一年一度嘅機場寵物展，我年年都有去架，而Daddy就年年都話同我去，但年年都放我飛機，今年都唔例外呀，又放我飛機，嬲C你呀Daddy
你哋睇吓我個背影幾咁寂寞～～～
都係媽媽好，原來媽媽約咗ｄ朋友一齊去同我玩呀，一去到就見到Alice姐姐，Andy哥哥，粒粒同珠珠呀，粒粒瘦身成功，好fit呀，不過媽媽衰囉，掛住shopping唔記得幫我哋影相，咁你哋就無緣見到瘦身成功粒粒啦～～～
今日仲約埋蘇蘇呀，媽咪喺度等風神哥哥時，第一眼係認得蘇蘇，之後先認得風神哥哥，你話蘇蘇幾搶眼呢
，一嚟影張合照先！
(媽媽係風神哥哥個blog度偷嘅靚相
)
蘇蘇你好多街去喎，下次叫你Daddy帶埋我得唔得呀，我屋企嗰兩個懶到出汁呀！(媽媽係風神哥哥個blog度偷嘅靚相)
今次寵物展大會對我哋ｄ狗狗真係唔錯呀，幾大地方俾我哋玩，仲係有冷氣架～～～
我同蘇蘇都玩到索晒氣呀～(媽媽係風神哥哥個blog度偷嘅靚相)
蘇蘇我支持唔住啦，要坐陣先～～～
都係唔得，好得攰呀，媽媽抱抱我啦
(媽媽係風神哥哥個blog度偷嘅靚相)
再行多一陣媽媽都頂唔住啦，去揾個位食吓嘢，休息一陣先～～～
呢個小妹妹話媽媽咁攰佢幫手照顧吓我喎，個個小朋友好似佢咁鍾意我哋ｄ狗狗就好啦，仲有樣奇怪嘢，就係我唔鍾意同小朋友玩架，唔知點解，同呢個小妹妹玩又無問題喎，媽咪話我年紀大，性格變喎，大咩，狗哋７歲咋麻！
玩到差唔多６點，我哋就坐uncle歡順風車返屋企啦！
嘩，8成相都係蘇蘇架喎
回覆刪除毛毛，你好幸福呀，因為嘟發有個唔願出街既阿媽呀，由朝到晚都係查左AA咁既款
[版主回覆08/03/2010 20:31:00]好開心見到蘇蘇呀，蘇蘇好乖乖架，蘇爸真係錫到佢燶晒吖！
我屋企嗰兩個都係懶到出汁架，我都係好日都無次街去架～～～
嘩…好熱鬧…好多人喎！好唔好玩？多唔多嘢賣？
回覆刪除[版主回覆08/03/2010 20:35:00]唔多嘢賣，今年少左好多booth，不過就係因為咁，好大塊有冷氣嘅空地俾我哋玩，所以好好玩呀！
我都有去, 不過今年好似冇咩好睇...
回覆刪除[版主回覆08/03/2010 20:38:00]我年年都有去，今年就真係最少嘢睇嘅一年，不過塊大空地補返數啦！
有咩收獲呀?
回覆刪除[版主回覆08/03/2010 20:44:00]無咩收獲呀，得兩包零食，同一個俾毛毛喺車度用嘅seat位，喺咁多年最少收獲嘅一次呀！
毛媽, 我遲D比條link你, 你可以download返毛毛D相啦!
回覆刪除[版主回覆08/03/2010 20:45:00]好呀，好在有你ｄ相咋，如果唔係無blog出呀，唔該晒！
咦!!!!!!!!果日原來我地無合照呀!
回覆刪除我只係同咗毛毛影相咋!!!!!!!!!!!!!!!!!!唔製呀!
[版主回覆08/08/2010 22:33:00]係呀，唔記得咗，返到屋企先醒起，下次一定要記得影合照呀！
毛毛, 你用揹帶既? 咁你今年無渣你架私家車去呀? 我地都係1號去喎, 不過係早場, 老兵同辣妹都無得去, 因為下午我地仲要入狗場同狗狗沖涼.
回覆刪除喂, 你幾時又回歸yahoo, 我地都唔知添!
[版主回覆08/08/2010 22:38:00]係呀，俾Daddy放飛機，媽咪一個人帶唔到車，唯有帶揹帶囉！
嗰邊唔知搞咩越load越慢，唯有轉返嚟先囉！