2015 台北即興之旅 Day 1 (27 Jun 2015)

話說有一晚，３個傻人食飯講起好想見一位台灣朋友盛裝嘅靚樣，

就係咁，第二日，即刻book機票，訂酒店，向台灣出發！

因為要趕及12點到達會場，所以訂咗朝早8點機，真係人都癲呀！

天未光就出發...

 去到機場寄咗行李，買個麥當勞早餐就衝去閘口上機~

好耐無試過喺香港機場要坐呢Ｄ巴士～

好在我有買早餐...XDDD

真係晨咁早到，未試過見桃園機場咁少人。

三個人出發嘅行李已經要坐車頭，回程一定要call架大車！

今次因為遲book，又加上71, 仲要係３人房，選擇唔多，呢間位置雖然唔算太方便，不過房間就好大好舒適～

酒店staff好好，11點已經俾我哋check-in~

有個大廳俾我哋玩！

仲有個小偏廳，住多個人都得～

合三人之力，帶俾台灣朋友嘅手信同埋佢貓貓嘅罐罐^^

 12點到達會場，見咗朋友，影咗相就繼續我哋台北嘅行程，

今日係朋友家姐結婚，所以我哋只係到賀，無參加婚禮，

下次台灣朋友結婚，我哋必定參加，到時記得留返個靚位我哋呀！

Lunch去咗永康街食牛肉麵

排咗十幾分鐘就入到去，算好好彩！

豬腸，好肥～

牛肚，好爽，好味道！

牛肉麵，又軟又入味！

三十幾度，見到呢個雪花冰，點可以唔食！

荔枝冰，好清甜！

芒果冰仲要加球雪糕，真係夠晒邪惡！

 跟住陪朋友去咗包裝廣場入貨，之後又再食！

好鍾意去台灣Ｄ咖啡小店，唔多人好舒服～

蛋糕做得好好食，唔會太甜，忌廉好滑！

休息完又繼續shopping，見到好可愛嘅蛋糕仔，好借太飽，無試...

晚餐去咗欣葉食台菜，呢間係我個朋友必食嘅台菜餐廳～

每款餸都保持到水準，好好食...但我哋今次好變態...

叫咗個十人份量嘅竹筍雞湯！

 但佢真係好好飲，３個人飲晒一煲10份嘅湯，真係有Ｄ嚇人...XDDD

食埋甜品就返酒店，好眼瞓，今朝５點起身到而家！

京站二館國際酒店式公寓

地址:光復南路415巷226號, 信義區 (台北市, 110)

電話: +886227203668

http://www.myresort.com.tw/itaipei2/