『毛毛點點頭，答應和我一起去伊豆』唔經唔覺已經出咗差不多一個月啦!
.gif)
最近開始收到比較多網友表示有興趣帶佢哋嘅寶貝去日本玩，想再深入了解下手續嘅詳情
.gif)
.gif)
.gif)
1. 大家對分享會(當然一定係可以帶狗狗嗰種啦)定係寵物遊學課程興趣大ｄ呢?
a.) 分享會就會係大家傾吓講吓問吓咁嘅形式，
由於要帶埋狗狗地點可能會遠少少。
b.) 寵物遊學課程會係上課咁嘅形式，有筆記同資料，
但係呢種形式比較難帶埋狗狗一齊嚟，
而內容會包括帶狗狗出國旅行嘅手續，行程嘅準備，
如何找尋各種的資料和準備工作上要特別注意嘅事項。
2. 大家會唔會有其他建議呢?
例如搞個燒嘢食扒地，好似我哋平時搞嗰ｄ狗狗活動咁呀....
3. 有幾多網友有興趣參加以上嘅活動呢?
我都想睇吓會唔會有人參加先開始準備，如果大家興趣唔大嘅，
就可能唔搞。
4. 有無好嘅地點介紹呢?
第１項兩個選擇都唔會收費用，而類似第二項就可能會收返ｄ嘢食或者場地所收取嘅費用咁囉！總之一個原則就係我一定唔會收任何人工啦，大家點睇呢？
俾D意見我，等我可以同出版社傾吓吖！
.gif)
由於太陽伯伯偷懶，狗哋係屋企成個禮拜都無去過街啦，Daddy同媽咪你哋唔好成日話我肥啦，都唔帶狗哋出去做吓運動，點減肥啫！
我日日都俾個悶樣佢哋睇，終於佢哋頂唔順我個悶樣，星期日雖然落雨都帶咗我去PetMAX行吓街同嘆吓啡，有無得行街係其次，最緊要係去Three Dog Baker行返轉，買件餅食吓！
其實平時我都唔係好鍾意食餅餅架，但係唔知點解呢間餅店嘅出品我樣樣都鍾意食喎！仲係好鬼鍾意嗰隻～～
今日媽媽買咗一大盒俾我，買完就梗係去媽媽鍾意嘅StarBucks一齊嘆吓啡啦
，咁大盒無一打都有半打啦卦?
怏ｄ開嚟食啦！
唓！得三件咋? 媽媽セ你咁架，西餅梗係一打打買架麻！
算啦，三件都剎啦！快ｄ俾我食啦，等到我雙眼發光啦！
食邊件先好呢? 媽媽，我要食最大嗰件！
話說daddy同媽咪去完旅行就帶咗呢位著三點式嘅靚女返嚟俾我啦，泰國真係多靚女啦!
我都好想要套三點式呀媽咪!
喂!靚女，借套三點式我著吓得唔得呀?
唔借?唔得!你唔借俾我，我就咬你! (媽媽 : 借俾你都著唔落啦! 肥妹
)
嘻嘻，投降未，我都話你唔夠我鬥架啦!
媽媽佢投降啦，好啦，就我收你為"靚"啦...嗱你以後就跟我啦!
瞓覺都要跟實呀！
玩完一輪就開飯啦，今日daddy抱咗我上廚房張枱面食飯，是但啦，係邊度食都一樣啫，最緊要係碗入面d 嘢！
媽媽我食晒啦，有無甜品呀?
食飽飽，媽媽就話要我開工啦，開工做咩呀?
(媽媽 : 打手印囉，你ｄ朋友仔要吖麻！）
我打完手印，媽媽就將ｄ書攞咗去當衫咁涼喎！都唔知佢搞咩！
喂！媽媽記得幫我洗返乾淨隻手仔呀～～～
今日係毛毛書分享會嘅日子，從早上開始已經有d緊張啦，但都唔算好緊張，因為有我個編輯做主持，佢經驗咁豐富，有佢帶住我使セ驚!
兩點鍾就到達咗會場啦，小毛毛同小吉吉嘅佈景版好靚好搶眼，見過主辦單位嘅負責人之後，就要準備開始分享會啦!
今日都有d我自己嘅朋友嚟咗，包括有小吉同佢豆咪仲帶埋啱啱渡完蜜月返嚟嘅阿四家姐一齊嚟添噃!
好忙嘅YoYo爸同YoYo媽都放抵工作同功課嚟支持我，真係無言感激啦!
呢個小妹妹就係我本書嘅畫師啦，佢嘅畫我睇過好多幅啦，但人都係第一次見咋~係咪人同畫都一樣咁靚呢
Creamy媽都嚟咗，不過爸爸就返工嚟唔到，無咗個攝影師幫我影靚相添~~
毛毛書印得咁靚就要多得左邊呢位係Wilson哥哥啦，佢係印刷公司嘅揸fit人，而右手邊嗰位就係毛毛書嘅編輯昌哥哥啦!毛毛同小吉有個咁鮮明嘅形象，都係靠佢咋!
一個小時嘅分享會好快就完咗啦，今天好彩有阿昌帶住我講，我哋事前無夾過，今日都算講得幾流暢，雖然今日小毛毛唔去得，而且坐係度聽嘅人，未必都係愛狗之人，但我相信我已經令到佢哋知道香港都有好多愛狗之人，小狗係好可愛 ，應該係受到尊重嘅!
嚫呢個機會，想多謝咁多位抽空出席嘅好朋友，畫師小妹妹，印刷公司Wilson哥哥，仲有肯幫我呢個新人搞分享會嘅出版社昌哥哥，真係無言感激!
