2013 玻利維亞+南極 - Day 23 - Port Stanley + Volunteer Point (Falkland Islands)

2013 玻利維亞+南極 Day 23 (28 Feb 2013 Thu)

Cruise day 11 - Port Stanley + Volunteer Point (Falkland Islands)

晨早起身已經見隻船停咗喺Port Stanley附近～

初時仲好好天

不過一陣間就變咗陰天...唔好咁啦，俾日晴天嚟好喎！

Port Stanley有正式碼頭，所以今次唔洗坐Zodiac，可以坐救生艇上岸玩！

上次嚟唔夠時間行，今次早Ｄ，坐第一班船去！

９點未夠就到Port Stanley啦！

一個無諗過要到嘅地方，竟然唔覺意嚟咗兩次，唔通我哋同英國真係咁有緣？

成隻船得４倨中國人，呢張相見到３個

Falkland Islands嘅旅遊中心，就喺碼頭對面，好方面搵！



地下有Ｄ好可愛嘅指示帶你去係想去嘅地方～

第一站，坐免費shuttle bus去最遠嘅museum先～


呢度好多英國旗，令我好懷念９７年前嘅日子！

以前成日見嘅郵筒，懷念嗎？

呢個電話亭又係回憶嚟架！

呢度好寧靜！

跟住我哋又沿海邊行返去碼頭～

人哋個後花園，香港有間咁嘅屋就發達啦！

街燈好可愛，上次嚟無發現添！


今次得我哋一隻細船，所以唔多人，行得好舒服！

Government House

原本呢度Ｄ屋係咁起架喎！

大會堂

好有親切感嘅渣打銀行～

警察局

教堂

行到11點幾就返船度食lunch，準備下晝嘅登岸節目啦！

食飽飯，隻船已經開到去Volunteer Point，坐郵輪就係咁好，慳好多交通時間，下午兩點又準備出發啦！

好型，好似拍緊戲咁！

今次要喺沙灘登陸～

個沙灘好大浪，隻Zodiac好辛苦先堆到沙灘，仲要拉起個磨打，唔係食咗落Ｄ沙度就會壞！

呢個沙灘好靚，有成2 miles咁長，不過我哋目的地唔係呢度～

好耐無同毛爸行過海灘，估唔到今次結婚廿周年紀念會一齊行呢個咁靚嘅海灘！

時不時有Ｄ大浪沖埋嚟，我哋都唔敢行得咁近海邊～

有時會見到Ｄ雀仔喺度搵食～

今日嘅目標出現啦，見到一隻已經好興奮，King penguin呀！

仲見到隻單手嘅小企鵝...


沙灘上多咗我哋呢班moli當堂熱鬧晒！





Ｄ企鵝仔對我哋好有興趣，只要你踎低，佢哋就會行過嚟睇你，好攪笑！

頭先見到嗰隻King penguin唔知係咪知我哋要去佢哋屋企呢，突然起步同我哋一齊行，好似帶我哋路咁！

佢行得好鬼神氣，唔怪之叫King penguin啦！

仲有班＂縷鑼＂跟住佢行！

好威呀！

再行上Ｄ見到有同伴，三個一齊行，Ｄ步姿好攪笑！

佢哋終於成功帶我哋去到佢哋屋企啦！叻仔呀！

我完成任務啦，你哋自己睇啦！

好多好多King penguin...


好開心，好興奮！

原本企鵝同草地都可以咁和諧！

影影吓相聽到有人嘈交～

仲要鬥高鬥大隻添！

好明顯邊個大啦！

其實仲有Ｄ其他雀仔喺度生活架！

仔細Ｄ睇，原來好多企鵝仲喺度孚蛋～

企鵝群中俾我睇到隻ＢＢ呀，點解咁醜樣嘅？

父母係咁靚架喎！

另一邊原來有好多BB架，第一次見King penguin嘅ＢＢ，原來細時都係醜小鴨!

玩到差唔多５點，又行返去沙灘準備坐Zodiac返上船啦，不過經過Ｄ企鵝群又唔抵得要影吓相！

佢哋行過唔理我...

有隻停抵，望吓我係咩嚟！

望咗好耐都唔走！

終於走啦，我可以起身啦，佢喺度我唔敢起身，我驚嚇嚫佢！

點知佢好似有嘢唔明咁又返轉頭！

企鵝仔：你究竟係咩嚟架咁大隻嘅？


今日好攰，沖完涼要去食餐好嘅！