今朝約咗十點去人哋屋企攞貨，早餐要食飽Ｄ！
不過呢間酒店個早餐越來越差，下次要考慮住第二間～
不過呢間酒店個早餐越來越差，下次要考慮住第二間～
個蛋白奄列可以煎到咁醜樣嘅！
個粉個湯底淡過水，想點呀！
好在今日好天，唔係去攞嘢都幾煩～
叫咗架的士，連埋塞車，大半個鐘頭先到個畫家屋企，
人哋住豪宅架，唔怪之唔希罕我哋呢Ｄ濕碎order啦！
佢對狗最近剛生咗隻BB，BB好可愛～
攞咗貨，直接搬上我哋架的士，嘢都唔想同佢講多句，原車返酒店～
三大盒，如果寄香港佢要收我哋二千幾蚊，咁我情願自己飛一轉嚟攞啦，
又可以順便同四哥傾吓計，食吓嘢～
今次呢個trip所有洗費我自己出，有份訂嘢嘅朋友我就每份收100蚊運費，
全數會捐去大樹下狗場，希望可以幫到佢哋幾餐飯，
有Ｄ朋友更有心捐多Ｄ，今次總共籌到HK$2400，雖然唔算多，
都代表我哋少少心意，希望可以買多幾包糧都好～
Lunch去咗Water Library，呢間又係唔可以唔嚟，
要試新嘢真係要起碼嚟５日４夜先得呀～
樓底高，裝修又靚，坐喺度食飯真係好舒服～
當然食物水準都要keep到我先會返嚟架，美味！
下午就去買埋ｄ濕碎嘢～
呢個我每次嚟都有人order架～
毛毛最鍾意食嘅雞，喺香港成日都買唔到，呢度大把！
買埋杯咖啡返酒店歎住嚟執嘢～
拆咗盒，一大堆～
上次我搭人訂咗Ｄ，所以今次訂好少～
老實講佢Ｄ料同手工係幾好嘅，不過大家受得氣先好訂喎！
Pack好變成咁，全部都係頭先攞Ｄ貨，
我同毛爸只係用個細喼放我哋兩個嘅衫同日用品～
執好晒嘢先發現，個畫家又漏咗俾相同相框我哋，
真係好彩唔信佢，如果今日走嘅話你話點算呢...
即刻通知佢，佢話佢個sister唔記得放落去喎，
聽朝8點送嚟酒店俾我，我叫佢今晚送又話唔得喎！
咁都無辦法，主要嘅嘢攞咗，嗰Ｄ係配件啫，我信你一次咁多！
好攰，要瞓個晏覺先可以出去食晚餐^^
去食晚餐途經見到佢，好可愛嘅喇叭，有Ｄ後悔無買...
唔想行得遠，又嚟Emquartier搵食～
呢度有其他商場無嘅空中花園～
好懶，又係去返Fuji，平靚正之選～
食飽啡一啡，人生最大享受～
HILTON SUKHUMVIT BANGKOK
11 SUKHUMVIT SOI 24, KHLONG TON, BANGKOK, 10110, THAILAND
TEL: +66-2-6206666 FAX: +66-2-6206699
劃得真係好靚呀,但好無信用咁,真係勞氣呀~
回覆刪除所以不值得幫嚫！
刪除