2015 札幌，留壽都之旅 Day 4 (14 Mar 2015 Sat)

留壽都滑雪場-滑雪DAY 3

一起身見到咁靚嘅天氣，真係成個彈起，快Ｄ去食早餐先得！

今日去"Crescent Hall"食早餐，雖然唔同餐廳，但基本上食物款式都係一樣～ 

營養豐富嘅早餐！

納豆飯，好味道呀！

天氣又好，雪又靚，所以今日心情都特別靚！

今朝有Ｄ雪道封咗，話係要進行教練考試喎，我都睇咗一陣，個個都好勁架！

呢度真好，人唔多，好好玩～

今日開始去紅色雪道玩，原來係可以handle到，有進步！

呢度天氣變化好大，時晴時陰，不過無阻我哋興致～

雪景，永遠都係咁靚！

玩到攰時，唔想坐地，咁都係唔錯嘅休息方法...XDDD

噚日咁辛苦搵到間拉麵店，今日要再去幫嚫！

今日狀態大勇，食飽飯無午睡，繼續玩！

今日滑得好順，紅色雪道都可以得心應手，

第一次可以應受到滑雪嗰種好free嘅感覺，

所以去得好盡吓，加上今日無午睡，到下午４點幾就無晒電啦～

二話不說，第一時間去上電先！

再去攞埋Ｄ樂天包裹返房拆，精神晒！

再去浸埋個爛鬼溫泉就去開飯啦，唔係想鬆鬆對腳，我真係唔會去浸呀！

今日無午睡都係因為想試佢，見佢日日７點幾就排長龍，睇怕都係好嘢，

今日特登早Ｄ收工，早Ｄ去，希望唔洗排，果然我６點鬆Ｄ去到，

攞到最後一張２人枱，唔洗排！

北海道自助餐“Kanten歡天”

無限魚生任食，仲要好新鮮～


蟹腳都一樣咁鮮甜好味，唔係好似香港Ｄ咁，得個咸字！


仲有兩款蟹你揀～


燒牛仔肉同帶子都好正，唔怪之日日排長龍啦！

我自製嘅海鮮丼，見唔見到Ｄ飯呀？...XDDD

甜品同咖啡一樣出色，真係好味又抵食之選～

Rusutsu Resort (Tel:0136-46-3331)  
ルスツリゾートホテル（ノース＆サウスウイング）
〒048-1711　北海道虻田郡留寿都村字泉川13番地
http://rusutsu.co.jp/winter/access