一直都覺得自己太肥，心肺功能差，又易病，之前都想運動吓等自己健康ｄ，不過由於同會所 gym room 開放時間唔夾，一個星期都去唔到一次，真係有鬼用咩！
樓下海濱長廊，等咗好幾年，最近終於都開咗，就的起心肝去做吓運動，一開始時係夜晚10點去，但有時等毛爸收工食飯都等到８點幾，食完都夠鐘瞓覺唔使去啦，無辦法之下改咗朝早去，要咁早起身，最初都幾辛苦，不過一個星期到已經習慣咗，６點嘅空氣真係清新ｄ架，仲有就係好多人都咁早起身架，６點幾已經成街都係人～～～
喱條就係我日日跑嘅緩跑徑，起初我只係跑到１km，有３km係急步行，仲要條氣索到就嚟斷咁，而家已經有進步，跑2.5km－行3.5km，希望遲ｄ可以去到跑４km－行２km咁就very good 啦～～～
我放工有時搭車經過都見到好多人跑步同踩單車! 不過我就無咁好恒心咁早落去跑啦~~
回覆刪除毛媽, 加油呀!
[版主回覆08/20/2010 13:43:00]原來你又係MOS街坊呀！會啦，希望好快就成為我嘅習慣啦！
咁你應該清減咗la...唔駛嚟我度同B女搭食la
回覆刪除[版主回覆08/20/2010 13:46:00]無啦，咁易咩，今次係由健康出發，所以我無上磅，唔想因為磅數影響我個計劃！
咁嚟你度同B女搭訕囉！
你真係好有恆心呀!
回覆刪除努力, 加油呀!!!!!!!!!
[版主回覆08/20/2010 13:48:00]而家唔為健康識儲ｄ子彈，遲ｄ驚行唔郁呀！會啦！
好成功呀, 努力呀!
回覆刪除我依家都係呀,日日都同麵包競步一個半小時呀(三分二競步 三分一跑步),覺得麵包體力好咗,而我又健康咗呀.
大家一齊努力啦.
[版主回覆08/20/2010 13:50:00]你就好啦有麵包陪你跑，毛毛跑唔到咁耐，所以只可以夜晚同佢去行一陣架咋.....
好呀，一齊努力！
咁你挑戰自己,下年參加渣打馬拉松啦
回覆刪除[版主回覆08/20/2010 13:52:00]講笑咩，而家我都係跑到3.5km咋，同佢最短距離10km仲差好遠呀，如果有渣打馬拉松步行大賽，我可能得嘅！
毛媽, 你要努力加油, 唔好半途而廢呀!
回覆刪除[版主回覆08/20/2010 13:53:00]知啦，今日係第21日啦！
真係好有心去做運動丫.. 俾做我1日已經唔想再跑
回覆刪除[版主回覆08/20/2010 13:55:00]我發覺做運動係會上癮架，而家朝朝都會好想去，你試吓，習慣咗就覺得好輕鬆架啦！
毛媽你好, 希望你繼續努力加油, 身體越來越健康, 有冇帶埋靚女毛毛落去一齊跑呢? 不過, 好明顯毛媽你係未瞓醒架, 因為第一張相影埋隻手指.......
回覆刪除[版主回覆08/20/2010 13:56:00]毛毛跑唔到咁耐，所以只可以夜晚同佢去行一陣架咋，朝早６點幾係咁上吓啦！
keep住心中團恒心火呀...支持你
回覆刪除[版主回覆08/22/2010 17:52:00]咁你得閒就嚟鞭策吓我啦！
毛媽，呢條路幾好喎！你努力努力啦！
回覆刪除[版主回覆08/22/2010 17:55:00]係呀，新開無耐咋，梗係好啦，希望大家有公德心ｄ，等條路長期都咁靚啦！
我會啦！