2011 MOS狗狗街坊春季旅行 - 工作人員篇

仲有兩日５位老細就會帶同11位隨員乘坐國泰CX520號班機向日本出發，作狗狗街坊褔利事務訪問，等我同大家介紹吓我哋嘅成員吖！

MOS專業試食員&娛樂事務大臣 - 路途上嘅娛樂，沿途揾食，都係靠佢地，我哋食唔食得飽就要睇佢哋架！

你哋睇吓呢ｄ相就知點解俾個娛樂事務大臣佢做啦～

MOS首席design乸同design公 - 靚靚制服同logo就係出自佢哋手！

MOS旅遊事務大臣兼財政大臣 - 負責行程安排同５位老細嘅出入境手續，熱愛洗錢嘅我，當然樂意兼任埋財政大臣啦～

MOS專業駕駛員＆領航員 - 去唔去到目的地就係佢哋話事架啦！

MOS通訊科主管＆專業駕駛員 - 日本路上嘅通訊靠晒佢～

MOS公關經理 - 我哋開會嘅安排，同好多細節都係靠我哋呢位歡公關架！

MOS隨團專業醫療隊 - 負責照顧我哋全團大人同小朋友嘅健康！

MOS隨團專業babysitter - 如果爸爸媽媽唔得閒，托兒服務就交俾佢哋啦！

當然最重要嘅就係５位老細啦！

介紹完工作人員，再介紹吓我哋ｄ行李配件啦～～～

手工嘢都係由我呢位打什負責嘅，各團員嘅行李牌已經ready啦！

行李牌襯埋靚靚索帶，黑色嗰ｄ就係要嚟索住個籠用嘅～～～

另外我哋重印咗唔同size嘅label，貼到毛毛成個籠都係呀！

行李都有佢自己嘅label，每家都有自己嘅logo label，一望到個label就知件行李係邊個嘅，包無送錯行李啦！

寵物旅行社

香港已經有正式嘅寵物旅行社，大家想帶寵物去旅行又怕自己攪手續嘅朋友可以如願以償啦，今年灣仔嘅寵物展佢哋有擺booth，雖然我無去寵物展，不過都有探子報料我知呀～

啱啱睇晒ｄ資料，所有嘢都好吸引，唯獨是個價錢好嚇人，七日六夜，人要收HK$22,000-25,000，狗狗淨手續費要成萬二蚊，已經計埋discount，仲未計運費，另外再加3-4千蚊嘅團費，加加埋埋，一隻小狗(around 7kg)全費要接近HK$22,000，大狗(around 25kg)全費要接近HK$27,000，我就真係接受唔到囉，都係勤力ｄ自己攪算！

毛爸仲笑我，叫我收平ｄ，接咗佢哋手續嗰part嚟做，揾返ｄ外快幫補家計喎！

2011 MOS狗狗街坊春季旅行 - 制服篇

今次我哋呢團好認真架，大人同小朋友都有自己嘅制服，仲係每個family都有自己嘅特色，但一齊著起，又係幾統一嘅制服喎！

有咁靚嘅制服都係多得我哋嘅服裝設計師同顧問”菇爸同菇媽”，經過三個幾月嘅努力，當中不停揾衫，打價，改樣，改色，又要做badge，又要印logo......經過呢ｄ咁艱辛嘅過程，菇爸同菇媽嘅心血終於誕生咗啦！

首先介紹吓我哋大人嘅制服先啦：

所有logo都係統一嘅，不過logo裡面嘅狗仔就會因應返每個family所養嘅狗種而改變！而顏色亦會因應每個人所揀嘅制服底色而襯返～

呢件係我嘅制服，好鍾意呀！　　　　　　

件衫後面都印咗logo，仲要係毛豬豬嚟架！

毛爸嘅，我都係覺得我件靚ｄ！

跟住就係小朋友制服啦，因為我哋今團嘅小朋友嘅size出入好大，一直搵唔到ｄ啱晒５位小朋友嘅衫衫，所以退而求其次就改咗用圍巾啦，badge一樣係跟返爸爸媽媽一樣，不過就係縮水版囉，超滿意嘅作品！          

毛毛：媽媽我靚唔靚女呀？

花絮：

日本酒店寄嚟嘅confirmation letter，連個信封都靚過人！

現代人係咁開會架！

手信...點解可以咁啱心水架?

來自美國同西班牙嘅手信，樣樣都好鍾意，多謝晒蘇蘇家！

西班牙火腿，我嘅”飛弗”食品，聽日就去買個蜜瓜返嚟攪掂佢！

呢個係毛毛，香港成日斷貸，呢支係由美國運到架！

仲有就係我好鍾意嘅建築大師高迪(Gaudi)起嘅一間大屋”米拉之家”啦，2002年我去西班牙都係為咗睇呢間屋，全間屋都好靚，高迪呢間屋嘅設計特色係無直線同唔對稱，當年我都有買一份手工返嚟自己起呢間屋，不過手工差，而當年嗰份係每一樣嘢都要自己剪，自己用膠水貼，終於用咗兩個月，起咗間超”核突”嘅”米拉之家”出嚟，由於太醜樣，上次裝修時已經送咗俾堆填區啦！

今次蘇蘇因應我嘅程度買咗個簡易版俾我，今次我一定會起得佢靚靚架！

有圖教點起架！

唔使自己剪，仲有number跟住砌！

建築進行中！

登登登.........起好啦，係咪好靚呢？

2011 Bangkok - Day 5

５日話咁快就過咗啦，朝早去買多一轉嘢就去機場啦，Check-in 完就去地下嘅機場staff canteen食午餐！

呢度ｄ嘢唔算好好食，不過好食過喺樓上嗰ｄ餐廳好多，所以我哋好多時都喺度食多餐先上機架！

５日話咁快就過咗，真係唔夠喉，下次真係要嚟一個星期先得呀！

 

恭喜發財，萬事如意！

年三十晚帶咗隻女出去行花市，毛毛咁大個女都係第一次行花市咋！

近近哋去咗禾輋個花市～～～

成晚八八卦卦咁，不過都好乖，無吠人！

最後買咗ｄ火百合就返屋企啦～～～

新一年毛毛祝大家身體健康，龍馬精神！

仲有，萬事如意，恭喜發財！

毛毛轉咗糧

攪咗一大輪，最終都係自己去買個用嚟整嘢食嘅量杯，毛毛一日食一個８oz量杯份量，比之前嗰隻多好多！　　

如果將呢８oz嘅狗糧倒落之前毛毛食嗰隻Ziwipeak嘅糧杯度，只可以裝滿兩隻兩oz嘅糧杯，如果我用Ziwipeak隻量杯嚟計就ｃ得，足足差一倍份量，所以大家計糧時真係要小心ｄ，美國佬好麻煩，明明計容量，做咩要用重量單位去計呢？真係諗極都唔明白？如果呢隻糧個食糧指示可以改用g計我覺得會方便好多！　　　　

毛毛最終都成功轉咗糧，便便份量少咗，其他就不大變化，我諗需要長一ｄ嘅日子先可以睇到其他變化！