2013 上海 - Day 4 (30-11-2013 Sat)

第四天:紹興－＞杭州

因為噚 日行程太豐富，攰到Ｃ咗，９點就上床瞓，今朝可以好早就醒，清晨嘅景色更靚！

右手邊就係我哋住嘅屋仔，屋頂結咗霜呀！

成個渡假村都好大吓架！

每間屋都唔同，各有各特色～

喺渡假村裡面，周圍都可以見到河～

呢個係酒店大堂所在處～

穿過大堂就係食早餐嘅地方！

裡面好現代化架！仲好多嘢食，中西都有！

咸嘅豆腐花，第一次食，好味又好滑！

原本呢間係中國百佳酒店之一，唔怪之咁正啦！

食飽早餐就坐船仔遊吓呢條村，好寫意～

噚日食飯暑餐廳，開舖前要掛返Ｄ鴨出嚟，日日都要收收掛掛咪好鬼煩囉～

午餐去咗食麵，酒店包埋～

得８款麵，有兩款無貨，我哋４個人，叫咗４碗～

點知碗碗都好似面盆咁大，最後個個都食唔晒，真係嘥！

返房執好行李，check out就出發去杭州啦！

拜拜啦大禹！呢兩位喺我哋喺南極認識嘅中國朋友～

由大禹去杭州嘅西湖要兩個小時嘅車程～

今次我哋住西湖賓館，呢度有好多名人住過架～

酒店就坐落西湖旁邊，景色超美，又方便，一行出酒店就可以睇到西湖嘅美景，而且唔洗同人迫，好正嘅一間酒店！

成日聽人講杭州西湖有幾靚，都不以為意，第一次感受到，呢Ｄ相只係用iphone同一部防水相機影架咋！

行行吓見到個好靚嘅pat pat...XDD

正面靚好多...wakaka...

喺湖邊一直行到日落先去食飯～

朋友刻意安排我哋喺西湖旁聽嘅餐廳食飯，咁就可以對住西湖耐Ｄ啦！

今晚每一個餸都好特別，大部份我都未食過，樣樣都好食，可惜我得一個胃，唔可以食晒佢哋落肚！

可以喺西湖食龍井蝦仁真係一絕呀！

白色嗰Ｄ係魚肉，好鮮，好好味架！

乞兒雞～

呢個湯我第一次飲，好得意滑漉漉^^

野生黃魚，好鮮呀！

個樣又可愛，內涵又好味嘅龍井茶酥，一打我都食得晒呀！

４個人食咗２０個餸，簡直係人類極限大挑戰呀！

跟住就返酒店啦，食到咁飽我都瞓得著，我都幾服咗自己架...kakaka..