而家個個都講資源增值，我哋呢班打工一族就梗係要增值吓啦，今日同兩個為食同事一齊放半日假，實行我哋嘅”脂源增值”之旅啦！
一點放工，兩點就去到第一站，山林道嘅”菊日本料理”，由於太肚餓，所有嘢食晒先記起唔記得影相
，第一次去呢間餐廳，好正好抵食，魚生好新鮮，雖然我叫嗰個魚生飯定食只係HK$58.00，但係佢ｄ飯係暖架，魚生好新鮮，set lunch 仲唔使加一！
一餐好滿足嘅午餐之後，就要做吓運動啦，行吓街，好快又到下午茶時間，３點３食咩呢，Toast Box呀，３個茶餐，又全部報銷，勁！
上次去小吉家姐屋企見到佢張著鞋櫈好靚，今日出到城，更係要去睇吓張櫈仔仲有無存貨啦，就係呢間啦！佢嘅木器好靚，全部都唔用釘，係用入"筍"嘅方法做架！
就係佢啦，對佢一見鍾情，得返一張新貨咋，落咗訂，裝修好就帶你返屋企吓！老板好好人，同佢傾咗成個鐘，一位好可愛嘅伯伯，教咗我好多木嘅知識，呢張櫈係用春花木做架～～～
Shopping 完，又嚟食晚餐啦！今次去咗一間好耐無去嘅泰菜餐廳”泰禾美”，間餐廳係一位泰國人開嘅，老板娘好多年前嚟香港做泰傭 ，之後開咗一間得兩張枱嘅小店，嗰陣時我同毛爸好鍾意去同成日去，因為有ｄ似食私房菜咁，老板娘一邊同你傾計，一邊整嘢你食，好親切架！搬咗去而家呢間舖之後，反而少去咗，今次再嚟，個通菜依然咁好食～～～
串燒同蝦餅都超正呀！
呢個咖哩蝦就麻麻地，都係咖哩蟹好食ｄ～～～
芒果肉鬆炒飯......1個字”正”～～～
老友小鄉菇仲買埋外賣返去俾菇爺食，真係一個賢妻.....我要好好學習吓先！
返屋企前，仲要去口甜舌滑買埋碗楊枝甘露外賣先罷休，今日嘅”脂源增值”之旅亦都完滿結束啦，３個人抱住３個大肚腩返歸啦！
菊日本料理
地址 : 尖沙咀山林道4-4A地下
電話 : 2986 3337
Breadtalk & Toast Box
尖沙咀廣東道30號新港中心地下G18號舖
電話 : 2111 1841 / 2111 1842
永安號
地址 : 油麻地上海街335-339號
電話 : 2385 9891
泰禾美
地址 : 九龍城龍崗道6號地下(清真牛肉館斜對面)
電話 : 2718 3173
口甜舌滑
地址 : 九龍城衙前圍道7號A地下
電話 : 2718 2328
.....講咁多, 又冇提供地址..... 我Sunday off, 揾節目呀!
回覆刪除[版主回覆10/31/2009 10:24:00]加返晒啦，你又要增"脂"咩！
菊日本料理 地址 : 尖沙咀山林道4-4A地下 電話 : 2986 3337
Breadtalk & Toast Box 尖沙咀廣東道30號新港中心地下G18號舖 電話 : 2111 1841 / 2111 1842
永安號 地址 : 油麻地上海街335-339號 電話 : 2385 9891
泰禾美 地址 : 九龍城龍崗道6號地下(清真牛肉館斜對面) 電話 : 2718 3173
口甜舌滑 地址 : 九龍城衙前圍道7號A地下 電話 : 2718 2328
食得好滿足wor!!!!!!!!!
回覆刪除我有興趣間木店同埋泰禾美呀!
有地址嗎?
[版主回覆10/31/2009 10:30:00]點止滿足，脂肪仲爆晒燈添呀！
加咗啦，永安號你一定識去，喺陳枝記斜對面！
勁食日??
回覆刪除[版主回覆11/01/2009 14:52:00]肥人增肥日呀！
唔係講笑，睇返啲相都仲好飽!
回覆刪除人地明明想"脂源回收"，你地就偏偏唔支持人!我唔想同你地一齊做薯餅~~圓碌碌，圓碌碌，圓碌碌~~~~~~~~~好得人驚!
[版主回覆11/01/2009 14:55:00]唔知係邊個叫放假嘅呢？ 圓碌碌都係好架啦，好過脹卜卜呀！
我幫你影左個便當, post 埋上 blog 添呀
回覆刪除[版主回覆11/01/2009 15:02:00]好快手呀，唔該晒你，原本你都係為食一族！
睇見D野食真係流晒口水, 不過九龍城對我真係好遠!
回覆刪除[版主回覆11/03/2009 00:17:00]要食好嘢係要付出嘅，我哋嗰日由尖沙咀食到九龍城，邊度遠啫，一路行一路食，好快到架啦！
早幾日出開油麻地買野，問老細攞左張咭片俾你，點知噚日見到你都唔記得俾你添，現在買到就好啦！
回覆刪除[版主回覆11/03/2009 00:13:00]上次係阿四度睇到就念念不忘啦，真係好鬼鍾意佢，毛爸知我買到不知幾開心，我呢張隻色淺ｄ架，無你隻色咁靚，不過買到已經好開心，有好嘢記得再介紹俾我呀 ！錫晒你 ！
間泰菜好似唔錯wor, 我都要去試下. he he!!!!!
回覆刪除[版主回覆11/05/2009 00:32:00]ok架，細細間，無咁嘈，去試啦！
嘩.....咁唔掂喎, 啱啱先決定減磅, 毛毛媽你又.......唉~~!!!!
回覆刪除[版主回覆11/17/2009 17:54:00]我都係日日都話減架啦，食埋呢餐先啦！