一班mouli圍埋一齊搞咩呢？咪係為我ｄ老細去旅行安排行程囉！
今次真係唔講得笑，有11人5狗，雖然大家都已經去過日本，亦都知道同狗狗一齊去旅行嘅手續點搞，不過今對大家嚟講都係一個幾大嘅挑戰，因為真係人多狗多，好多細節都要得別小心處理，不過我相信我哋呢班mouli應該可以應付嘅！
今次目的地”東京＋伊豆”
首先梗係要confirm咗出發日期先啦，11個人嘅假期真係要夾清楚！
跟住仲有行程同酒店要傾～～～
另外仲要傾分工嘅問題，真係幾多議題架！
好！半場要休息啦，Tea一Tea先，今日有喺”粒珠甜點”度訂咗個法國白芝士蛋糕，好好味，仲超滑呀，真係粒珠出品，必屬佳品！
呢個蛋糕連個內心都好美麗架！
因為有兩個團友唔食得奶同芝士，訂多個戚風蛋糕俾佢哋～～～
和風朱古力綠茶雪球，唔好俾佢個樣厄到呀，係曲奇餅嚟架！
呢個係我最鍾意嘅杏仁薄脆，個個都食到停唔到口！
食咗咁多嘢，都喺時候再努力啦！
大人傾咁耐，小朋友就開始唔耐煩啦，歡爸出絕招安撫菇菇～～～
CoCo : 我都係上嚟睇吓你哋幾時先傾完啫，唔使一齊指住我架.....
大人傾嘢，ｄ小朋友幾無聊！
傾到差唔多７點，要去醫肚啦！地點？可以帶小朋友，又可以坐得舒舒服服，仲要有好嘢食嘅，別無他選啦，麗豪酒店－意廊！
唔該晒大廚同MAX哥哥悉心安排，我哋今晚呢張十幾人長枱，坐得好舒服，大家都超讚呀！
歡歡 : 呢碟咁細嘅，係唔係我哋小朋友架？
當然唔係啦，呢個係餐前小食，係蟹肉同芒果整嘅，好味！仲有前菜－生和牛薄片配火箭菜沙律及黑松露菌油醋汁，龍蝦湯，和牛肉眼扒配大蝦 ～～～
歡歡：嗰碟無我份，呢碟有啦掛？
今晚一直都好好天，點知到我哋食完主菜就開始落雨，拿拿臨走鬼，要坐埋晒太陽傘下面，好在都係落一陣就停咗，都好呀，坐密ｄ，食埋個甜甜蜜蜜嘅甜品！
食飯淨返ｄ錢，一致決定攞去買個希望，希望我哋會有免費旅行去啦！
mouli們，星期二記得對六合彩啦！
2+5+8+9+11+23+39 (7個字複式)
32+33+36+38+39+41+48 (7個字複式)
1+3+32+39+40+41 (運財號碼)
11+17+28+31+34+37 (運財號碼)
9+42+44+45+46+49 (運財號碼)
3 + 7 + 27 + 30 + 31 + 46 (運財號碼)
今日細毛家有事無嚟，放心啦，我哋遲ｄ會update返你哋架啦～
幾時出發呀?好羡慕你哋呀.
回覆刪除[版主回覆08/10/2010 13:44:00]2011年2月呀！你都郁手啦！
咁多人去會唔會好多意見架?
回覆刪除[版主回覆08/10/2010 13:46:00]所以要分工，自己負責自己嗰part，咁咪唔得閒去理人哋ｄ嘢囉！
一定好開心嘞!!!!
回覆刪除[版主回覆08/10/2010 13:48:00]Sure啦，不過我驚嗰幾日無得瞓啫，咁多人，第一個瞓，一定係眾人嘅整蠱目標囉！
你地這個旅程一定可以好成功呢!
回覆刪除你地鐘意個蛋糕就好喇! THANKS!
[版主回覆08/10/2010 13:50:00]希望啦，大家都有經驗會好ｄ，可以互相點吓！
２個無嚟，２個唔食得，最後得７個食，一樣食晒！
我一早就話你應該帶團喇
回覆刪除[版主回覆08/10/2010 13:51:00]唔知ｄ團友會唔會俾Tips呢？
祝旅途超愉快!
回覆刪除[版主回覆08/10/2010 13:51:00]Thanks!!!!
毛毛，你地幾時出發呀！我剛剛同媽媽去完北海道，好好玩呀，儍媽仲口爽爽話2011年3月尾再同小如豬去睇櫻花，唔知有無呃狗地呢？希望到時見到你地呀！
回覆刪除[版主回覆08/10/2010 13:56:00]2011年2月呀，唔去過係體會唔到嗰種心情，真係好好玩，所以我哋去完再去，去完又再去囉！
你哋2011年3月尾咪又要再打針同驗血囉，點解唔早ｄ去捱少一針喎！
大家好認真咁開會, 旅程一定好玩又順利~
回覆刪除[版主回覆08/10/2010 13:59:00]人多狗多，開會真係要認真ｄ，如果有咩事，受罪嘅係我哋ｄ狗狗，所以大家都會特別小心！
一定好玩，不過會唔夠瞓囉！
咁多人去一定好好玩，不過事前planning就更加重要，因為咁多人一出錯就好麻煩喇。
回覆刪除[版主回覆08/10/2010 14:00:00]果然係旅遊專家，全重呀！
所以我哋會分工，定時開會報告進展，真係一ｄ都唔可以俾佢錯架～～～
影多D靚相返黎睇下
回覆刪除[版主回覆08/10/2010 14:01:00]收到，而家重頭痛緊幫GF1買多支咩鏡好呀！
如如：2月？是否新年呀？狗地好多利是扌豆喎。我剛去完北海道，好好玩，媽媽話如果如如乖，出年同我再去睇櫻花，唔知有無呃狗地呢？
回覆刪除[版主回覆08/12/2010 13:32:00]過咗年先去，機票平ｄ麻！
如如唔使驚，你阿媽已經仲咗毒，你唔陪佢去佢仲驚呀！
如如：我係舊年十月驗血嫁，所以趕唔切去2次啦。媽媽話今次想唔打針，只驗血，睇下D抗體夠唔夠，之前話曬有2.6，希望依家再驗都可以過關啦！你知啦，媽媽騰雞，話唔知打錦多抗瘋狗疫苗有無害處。（ps. 儍媽之前以為個 post 出唔到，所以再出，唔好意思！)
回覆刪除[版主回覆08/12/2010 13:41:00]唔打針唔得呀，我哋偉大嘅香港政府規定，狗狗回港時，一年內一定要打過Rabies針架，所以你哋2011年3月再去就算抗體夠數都要打多支針，所以我哋喺每３年去２次就係要減少毛毛打Rabies針嘅次數囉！
真係好羨慕丫~ 不過媽咪都有幫我plan緊嫁了 希望你地旅途順利
回覆刪除[版主回覆08/12/2010 13:45:00]Princess唔使羨慕，你大ｄ就可以去架啦！
叫媽咪遲ｄ先plan啦，因為去日本最少３年內要打過２支Rabies針，到你３歲時打Rabies加強針嗰陣就去得啦～～
嘩, 毛領隊, 原來你今次陣容咁龐大, 除咗制服, 一定要整多張banner要黎影團體相好喎!
回覆刪除[版主回覆08/12/2010 13:50:00]我係團員嚟咋，今次大部份人都去過架啦，都係可以自己照顧自己，唔使領隊架！
咁多人真係可以好多嘢搞，所以2011年去，而家就開始諗ｄ鬼主意啦～～～ 你個都係幾好提意，下次開會提議吓先！
買咁多注Mark 6, 有冇斬獲呀?
回覆刪除[版主回覆08/12/2010 13:53:00]有呀！我揀喱注複式中咗３.............................個半字呀！
2+5+8+9+11+23+39 (7個字複式)
未去收錢，唔識計，唔知有幾錢呢？
一於喺屋企帶啲唔等駛嘢去trip, 在途上兇佢地買嘢 , 唔肯就範就嚇佢哋話遺棄佢地人狗於日本, 等佢地"lost in translation" (迷失東京) ~~~
回覆刪除[版主回覆08/12/2010 13:58:00]嘩！你咁好”橋”架，應該用PM吖麻，而家全世界都知道晒啦，佢哋實帶定機喺車度影我啦 ，到時我實上電視啦！
恭起晒呀~~~so lucky! 你自己諗no.定電腦飛呀?
回覆刪除[版主回覆08/13/2010 14:06:00]真你好好彩呀，我諗架.... １１ 人 ５ 狗（ ９ ）， ２ 月 ２３ 日去日本玩 ８ 日， ３９ 就係希望ｄ狗狗隻隻都３３猛猛，同我哋長長９９！
好消息！好消息！如媽剛剛打去漁護處問關於我2011 年3月再去日本嘅問題，個哥哥話俾如媽聼，從2010年9月起從香港--＞日本--＞香港 （直接），便不用再符合香港要求，即是只要日本準許我們入境，再從曰本回香港就路路暢通啦！
回覆刪除哥哥話下個星期係網站就有公佈啦！
日本blood test report 有效期兩年，以後可以日日叫媽媽去曰本啦！Yeah！勁開心呀！
[版主回覆08/13/2010 15:31:00]咁就似d樣，之前我e-mail同佢哋拗咗好耐，話點解支Rabies針係香港有效期３年，一出境就變咗得返一年，咁係好唔合理，佢話出咗境就有風險，我話我去日本，日本都無瘋狗症，可來有風險，佢就話佢哋ｄ獸醫話有喎，激到我扎扎跳，都唔講道理，有佢講無人講，佢話有就有，來來回回好幾個e-mail都唔肯話會檢討吓，而家終於肯改啦咩！
（Sorry，激動咗ｄ添，一講起個死人香港政府就嬲！）
希望係真架啦！
多謝你報料呀！
如如：所有媽媽都係一樣嫁！為了仔女，一定爭取！之前如媽都有打電話同漁護處嘅哥哥講＂道理＂，那個哥哥就比較好人，他講不過如媽（亦同意如媽嘅logic), 仲話這些規訂不是職員訂，是獸醫訂，仲應成下次同獸醫開會會提出這個觀點。我估一定是太多人投訴這不合邏輯的規例，所以才會修改。
回覆刪除[版主回覆08/14/2010 09:42:00]團結就是力量呀，雖然當時我好嬲，但係我都覺得我出咗聲，佢有記錄，再有人出聲，會再多ｄ記錄，而家大家嘅爭取終於有收成啦，其實都有ｄ意外咁快就有成果！佢post咗update再詳細研究吓先！如果可以俾埋狗狗坐客艙我就俾100分佢啦！
咁有心思嘅numbers, 中埋Mark 6, 今次實good trip 啦!
回覆刪除[版主回覆08/16/2010 13:35:00]希望有好開始，以後ｄ就順順利利啦！
好期待呀！如果有行程可否俾我參照吓！我都掙扎咗好耐想飛去日本架啦︰
回覆刪除[版主回覆08/16/2010 16:18:00]我遲ｄ會post我哋個行程上嚟架啦，大部份會同毛毛書相同，但伊豆行程會改動吓囉！
噢.. 我唔係好明 如媽報料 果part! 即係支 rabies針有效期係三年??! 咁抽左一次血, 如果個result 係>=0.5.. 咁就可以兩年內去多次日本?!!
回覆刪除其實我最想佢地返黎唔係用manifest cargo囉! 幾時改例呀?!!!
[版主回覆08/16/2010 16:16:00]未知呀，要等佢公報先知，如果同日本睇齊，打一支rabies針同驗一次血就係可以兩年內任去日本！
寫e-mail去同佢講啦，多ｄ人出聲，佢就會檢討，唔一定可以改到但有希望麻！我之前同佢拗支Rabies針時都有講，團結就是力量呀！
喂 ~ 你咁好「勢頭」, 得閒彈7個 number過嚟益吓我都好喎
回覆刪除[版主回覆08/20/2010 14:02:00]你都唔錯呀，又開店啦！
好多人同狗狗去喎, 咁你地係唔係去到日本包架旅遊巴呀?
回覆刪除[版主回覆08/20/2010 14:03:00]都有諗過包架旅遊巴架，不過大家都覺得自己揸好玩ｄ，所以今次會租２架８人車！
你地係開大食會, 唔係開大會喎.
回覆刪除[版主回覆08/20/2010 14:04:00]都係大會啫！
你帶團, 做呀珍. wahaha
回覆刪除[版主回覆08/20/2010 14:05:00]係呀，有無ｄ呃錢招過ｄ嚟，揾返毛毛張機票錢麵好呀！
我都好想帶埋frank豬跟埋你地一齊去日本呀..而家應該join唔切喇, right?
回覆刪除[版主回覆08/20/2010 14:07:00]係呀，ｄ團友已經打晒針同驗晒血啦，已經趕唔切喇！
你同frank爸都識揸車，去日本應該無問題，快ｄ的起心肝啦！
漁農處個網今曰update咗D料啦！
回覆刪除[版主回覆09/01/2010 21:51:00]佢真係取消咗下面呢段呀，第時去可以去多幾次啦！
(c) 狂犬病防疫注射證明書 證明該動物在來港前不少於30 天亦不多於1 年間曾接受狂犬病免疫注射。倘為初次注射，該頭動 物在接受注射時至少要有90 日大。動物以往的注射記錄須連同此文件一併出示。
如果可以當手提行李運返香港就更好啦！
嘩~~~~!!!毛毛媽, 你真係好犀利呀, 十月嗰轉都未去, 就已經搞緊出年2月出發, 有得跟你團真幸福呀, hehe~~~!!!
回覆刪除而家我都好緊張呀, 成日都刨你份notes架, 就嚟識背喇, 哈哈~~~!!!
[版主回覆09/07/2010 17:25:00]你都好快出發啦!!!
呢班mouli全部帶狗都去過日本架啦，所以我都唔唔算帶團，都係分工合作啫，有班mouli陪我去我幸福ｄ！
最乖就係你啦！
玩得開心ｄ啦～～～
毛毛媽，我想問下你，如果係日本番香港時，要係日本個邊睇醫生係咪咁洗吾洗再係日本個邊打針嫁，因為今日漁農署個邊話要打，但佢又無話打乜喎～～所以想問下你 Thx...
回覆刪除[版主回覆09/07/2010 20:44:00]係日本返香港時，只需要係日本農林省做個簡單嘅body check，唔使打針架！
另外我而家都搞緊去日本手續，日本農林省嗰邊都無通知我回程手續上有改動，佢網頁上嘅程序都無改喎.....
因為９月漁農署啱啱改咗唔使回港時要一年內打過狂犬病防疫針，所以我估佢係話ｄ狂犬病防疫針嘅要求會跟日本嗰邊嘅規定，你可以再confirm吓漁農署嗰邊喺咪咁嘅意思～～～
回覆刪除歡歡, 估唔到係毛毛個bolg 見到你.... 好開心呀你2月就去日本, 仲要同毛媽一齊去真係千萬個放心..... 我媽媽都話明年4月帶我同土匪細佬去日本呀..... 我地都籌備緊!!! 展華樓一面之緣 -忌廉
我都有打算同隻狗去日本...下年暑假...買佐你本書睇...真係怕攪唔掂...請多多指教
回覆刪除[版主回覆10/09/2010 11:35:00]咁努力啦！
http://www.afcd.gov.hk/tc_chi/quarantine/qua_ie/qua_ie_ipab/qua_ie_ipab_idc/files/g102a_overseas_certification_requirement_for_import_dog_cat_from_g1_country_sept10b.pdf
回覆刪除係唔係改左例? 呢度話從第一組國家直接回港不用狂犬病證明書, PatPat 2010年9月尾打過枝狂犬病針, 即係如果10月回港都唔駛打多針lor, 好囉!
同埋我想問臨離港前比獸醫簽發的健康證明書, 出發14日內都簽都ok?
[版主回覆01/17/2011 14:25:00]係呀，改左例！
根據日本政府規定，健康證明書係要出發前兩日內發出先得架，唔係14日內呀！
http://www.maff.go.jp/aqs/english/animal/dog/pdf/guidenonfree-e201010.pdf
(7) Clinical inspection before departure Before departure (2 days or less before boarding as possible), have a veterinarian give the pet a clinical inspection to confirm that it does not have or is not suspected of having rabies (in the case of dogs, rabies and leptospirosis) (refer to section 1 (8)).
唔好意思, 又要煩到你.
回覆刪除我係漁農署搵唔到個認可狂犬病抗體化驗所個list, 係唔係香港已經唔駛睇呢方面的證明, 就咁跟返日本果邊的要求的化驗所list就ok ga?
係咁睇d資料, 睇睇下我都亂哂籠, 過農曆年真係要開返個files整理一下d資料相信會好一點.
[版主回覆01/17/2011 23:08:00]佢改例d聲明無提及過呢樣嘢，都係揾間兩地都認可嘅穩陣d！
揾咗俾你啦！
http://www.afcd.gov.hk/tc_chi/ quarantine/qua_ie/qua_ie_ipab/ qua_ie_ipab_idc/files/g113_ notes_for_rabies_antibody_ test_sept10c.pdf
報料:
回覆刪除有關狗隻回港是否要狂犬病抗體測試的問題, 我email左漁農署, 佢咁樣回覆我:
(本署不要求狗隻在返港前接受 狂犬病免疫注射及驗血檢測)
所以只要搵到日本認可的化驗所便可以了. 當然如果同時是漁農署認可的就更加有備無患啦.
[版主回覆01/19/2011 14:39:00]多謝你報料呀，同你一樣，我都係覺得揾間 同時是漁農署認可的就更加有備無患啦！