2012狗狗美加遊－後記

終於都寫完呢19日嘅遊記，好老實講今次係我去咁多次旅行最差，最唔開心嘅一次！

結束咗呢次旅程亦結束咗兩段友誼，而家我深信相見好同住難呢句說話，誰是誰非我唔想多講...

但毛爸今次旅程中對我嘅照顧同處理呢件事嘅方法真係令我好感動，呢樣係我另類嘅收穫，毛爸成日教我，幾差都好咪又當上咗一堂囉，學識咗，以後就唔會再犯同樣錯，人生係好多嘢要學嘅！

最後我想俾個溫馨提示大家，想玩得開開心心，唔浪費金錢與時間，一定要慎選旅伴同地點！

平時一齊食飯喜喜哈哈嘅未必一定可以一齊去旅行！

與其要辛辛苦苦要有人陪去，我而家覺得選擇自己去更好更自在

2012狗狗美加遊－Day 19 (03-10-2012)

天光飛到天黑，終於都返到香港！


我哋架機一停定，已經有車準備啦！

今次我個位好正，影到小朋友落機，香港機場嘅工作人員好有效率，而且好小心搬運我哋Ｄ小朋友，好抵讚！

唔洗幾分鐘我哋Ｄ小朋友已經落晒機，仲開車走埋，而我哋呢仍然等緊落機囉...



跟住去漁濃處接返Ｄ小朋友～


毛毛：快Ｄ放我出嚟啦！


毛毛：媽媽我好掛住你呀！


不過今次唔好彩，要清關，又要攪一輪先走得～




今次又係東舅父嚟接我哋機呀！

2012狗狗美加遊－Day 18 (02-10-2012)

超期待嘅一天，今日真係可以返香港啦，毛毛都好乖，今朝起身肯自己食嘢！ 

毛毛：我食晒Ｄ糧啦，獎品呢？

未天光就準備出發！

呢間房我住咗兩次，就係第一晚同滯留呢一晚，唔好再見啦！

今日重覆返噚日做嘅嘢！

毛毛：媽媽，今日係咪真係走得？

攪咗一朝，三位小朋友準備返屋企啦！

等上機時見到小朋友已經到咗等上機啦！

我坐個位可以好清楚影到佢哋～

但當我一轉身，三個小朋友已經上咗機，真係激Ｃ我，明明可以影到佢哋上機架麻，有無咁快手呀！

香港我好掛住你，我返嚟啦！

2012狗狗美加遊－Day 17 (01-10-2012)

好囉...終於捱完呢個行程返香港啦！

毛毛快d起身準備啦！我未試過去旅行咁渴望返香港，真係覺得放監咁...


毛毛：真係返屋企啦？


毛毛：可唔可以瞓多陣呀？


9點到達AirCanada Cargo辦公室


點知AC cargo Canada話香港天氣熱唔俾運live animal, 痴鬼線咩廿幾度都話熱，咁我幾時返得香港呀？去死啦你！


我哋嘈咗好耐，俾咗好多建議佢佢都唔肯俾我哋d小朋友上機，淨係話唔關佢事係中央嘅決定，佢哋都無能為力，仲話未來幾日都未必可以飛，而人嘅機票又唔同我哋改，要我哋自己去客運大樓嗰邊改，但最後我哋係改唔到，因為我哋d係平飛，平飛無晒位，仲要我哋唔知邊日先走得，所以我哋每人要攞一萬大玩出嚟買過張單程機票！

咁情況我唯有打電話返香港check，香港AirCanada Cargo話無問題，香港唔熱，可以飛，咁我又將呢個情況話俾加拿大嗰邊知，佢話如果咁要香港一位AirCanada嘅高層confirm佢哋，佢哋先接受，仲指名道姓話一個人，其他人唔得，乜一間公司只有一個人信得過咋咩？

因為嗰陣係香港半夜時候，一定搵唔到人架啦，咁我哋就去繼咗架車，再租酒店，安頓好d小朋友同行李再研究可以點做！

我哋邊lunch邊傾，都唔咩可以即時解決嘅方法，而且大家都緊張咗成朝，我叫大家去休息吓，傍晚6點再集合，到時香港係日頭應該可以搵到人幫手～

但呢段時候我實在瞓唔到，咁就不斷出email問呢樣問嗰樣，希望一陣開會有多d資料俾d團友參考！

係我不斷睇返之前同AirCanada Cargo d來往嘅email時，我發現原來出發前我出email投訴call center個CS時，其中一個被CC嘅人就係ACC canada講一個要佢confirm嗰個人，咁我即刻send email俾呢位香港話事人啦，請佢幫忙！

太好啦，佢好快覆咗我，佢話會處理仲叫我有問題可以打電話俾佢，當然要即刻call佢啦，我講晒我哋今日嘅遭遇俾佢知，佢話香港呢邊天氣無問題可以運，佢話會出email俾佢哋，當呢位香港話事人個email一出，即時各方面d email，咩manager，咩Leader呀都一齊倒水咁倒落我個email度，大概半個鐘頭嘅email來往，終於confirm咗我哋d小朋友可以明天上機返屋企，個個都話會take care我哋呢單嘢！

呢位香港話事人我唔知佢咩職位，但我相信一定唔低，佢好好人又好肯幫人，加拿大嗰邊應該要send email同佢confirm我哋個booking, 佢收唔到，自己出過email去加拿大confirm收我哋d小朋友，叫佢哋即時處理！香港人同加拿大人嘅工作態度真係差太遠，我今次真係因為我係香港人而自豪！好多謝AirCanada Cargo HONG KONG各個工作人員出心出力幫我哋手運我哋d小朋友返嚟！

AirCanada Cargo Canada食屎啦你哋！

2012狗狗美加遊－Day 16 (30-9-2012)

玩咗咁多日個個都唔願起身



今日繼續行Stanley Park






























行完公園去Shopping - Granville Isand, 呢度我十年前都嚟過，不過而家好似熱鬧咗～

門口有人喺度表演南美音樂，好好聽，好吸引！


裡面都係賣吓d食物手信咁啦～


行行吓同d團友失散咗，咁我哋自己去搵食，先前見到呢個龍蝦牌時有個人同我講想食龍蝦，掉咗個女咪有得食囉...但原來唔洗架，呢間係外賣店，無堂食，唔洗掉咗個女都有得食架，好在毛爸見我呢排心情差又食得唔好問我想食咩，我話食龍蝦佢就陪我去買，好在無信d人啫！
毛爸揀咗隻兩公斤有多嘅龍蝦，都唔洗三百蚊港紙，呢度仲可以幫你煮熟埋，你想點整同佢講，佢會免費同你整熟，半個鐘頭就有得食！


呢個就係我哋嘅午餐，好好好大隻，不過毛毛唔好蝦，無興趣，瞓咗！

呢間公司真係好service仲幫我哋切開埋隻龍蝦，抵讚！


個蟹挾大過毛爸隻手！


入面舊肉大成咁架！呢個午餐超飽呀，仲要好好好好味，嚟咗咁多日呢餐真係食到我眼泛淚光呀！

去停車場會合返d團友，毛毛上車又瞓啦！




下午去咗d中式超市買手信～









夜晚又去返先前間餐廳食，唔係因為佢好食，係因為可以同小朋友一齊食飯嘅地方唔多！