2010芭提雅+曼谷 (8 May 2010 - Day 1 )

本來喱個trip係喺二月，因為隻小毛毛病所以改咗而家５月先去我最愛嘅旅遊地方，不過近排紅衫軍成日攪攪震，萬般不得已之下唯有將７日改５日，曼谷就改芭提雅！

但返鄉嘅細胞就日日喺度攪作對，心思思，好想去返曼谷，日日上網check住紅衫軍嘅動靜，最後........都喺出發朝早改咗機票留多兩日喺曼谷，而家喱ｄ時候曼谷機位幾時都有，改幾時都得，去到機場loung先上網訂酒店，我都係第一次攪到咁”mon”架咋，去泰國唔去曼谷同４哥傾吓計始終都覺得唔係幾好嘅!

今次去喱間lounge唔錯都幾多嘢食，最緊要係上到網，我要book酒店麻

每次上機前我都會買杯illy coffee上機飲，不過好奇怪，平時我鍾意飲熱咖啡，但係我覺得illy嘅凍咖啡好飲過熱喎！

又攪到final call先上機，連相都影唔切，架機得一半人，去到曼谷個機場又好少人，行李一陣間就有，過關又唔使排隊，好順利，今次我哋book咗車落芭提雅，一出閘就有人接，好方便，機場去芭提雅1,000 THB (HK$250),而我哋坐嗰架係石油氣車嚟架，中途要加氣我哋先知！

由機場到我哋住嘅喱間Dusit D2 Hotel大概要個半鍾，我哋坐２點半機由HK嚟BKK，６點半已經喺酒店大堂check-in緊，今日真係超順利呀！

Dusit D2 baraquda Pattaya - 08年尾D2在芭堤雅登陸，地點在2nd Road之上 Marriott 對面，Ave商場旁。全酒店以藍色深海作主題，透過船型的reception，波浪式邊牆出去便是泳池，泳池旁是提供亞洲式，西式食物的餐廳，尾部是健身室及Spa。http://www.dusit.com/hotels/thailand/pattaya/dusitd2/index.html

Check-in完，等上房中....

全間房係開放式設計，連個浴室都係透明架！淨係得個坐廁有磨沙玻璃隔一隔，都幾蝦人住架，兩個朋友點住呢？

個泳池都幾靚，不過就好似開揚咗ｄ～～～

放抵行李就出去揾食，攰攰地，唔行咁遠啦，去對面Royal Garden Plaza嘅Food wave食碗粉算啦，聽朝出去行啦！可能係因為紅衫軍嘅問題，雖然PTY無紅衫軍，不過都好少人到，成個Food wave得一兩枱客！

是日晚餐，味道唔錯，嚟泰國最鍾意食喱ｄ嘢！

Starbucks就一個人都無！

Zen都係得幾枱客咋！

之後見到有間賣狗狗衫嘅舖頭，仲有大狗衫賣，拿拿臨買俾D狗街坊先，大狗衫難求呀！　　　

喱件"adidog"好型呀！　　　

係返酒店嘅路途上聞到ｄ好香嘅咖啡味，咁又坐底試吓囉，不過味道一般，無驚喜！

今日好攰，真係要返酒店休息啦！

我哋揀喱間酒店係因為佢喺正市中心，而且又比較新，出去食嘢同shopping都好方便，唔使坐車，行得攰又可以返酒店休息吓先再出去，而且你見ｄ酒店房個樣就知，喱度一定好少細路啦！