2015 台北即興之旅 Day 4 (30 Jun 2015)

今朝辛苦晒兩位團友晨咁早就去果欄度攞芒果，
我哋３個人訂咗５大箱愛文芒～

箱箱芒果都又大又靚～

仲有個心型架！

綠色係龍眼芒，我未食過，台灣朋友媽咪送俾我哋試，

今次都係多得呢位台灣阿姨我哋先有Ｄ咁靚嘅愛文芒食咋！

Pack 好晒Ｄ芒果，check out, 寄埋Ｄ行李喺酒店就出發去今日嘅景點啦～

松山文創園區

就係要嚟睇佢～

呢度同時仲有好多其他展覽睇～

今日我哋早，展覽未開門，咁去行吓街先囉^^

台灣，邊度都有咖啡賣，真係驚你無得飲會Ｃ咁！

呢度賣嘅嘢都好精緻～

呢３杯咖啡都等咗一段時間，應該係精心炮製...XDDD

個杯蓋好實用，紅色個小蓋可以再吸返落放飲管個位，

飲唔晒都唔怕倒瀉啦，真係好貼心嘅設計！

終於等到開門，拿拿聲入去睇啦～

Ｄ公仔好抵Ｃ同可愛～

有好多產品可以買走～

睇完就去吳寶春麵店買埋冠軍麵包就要去食lunch啦～

新出品，有得試食，好香好好味，即買！

Lunch去咗君品酒店"雲軒"食龍蝦12味自助餐～

12款唔同煮法嘅龍蝦任食～

仲有好多其他款式嘅食物～

魚生都係無限量供應～

鍾意食朱古力嘅朋友見到一定好開心～

沙律吧都好新鮮，又多選擇！

解窄果汁

生果款式就少咗Ｄ~

蜜糖係成塊上！

食咗好多轉龍蝦，咩味都試晒...XDDD

呢個Tiramisu超得，唔甜又夠滑，仲有陣陣酒香！

我知道咁係太過份，不過食埋呢餐都返香港囉，放肆Ｄ都係咁話啦～

呢碟唔關我事架！

原來我哋３個人買咗４大袋麵包！返香港有排食...XDDD

食飽返酒店攞埋行李出機場，呢度係一人份嘅行李，

所以我哋３個人都要call架７人車！

３人行李，好似我係最檢點嗰個...XDDD

桃園機場都幾多嘢買，可惜我哋無位再買啦～

呢隻八哥公仔有Ｄ貴，本來都想買，不過見到佢係made in China，即刻放返底～

嘆埋杯咖啡就準備上機啦～

仲分咗個吳寶春麵包食，果然係冠軍級出品！

又Delay咗個幾鐘，CX真係差咗好多！

今次個飛機餐算係咁，食得落！

十點幾先返到香港～

4日３夜都可以買成咁，下次毛爸應該唔俾我自己去旅行！

全部行李安全到達！４日３夜台北即興之旅完滿結束！