呢個星期大部分時間都係揾電器，為咗廳嗰部兩匹冷氣，身邊嘅朋友同師父幫我搵晒幾乎全港嘅大小電器舖，批發商，連日立個倉都揾埋先揾到一部日立兩匹冷氣，而家成個香港都無晒兩匹冷氣，咩牌子都無，最快要等到十月尾先有新貨到呀！又話經濟唔好嘅？好在搵到咋，如果唔係就會影響我哋嘅裝修進度架啦～～～
經過冷氣呢單嘢之後，決定一次過訂晒所有要買嘅電器，我要準時搬返屋企呀！
今次裝修好好彩，有好多街坊鼎力協助，又其事Foon pa，我哋嘅專業電器顧問，所有關於電器嘅問題佢都幫我哋一一解決，仲要幫我哋講埋價，訂埋貨，等我哋慳咗唔少時間同＄＄，搞足佢成個星期，真係唔該晒！
又到Weekend，好開心，可以接返毛毛，無見佢幾日，好痴身呀，我沖涼佢都會喺浴室門口等我，忍耐吓啦小朋友，好快可以返屋企住架啦～～～
毛毛 ： 好快即係仲要等幾耐呀？
星期日同毛毛一齊返去睇吓間屋先，呢個星期，師父們全力做電同水嘅嘢，所以間屋嘅外觀同之前無太大嘅分別，只係燈槽已經見到初型啦！
呢ｄ係以前嘅冷氣喉，裝得好求其，師父話會幫我哋跟返正佢～～～
房嘅燈槽已經完成咗～～～
毛毛返屋企視察個樣好開心呀!
回覆刪除好期待你裝修好既屋企呀!
[版主回覆10/15/2009 21:46:00]個肥妹有街去就開心架啦，我都好期待回家嘅日子呀！
乜兩匹机咁難揾?!
回覆刪除[版主回覆10/15/2009 21:49:00]我都無諗過，而家買咩電器都無現貨，全都要訂！都唔知搞咩？
小朋友緊係想早些番屋企，同爸爸媽媽一齊啦 ！ 毛毛 ，媽咪會同師父加油，忍耐下 ！
回覆刪除[版主回覆10/15/2009 21:50:00]毛毛 : 我等咗好耐啦，你哋快手ｄ啦！
毛毛你要忍啦,好快有個全新靚靚的屋企等緊你啦
回覆刪除[版主回覆10/15/2009 21:51:00]毛毛 ：可唔可以快手ｄ呢？
重要攪幾耐呀?
回覆刪除[版主回覆10/15/2009 21:51:00]一個半月呀！
好快, 即係幾耐呀??
回覆刪除[版主回覆10/15/2009 21:53:00]蕃茄，我媽咪成日”昆”我架，問清楚好ｄ！
進展得都好快喎! 間屋裝修完唔知會係點嘅呢~~
回覆刪除[版主回覆10/15/2009 21:58:00]都算係跟到我哋嘅時間表，希望可以繼續啦，完成咗會係一個好"開放"嘅家囉！
好期代睇下新屋個靚樣!
回覆刪除[版主回覆10/15/2009 22:01:00]唔會好靚，不過會好"開放"囉！
好緊張呀~~~
回覆刪除[版主回覆10/15/2009 22:04:00]仲有成個半月，放鬆ｄ，唔緊張得咁耐呀！
嘩~真係好大工程喎， 提起裝修要執屋..真係好煩架！
回覆刪除[版主回覆10/22/2009 22:36:00]仲要執多一次先完工呀！