2014 名古屋＋野沢 Day 6 (6-3-2014 Thu)

第六天：野沢溫泉滑雪場

今日最後一日滑啦，要俾心機！

呢度早餐我好鍾意食，唯獨是係覺得無納豆食唔習慣！

今日我哋好勤力呀，7：30就食早餐，晨咁早就上到雪埸，可以滑d未有人滑過嘅雪道，爽呀！

午餐又嚟食美味嘅芝麻拉麵，正！

今日餐廳好少人，老板得閒招呼我哋，仲請我哋食蘋果同紅豆，好味呀！

今日天氣好凍，我同毛爸都係第一次覺得滑雪會凍，平時我哋日日都玩到成身汗架！

大風大雪，仲要好大霧，乜鬼都睇唔到，滑雪都係唔好揀春天，天氣變化太大！

玩到三點幾，凍到頂唔順，又匿埋食嘢！

最後一日滑雪，食完下午茶準備走時唔小心跌嚫，扭到手同跌嚫尾龍骨，最慘係唔係滑雪時整到，

而係食完嘢，著好板，一起步站唔定就跌倒撞嚫，不過嗰時我都以為無乜嘢，係痛痛地，

我仲滑埋嗰半條雪道返酒店添，返嚟照X光先知尾龍骨裂咗，所以而家仲放緊假，可能4月先返工！

今個雪季真係要結束啦！

學滑雪之後，我變咗容易受傷嘅女人...哈哈！

浸完溫泉去食咗個坐唔定嘅美味晚餐！