25 Jun - 1 Jul 2011 曼谷之旅 ﹣ Dog Show 篇

今次我哋好好彩，可以睇到泰國dog show ( http://www.thailand-dogshow.com/index.php?lang=en )，其實我哋出發前都唔知，係去到泰國睇報紙先知，啱啱喺我哋返香港前一日開show，夾得咁fit，當然要去睇啦！

 

會場有接駁車 (http://www.impact.co.th/en/easy_access.php )，係BTS Mo-Cit站旁邊 ，每半小時一班車，車程都係半小時，收費每人每程30baht，上車唔洗俾錢，落車先俾～                     

 

 

 

呢度就係落車地方，返出去BTS站都係喺呢度上車！

 

一落咗車就見到會場，都好方便易搵！

 

未入會場已經見到隻好靚嘅８哥仔，玩陣先走啦靚仔！

 

入場費20baht一位，部份會捐俾救助流浪狗嘅團體～

 

等買飛時又見到幾隻狼狗，佢哋應該係嚟表演嘅～

 

入場啦！

 

一入門口就見西莎個booth，又靚又大，仲有個位有攝影師幫主人同狗狗影靚相！

 

 

個會場都好大吓，應該大過香港機場嗰個，不過Ｄ嘢就同香港差唔多！

 

右手邊有個俾狗狗玩嘅地方，都好大吓！

 

 

呢隻BB好可愛，最愛咬人褲腳，跑時跳吓跳吓，真係想抱佢返屋企呀！

 

狗廁所都大過人～

 

毛毛食開隻糧呢度都有得賣，仲平好多，不過咁重都係唔買啦！

 

仲有好多唔同嘅booth，好多都好大吓～

 

 

 

 

 

 

 

 

 

因為好多嘢香港都有，所以只係買咗３件小朋友衫同２件大人衫就算啦！

 

 

跟住就去睇人哋Ｄ狗狗比賽～～

 

呢隻８哥好聽話，無論咩情況下都專心望住個主人，最後佢勝出咗～

 

之後到松鼠狗比賽～

 

我好怕Ｄ人將Ｄ狗染成咁，唔知Ｄ染料對Ｄ狗有無害架麻！

 

比賽嘅後台情況～

 

呢幾隻西施準備緊一陣出賽～

 

 

泰國狗展同香港最唔如嘅就係佢有狗賣！

 

 

Ｄ狗BB好可愛，但我又覺得佢哋好可憐，希望佢哋好快可以搵到位好主人啦！

 

 

 

 

 

呢隻BB好識搵位瞓噃！　　　　　

 

 

再嚟介紹吓我咃嗰日遇到嘅狗朋友！
 

 

 

 

 

 

 

 

毛爸超鍾意佢，同佢玩到唔捨得走，不過呢位小朋友又真係超乖超得人鍾意嘅！

 

 

小朋友：大叔你想點呀？我女仔嚟架喎！

 

 

 

 

 

 

喂！我型唔型仔先！

 

 

 

 

 

 

每一位小朋友都好得人鍾意，下次有機會再嚟同你哋玩啦！

 

呢個會場都諗得好週到，各款電話差電器都有！

 

泰國８哥會都有嚟擺booth，frank ma 你要唔要同佢哋聯盟呀？

 

仲有樣嘢同香港唔同，就係佢哋有Miss Dog Show選舉，入場嘅人士都可以投票！

 

行咗成朝，午餐隨便搵咗間餐廳食，唔好食，又嘥quota添！

 

最後都係要去Starbucks度hea一hea先願意走～