，去第二間再食過！
喺行去第二間壽司店時經過Bic Carmera，又順手幫朋友入Ｄ貨先～
呢間今年一月同朋友嚟試過，雖然無美登利咁好食，
不過都好過頭先間好多，第二個lunch~
呢個期間限定嘅蟹蒸蛋只係320円，足料到呢...好在有識日文嘅人提我叫！
呢度嘅壽司好味好多～
食飽有動力去shopping啦～
日本退稅係最方面同合理，只要show passport就即時減咗稅，
唔洗好似歐洲咁喺機場攪一大輪，仲要得唔知幾耐先收得返部分錢，好似乞丐咁！
日本係退100%，部分大百貨公司都只係收1.1%手續費，比歐洲平好多！
新出幾件tee都好靚，仲有件係同人crossover嘅～
買完著嘅就去買食嘅～
呢個湯包１月時嚟買過，無味精，非常好飲，
要嚟煮麵放湯都得，好方便，好過用史雲生！
今日晚餐去食好朋友介紹嘅燒肉~
今晚食嘅牛都有晒number架～
呢度唔多位，大概十幾個卦，裡面仲有間房就睇唔到有幾多位，
但要嚟食就必須要訂位架～
今晚全店都係日本人，一個香港人同大陸人都無，
所以我哋今日食咗餐好寧靜嘅晚餐，鐵板上嘅支支聲仲大過Ｄ人聲...XDD
夠晒熱氣啦...XDDD
好好食嘅燒肉店，環境好，食物正，我一定會再返嚟～
Sapporo Grand Hotel
http://www.grand1934.com/english/
〒060-0001 札幌市中央区北1条西4丁目
Tel:011-261-3311 / Fax:011-231-0388
沒有留言:
張貼留言