噚晚毛爸去咗公司嘅annual dinner，我同毛毛就喺屋企等毛爸返，９點時毛毛已經瞓咗，但係９點幾佢就好似發噩夢，突然間彈起，但又即時瞓返，過咗無一分鐘佢就用兩隻手仔抓對眼，好似好痕咁，見到已經嚇呆咗，即時阻止，但都已經抓咗兩吓啦！當時即刻幫佢睇吓，無紅，無腫，手術個傷口都無事，咁以為無事啦！
瞓覺前照平時咁幫佢洗眼仔，一切正常！
到夜晚兩點到，毛毛開始唔瞓覺，周圍行，抱佢又唔鍾意，行嚟行去，好似唔知自己想點咁，抱佢有時都瞓到一陣，就係咁樣瞓吓醒吓到４點，毛爸覺得有Ｄ唔妥，就開燈睇吓，做手術隻眼仔紅晒，又張唔開！都知道出事，但無辦法，都要等到朝早先有醫生睇........
今日本來我要返工，好在搵到老友小鄉菇肯幫我返，如果唔係都唔知點算，個女咁，毛爸一個人實搞唔掂，十萬個唔該呀小鄉菇，唔好意思搞到你無咗個假期.......
１０點打去診所book，毛毛睇開個醫生要２點先返，我哋最快都係book到２點９，已經係"lur"返嚟架啦，唔理咁多，我哋１點１０就到診所等，如果有人遲到，我哋就可以即刻補上，可以睇早幾多得幾多啦.......
今日算不幸中之大幸，２點睇嗰個遲到，我哋２點就有得睇啦，經醫生診斷後，手術嘅傷口無事，不過就抓傷咗角膜，要食藥同查眼膏，角膜損咗會好痛，醫生即時幫毛毛打咗支止痛針，今日毛毛個樣仲辛苦過嗰日做完手術，好慘呀！
毛毛呢幾個月都唔知做咩成日病，希望新一年毛毛健健康康，唔使再受咁多苦！
打咗止痛針，查咗眼膏，食埋藥，成晚無瞓嘅毛毛已經攰到呢......
聽日開始我返工嘅時間毛毛會喺嫲嫲屋企，我一放工就會去嫲嫲度，等毛爸放工就嚟接返我哋，夜晚我哋會自己照顧毛毛，等嫲嫲可以休息吓，呢個小朋友又要人哋２４小時監察同戴返個大蛇餅啦！
本來下個星期我同毛爸嘅曼谷之旅亦都要即時改期，不過唔知改唔改到，聽朝先知，算啦，改唔到都唔去啦，去咗都唔會安落，日日都心掛掛，唔去就算啦，遲ｄ先返去還神，我諗四哥都唔會嬲我嘅.......
本來可以鬆一鬆，而家噩夢又開始，又要重新作戰，但我深信呢個小魔怪一定會好快好返嘅！
冇事冇事, 可能係上次手术後眼仔乾, R到眼仔, 食药休息乖乖地就好快好返 ....医生有冇suggest你地平日帮毛毛滴人造眼泪? 我去drugstore買咗D人用嘅比coco用, 一日滴三次, 而家眼仔白雪雪, 重冇之前咁恶...不過你就要等毛毛好返晒先算
回覆刪除[版主回覆02/02/2010 21:51:00]醫生無suggest呀，聽日去覆診會問吓醫生，如果可以都想試吓，唔該你呀！
毛毛隻眼仔係佢自細我都好擔心嘅健康問題，而家真係隻眼仔出事，希望佢快ｄ好返啦！
毛毛..你要快d好番呀!要健健康康過新年逗利是呀
回覆刪除[版主回覆02/02/2010 21:54:00]我都想呀，而家日日戴住個大蛇餅，行動好唔方便，過新年逗利是實執書啦，我要快ｄ好返，逗多ｄ利是！
冇事嘅....毛毛抖多d好快好返架喇....
回覆刪除祝毛毛新一年健健康康....
陰謀論 :毛毛古惑諗吓計仔等毛媽留係屋企陪佢啫.....
[版主回覆02/02/2010 21:56:00]多謝你哋呀！
我都估呢隻小魔怪有咁諗過架～～～
毛毛真係可憐, 啱啱做完手術, 又到隻眼仔損咗, 希望佢快D康復啦~
回覆刪除未完全好番晒之前唔可以除蛇餅, 否則毛毛唔覺意抓到傷口, 就食幾多藥同搽幾多藥膏都冇用了, 之前 miu miu整傷隻眼, 醫生都係咁樣叮囑我~
[版主回覆02/02/2010 22:04:00]其實佢都無戴個蛇餅成個星期架啦，真係估唔到會出事，今次一定唔會心軟，希望佢快ｄ好返啦！
Mo Mo, don't be naughty ar, don't use your hand to touch your eye. Momo ma take care.
回覆刪除[版主回覆02/02/2010 22:08:00]今次真係俾呢個小魔怪激死，啱啱好返又再嚟過，下次再係咁，一定打佢pat pat呀！
我ｏｋ呀，不過見毛毛咁就真係好肉痛囉！
十成十想你留在家陪佢啦！但都唔使出絕招架，擔心死人啦毛毛！！
回覆刪除[版主回覆02/02/2010 22:15:00]毛毛：我今次計錯數呀，媽媽要返工，祗可以喺嫲嫲度咋！
....抓損咗角膜咁緊要 (真係好疼, 因為我試過)!? 你哋一直都睇得佢好實啦喎, 個妹仔咁都揾都机會R眼......今次真係唔好做好心俾佢拆蛇餅啦!
回覆刪除[版主回覆02/02/2010 22:21:00]狗仔就曳啫，你都會抓損角膜，搞咩呀？
真係睇少一秒都唔得，反應慢ｄｄ啫就搞成咁啦～～～
其實佢都無戴個蛇餅成個星期架啦，真係估唔到仲會出事，今次一定唔會心軟，希望佢快ｄ好返啦！
毛毛, 你要快d好番呀, 身體健康!
回覆刪除[版主回覆02/02/2010 22:26:00]知道啦，蕃茄，我唔敢再曳啦！
睇見張相都心痛哂!
回覆刪除毛毛, 你要乖乖唔好再抓呀! 記得準時食藥滴眼藥水, 好快冇事好番哂o架喇!
[版主回覆02/02/2010 22:29:00]希望毛毛受過苦以後唔再抓啦！
毛毛ｄ藥同眼膏嘅食同查嘅時間記到我幾乎精神錯亂呀！
毛毛你太傻喇, 想mama陪你多d都唔洗整到自己架嘛...睇見心都痛埋呀..
回覆刪除[版主回覆02/02/2010 22:31:00]毛毛：frank豬，我而家都知我太傻呀，媽媽唔中計，而家自己仲要痛添呀！
毛毛你要乖乖，唔好要媽媽擔心你呀！蘇蘇仲慘過你，要自己一個成兩個幾禮拜呀！
回覆刪除[版主回覆02/02/2010 22:36:00]毛毛：盡量啦，如果媽媽肯喺屋企陪我咁我咪乖ｄ囉！ 咁你返嚟就要補償返俾蘇蘇呀，要有禮物，要去街，要食嘢，要抱抱，要....................
毛毛要乖呀. 第時要同佢帶手襪先得. 冇事的. 唔駛擔心
回覆刪除[版主回覆02/02/2010 22:38:00]我都係咁諗呀，不過呢排唔得閒去買，睇吓星期六日買唔買到啦！
so bad, just hope momo can get well soon, i'll ask coco to tell momo not to do silly thing, otherwise she will sit on her fancy bed again for punishment!
回覆刪除[版主回覆02/02/2010 22:42:00]艾呀，呢個小魔怪真係話唔聽，可能真係同輩會啱傾ｄ，咁就麻煩coco教吓呢個小魔怪啦！不過我驚個惡妹連coco都教壞埋咋！
慘慘, 希望毛毛快d好返!
回覆刪除[版主回覆02/02/2010 22:43:00]希望啦，已經希望咗好耐啦！
我無睇blog咁耐,原來毛毛發生咗咁多事,不過新嘅一年就有新景象架啦! 毛毛好快會無事嘅~~
回覆刪除[版主回覆02/02/2010 22:44:00]真係希望新一年有新景象啦，人同狗都已經好攰啦！
明明好返哂，毛豬豬做咩事又R眼仔呀!! 真係激屎人~~~~~ VET有無解讀佢點解會咁架？ 莫非佢好似我咁，做完lasik眼仔乾所以R??? 希望mo chu chu快d好~~
回覆刪除'蛇餅之友'共勉之~~ (ca仔隻濕疹手仲未好返，個蛇餅到而家都未除，唉!)
[版主回覆02/02/2010 22:51:00]佢係嗰日發惡夢，自己R損架，醫生哥哥都有問毛毛發咩惡夢，我想幫毛毛話”見到你囉”，不過唔敢講，下次佢唔俾期我咪死！
個蛇餅唔係真係ｃ服成咁呀？兩隻嘢都唔舒得除，搞咩呀？小朋友！
按mo chu chu 嘅track record, 佢無非想迫mama辭工(自願或非自願地)，係企日日夜夜陪住佢
回覆刪除ee 要seriously consider 吓mo chu chu's request !
[版主回覆02/02/2010 22:56:00]呢樣嘢唔係我consider，係要毛爸seriously consider ！
I'm ready架啦！
唔駛擔心, 無事架!
回覆刪除毛毛好快就好番架喇!
[版主回覆02/02/2010 22:57:00]佢唔再曳就快囉！
記住隻眼角膜葯膏及止痛葯要雪起佢, 以防萬一. 我的北京狗眼大大, 好易受傷, 有兩次我同佢再搽反隻膏, 好反. 慳番唔少錢.
回覆刪除[版主回覆02/05/2010 14:53:00]ｄ葯膏用得好快，睇怕都無得留低架啦！
一向我都好擔心毛毛隻眼，今次終於出事，希望以後小心ｄ唔好再出事啦！
哦...好少事，好快好番架啦
回覆刪除[版主回覆02/05/2010 14:54:00]望就咁望啦！
我都十卜毛毛嘅諗法呀~~~~到時多隻hi-tea, shopping, facial腳, 爽呀!
回覆刪除[版主回覆02/05/2010 14:59:00]毛毛又成功啦，我呢兩日又放假陪佢，佢真係想一次過清晒我ｄ假同錢呀！
其實都有諗架，毛爸覺得我唔返工會同社會脫節，如果可以返半日就最好，有精神寄託，又可以多ｄ時間陪隻肥妹，又唔會同社會脫節，不過半日工去邊度揾吖！