2013 玻利維亞+南極 - Day 24 - Saunders / New Island (Falkland Islands)

2013 玻利維亞+南極 Day 24 (1 Mar 2013 Fri)

Cruise day 12 - Saunders / New Island (Falkland Islands)

朝朝早餐都係食呢幾款，已經有Ｄ厭，好掛住Ｄ白粥同油炸鬼！

8：30就出發啦！第一站Saunders Island！

今次又係喺海灘上岸～





呢個海灘好多海草～




仲有好多烏仔喺度揾食～

企鵝當然唔少得！

呢度Ｄ企鵝都唔驚人，可以好近咁影佢相！

出海揾食啦！

我哋誇過個海灘，一直向高地行，無幾耐就見到好多企鵝！

又係成個山頭都係，呢度無南極咁凍，佢哋生活應該無咁艱難！

南極Ｄ企鵝大部分已經換晒毛，呢度就好多仲換緊～

成山都係毛，鼻敏感Ｄ朋友唔知頂唔頂得住呢...

成群gentoo企鵝中見到幾隻king penguin，仲有隻ＢＢ～

企鵝媽媽好好保護隻BB

有隻路鵝甲行過，企鵝媽媽勁鬧佢，跟住兩隻大企鵝喺度鬧交，最後小企鵝都幫手鬧隻路鵝甲，好搞笑，我哋喺度睇咗好耐！

我哋兩母女唔發威當我哋病貓！哼！

King penguin嘅BB真係好醜樣，成隻鳥雞咁!

有D而家先起巢??

仲有副鯨魚骨喺度，唔知邊個咁得閒搬上嚟呢...

好可愛嘅蟹仔，一樣唔驚人！

由先前我哋上岸嘅海灘行過一Ｄ高地就會去到另一個沙灘，而呢個島Ｄ山都係由quartz sandstones造成架！

嚟呢個灘係為咗睇佢，Rockhopper penguin

佢個樣好惡吓，不過有一身好武功！

喺Ｄ好斜嘅岩石上行同跳一Ｄ都無問題，好嘢！

唔知邊個激嬲佢，惡到佢吖！

呢隻係rockhopper BB, 無king BB咁醜樣！

俾佢個惡樣近鏡你睇吓，成個怒火青年咁呀！

當我哋影到咁上下想走時...

有隻濕水鵝啱啱游完水返，佢哋濕咗水個樣好搞笑！

企鵝：你影夠未！

跟住三兩吓佢就跳走咗，好身手！

企鵝：哼！俾你開吓眼界，勁呢！

企鵝：咁多人影我，拿拿臨整返靚Ｄ毛先！

不過條眉都仲係未得喎！

呢個島Ｄ植物都好少見！

玩咗成朝係時候回程啦！

喺沙灘見到有人咁影相，心諗，一陣有浪部機咪濕晒，都未諗完啫，真係一個浪打埋嚟，濕晒！

今個行程見嘅第６種企鵝，Magellanic penguin～

佢哋個樣好傻，好搞笑！

好多都仲係換緊毛！

呢隻換淨條毛底褲！

成隻船嘅亞洲人喺晒度！

返去食lunch啦！

每次玩完返嚟我哋都會喺甲板除咗對boot用手攞住行返房，咁就唔洗整到周圍都濕晒同污漕晒！

下午４：３０我哋又出發，今次去New Island，最後一次登岸，要好好珍惜！

又係沙灘登陸！

沙灘旁邊有買紀念品嘅小屋～


入面除咗有嘢賣，仲有Ｄ關於呢個島嘅資料睇，不過太黑，好多都影唔到，係影到呢幾隻蛋！

之後我哋就向呢個島嘅另一面行，橫越呢個島！

見到有貓貓喺度玩！

大概要行大半個鐘～


就到咗島嘅另一面，呢度有一個好陡削嘅懸崖削壁～

都幾危險，毛爸身後Ｄ碎石仔下面就係懸崖，一差錯腳就Ｃ得！


大腳八...

咁陡削嘅懸崖上只有雀仔同Rockhopper penguin可以生存到！

乜Ｄ雀仔咁好嘢，成個頭伸入媽媽條頸度食嘢

呢對好恩愛呀！

呢隻鷹就可憐Ｄ，孤零零...

信天翁BB～

影影吓相，有隻Rockhopper好調喺度搶鏡，真係唔影佢唔得啦！

呢隻應該係BB，眉毛都未生好！

今次只係見到信天翁ＢＢ，見唔到佢哋爸爸媽媽，有Ｄ可惜！

夜晚７點準備回程啦！


原路行返去坐Zodiac～

我哋隻Zodiac就嚟返到隻船時，我哋個Guide見到有群企鵝，即該轉呔追住Ｄ企鵝，俾我哋同Ｄ企鵝玩咗一輪先車我哋返船，佢哋真係好好，成日都希望我哋可以睇到多Ｄ嘢，有機會一定帶我哋去睇！

成班企鵝玩得好開心，我哋又睇得好開心！

最後一個島都玩埋，要收拾心情準備返香港啦！