冬天又有陽光普照嘅日子，當然唔可以浪費，毛爸今日其實要返工架，不過都係唔捨得咁好天唔同毛毛去玩，所以近近地帶毛毛去彭福跑一轉先返工！
星期六嘅早上彭福好少人～～～
毛毛早到草地就成隻生猛晒～～
笑容都燦爛ｄ呀！
今日撞到班八哥街坊，毛毛識咗好多新朋友～～～
佢係小巴，仲未夠一歲架，不過睇佢咁活躍都知佢BB架啦～～～
細佬，佢ｄ相我睇過好多，不過真狗都係第一次見，好可愛呀！
仲有好鐘意小巴嘅粉葛，小巴去到邊粉葛就跟到邊架啦～～～
毛毛見到班松鼠小朋友就雞咁腳走埋去，唔知佢係咪以為Creamy嚟咗呢？
跑跑跑......
影影影.......
一個愉快嘅早上！
毛毛..咁好天唔玩下水
回覆刪除[版主回覆01/09/2011 22:34:00]毛毛：豆豆我俾人嚴格監視住，落唔到水呀！
毛毛.....有冇又走落水氹爽下呀, 哈哈~~
回覆刪除[版主回覆01/09/2011 22:37:00]毛毛：俾人監視住，無得 爽呀！
阿毛你一定認錯人，Creamy一家都懶到出汁，點會係呢個時候見到creamy吖!
回覆刪除[版主回覆01/09/2011 22:48:00]Creamy呢ｄ天氣好難得架，叫你阿媽出山啦！
毛毛, 你個樣真係好開心呀, 爭在d牙仔無露到出嚟咋!
回覆刪除[版主回覆01/09/2011 22:52:00]毛毛：係呀，我好鍾意彭福個草地架，好好跑，不過一件得三幾個月可以跑得咁爽架咋！
我都想帶蘇蘇去彭福呀！上次去到佢話有event唔比入，到而家都仲未再試下去。唔知邊日sure可以入場呢？
回覆刪除[版主回覆01/12/2011 23:12:00]
彭福真係好正架，ｄ草地特別靚，所以毛毛好鍾意去！
無架，總之跑馬同星期一就唔開（如果星期一係假期就會照開，星期二先休息），其他都係撞手神架咋，有次我哋一早去諗住少ｄ人，點知佢話晨操遲咗要成十點幾先開呀！
原來毛豬豬都咁鐘意跑架! 佢好細隻呀!
回覆刪除[版主回覆01/12/2011 23:16:00]毛毛最鍾意跑草地，唔知係咪軟棉棉跑我舒服ｄ呢?
佢唔細架，有成７kg架，可以做得幾隻葡撻呀！
我今日先留意到係另一篇'彭福'
回覆刪除[版主回覆01/16/2011 01:44:00]呢兩個月都會成日 彭福架啦！