雖然天陰陰，見好耐無帶毛毛去彭福玩，好啦，凍凍地都去玩一轉啦！
11點到時好少人，好好跑呀！
今日ｄ柴犬好鍾意毛毛咁噃～～～
今日天氣涼，呢隻女跑得好開心，不停咁跑跑跑，好high呀！
我哋今日重撞到BBG，佢哋已經玩咗３個鍾啦，真係後生可為呀！
仲有見到懵炳同佢朋友仔嚟玩，真係約都無咁啱呀！
呢隻毛毛唔知係咪玩到傻咗，跑跑吓，跑咗落個水氹度，叫都叫唔停！
攪到成身濕晒，成隻泥鴨咁，仲喺度騎騎笑～
叫都仲唔肯返埋嚟，仲想飲ｄ污漕水，真係激ｃ人啦！本來下午嘅節目要全部取消，即刻返屋企同大小姐沖涼，咁凍，都唔知會唔會嚫添吖！
毛毛：玩吓啫，使唔使咁嬲呀？
泥鴨腳一對！
條胸帶都濕咗一大半，曳曳呀，上個星期先沖完涼，今日又要沖！
毛毛真係跑得超開心wor!!!!!!!!
回覆刪除行咗落水氹都笑晒, 真係比佢激親呀!
毛媽返到屋企真係做餐屎喇!
毛毛有咁多肉肉唔會冷親既^^
[版主回覆01/02/2011 23:07:00]係囉，佢點止跑得開心呀，仲玩水玩得好開心添吖！ 做餐屎都唔緊要，冷親就大大濟，毛毛成個下午隻耳仔都暖唔返，食咗晚餐先暖返咋，真係俾佢嚇ｃ呀！
毛毛又幾似d小朋友,亂咁走.
回覆刪除[版主回覆01/02/2011 23:09:00]佢咁大個女都未試過架，今日玩到傻咗呀！
點解果度有個水氹既呢? 好彩唔係好深, 唔係就大件事喇! 我係度想像緊毛媽又緊張又嬲個樣
回覆刪除[版主回覆01/02/2011 23:15:00]咪係囉，平時都唔覺有架！
深水好呀，深水反而佢唔會走落去，毛毛最鍾意ｄ淺灘架～
咪癲婆咁囉！ 真係想打佢pat pat呀！
毛毛..乜你咁好慶致去玩水呀..你唔怕凍咩
回覆刪除[版主回覆01/04/2011 16:51:00]佢邊度怕凍吖，打pat pat 佢都唔怕呀！
毛毛一定係玩得好開心喇....frank豬尋日成日呢埋係個被竇入面點都唔出黎.........
回覆刪除[版主回覆01/06/2011 19:29:00]佢梗係開心啦，唔知人哋幾擔心，同佢沖涼又幾辛苦呢.....
泥鴨毛毛, 好在而家唔係農曆年, 唔係媽媽就同你開年都有份呀!
回覆刪除[版主回覆01/06/2011 19:30:00]佢真係五恆欠打架，凍冰冰走去玩水，儲埋一次過同佢計呀！
跑到熱, 過下冷河好正常啫, 啲大人都唔明解 o既. 況且, 都唔係好泥鴨啫...
回覆刪除[版主回覆01/06/2011 19:34:00]毛毛：Bowie, Ginny你哋好幸福呀，媽咪咁明白事理....我就....
哈哈~~!!!毛毛好搞笑呀, 跑到飛起, 之後又走落水氹, 真係比佢笑C咗呀~
回覆刪除[版主回覆01/06/2011 19:38:00]係俾佢激C就真呀！
HA 佢個樣好似 我知錯啦. 超可愛
回覆刪除[版主回覆01/06/2011 19:40:00]毛毛最叻就係俾個可憐樣俾人睇架，咁咪唔使俾人打pat pat囉，姐姐你又中佢計啦！
毛毛，你隻豬腳仔好可愛呀
回覆刪除[版主回覆01/06/2011 19:40:00]下次帶毛毛去你度洗呀！
嘩, 玩水呢隻virus 由低層傳染左上高層
回覆刪除好彩搬得快
[版主回覆01/06/2011 19:41:00]而家過緊去隔離座啦，你唔知咩！
回覆刪除2個動作好一致喎！
[版主回覆01/06/2011 19:43:00]不過佢哋唔識架喎！
毛毛好勁, 無懼寒冷跳落水氹, 可能時值新年假期, 佢心情特別 high~
回覆刪除[版主回覆01/06/2011 19:45:00]毛毛近排時值身痕期就真，打得少呀佢！
真係好dirty
回覆刪除[版主回覆01/06/2011 19:47:00]咪係囉，ｄ水污漕到有青苔架，好彩唔係成身都濕晒咋！
上次麵包都係喺嗰度做泥鴨呀.
回覆刪除[版主回覆01/06/2011 19:49:00]麵包都咁曳曳架？