老友飯局@Pappa Mia

老友生日飯順便聚聚舊，去咗間新開嘅餐廳Pappa Mia，聽聞好似開咗一個月到咋！

霸皇新鮮貴妃雞－新鮮雞整架，好味～～～

 

避風塘炒辣蟹－隻蟹超級新鮮，ｄ蒜同辣椒都好鬼香，正！

杞子上湯浸娃娃菜－湯好濃，仲好大碟呀！

帕帕炒粿條－有少少燶味，如果唔係都係一個惹味之選！

花生絲綿冰－好香花生味，好似食緊花生糊咁～～

芒果絲綿冰－清新之選，食得太飽，喱個冰可以幫手消滯！

極品咖啡－咖啡味幾香，如果可以少甜就very good啦！

我哋仲有嘢打包返屋企，估吓係咩！

登登登．．．．就係頭先避風塘炒辣蟹ｄ蒜同辣椒啦，老板話用嚟撈公仔麵一流喎！

http://www.pappamia.hk/menu.html

多謝粒珠好介紹，仲要幫我哋攞埋discount，錫晒你！

2010芭提雅+曼谷 (14 May 2010 - Day 7)

原本我哋係坐18:40機返香港，不過早兩日航空公司通知我哋班機取消咗，轉咗16：05班機，所以今日會早ｄ返！

朝早唔係有太多時間，所以喺酒店無出去，知道今日曼谷仲會有大單嘢發生，所以預多少少時間出機場，11點就check out起程去機場啦！

我哋check in同check out都係喱位靚仔哥哥幫我哋手做，佢個樣好似我個blog友阿風神哥哥架，我"咋咋第"先影到佢個樣，不過就影唔到佢笑個樣，笑個樣最似呀！係咪失散咗嘅孖生兄弟嚟架

，幾想同佢講廣東話，睇吓佢識唔識應我吖！

航空公司叫最好早3小時到，一路上都好暢順，但ｄ主要路口都有軍警戒備，好快已經去到機場.....機場好少人，從未見過泰國機場少人成咁，沙士時我都有嚟泰國，但情況無咁差囉...

過關唔使排隊，行李車仔成個海咁，平時我成日都攞唔到嚟用架～～～

VAT refund office，得嗰兩丁人，平時排長龍架麻！

搞好晒手續，第一時間揾間lounge上網睇新聞，先知情況比我哋離開曼谷市時更嚴重.....

晚上8點返到香港，唔好意思令大家擔心啦！

而家我最擔心就係示威區裡面ｄ婦孺，我前兩日喺佢哋營地度見到入面大部分係d婆婆同細路呀！

希望曼谷快ｄ回復和平，唔好再有人傷亡，我最愛同熟悉嘅地方，願上天保佑泰國！

2010芭提雅+曼谷 (13 May 2010 - Day 6)

酒店早餐OK啦，西式早餐要有嘅佢有晒，不過我哋都係食吓生果同白粥，要留返ｄ位麻～～～

我哋酒店對面個building原來間間都有泳池架，不過個池就細ｄ，應該游唔到，浸吓都ok嘅！

因為紅衫軍霸咗個SIAM商業區，成兩個月無做生意嘅Paragon就張ｄ貨搬晒嚟呢個臨時場地賣，由我哋住嘅酒店行過去個臨時場都唔使5分鐘，咁今朝就去行一轉啦！大部分貨品係時裝，而且ｄ折頭都去到50-60% off，不過好多都係前嗰一兩季嘅衫，唔多吸引～～～

 

無得去SIAM嗰區，唯有轉戰Asok區啦，Robinson已經好多年無行過，今次再行，竟然買到唔少嘢喎！

午餐都係Food court囉～～～

今日午餐仲有飯後果榴槤呀，泰國ｄ榴槤得別好食，香港食唔到喱ｄ味架！

而下午茶就過咗對面Times Square間Starbucks～～～

正當我哋嘆完啡，去Boots睇緊嘢嘅時間，突然間啲sales收晒舖出面ｄ嘢返入嚟，跟住同我哋講話曼谷有緊急事發生,要即刻閂門,情況好似好緊急咁，當時係大概下午4點，而我哋嘅身在地距離示威區有成3個BTS車站咁遠，都覺得好奇怪，事情真係發展得咁快？不過我哋都唔理咁多啦，急急返酒店,但街上嘅人好似無事發生咁.....

返到酒店即刻開電腦同電視睇新聞，先知原來夜晚會有大事發生，心情好沈重，希望無好有流血事件發生啦.....

喺喱段時間收到好多朋友關心我哋安危嘅電話、sms、email同留言，真係唔好意思要你哋擔心，我哋好安全，唔使擔心，喱度嘅情況無電視新聞講得咁嚴重，只要唔去示威區，其他都好安全，我哋聽日下午4點機返啦！

到晚飯時間我哋都諗住乖乖喺酒店食，點知打去餐廳問，佢哋話俾人包咗攪Party喎，咁嘅時勢仲有人攪Party?

酒店無飯開，唯有去樓吓睇吓有無嘢食啦，點知所有嘢都如常運作，咁我哋又近近哋揾間餐廳食ｄ嘢就返酒店，最後去咗Greyhound Cafe～～～

嗰邊有嗰邊嚴陣以待，喱邊有喱邊夜夜笙歌！

喱兩杯果汁整嘅Cocktail，好清新，好好味！

日式soba沙律，蝦新鮮，麵彈牙，菜夠脆，正！

每隻雞翼都經特別處理，當中只得一條骨，方便易食！

lasagna唔夠肉汁，好乾，麻麻地！

喱個漢堡包同lasagna一樣唔夠肉汁，好乾，麻麻地！

食飽走時BTS已經停駛，睇嚟今晚真係會有大事發生...

條街好靜，夜市ｄ檔口仔都無開～～～

開咗檔都要收檔走人啦！

我哋住間酒店門口都有軍驚駐守，因為阿披實間屋就喺我哋街尾，不過佢而家去咗軍營住，所以我哋喱度應該無問題～

毛爸仲有心情叫我影吓個走廊，佢話好靚喎！

成晚喺酒店留意住示威區最新嘅情況，希望真係唔好再有傷亡發生，件事可以和平解決就好！