今日係毛毛拆線嘅日子，亦都係繼毛毛手術後，我哋最緊張嘅一日，唔知毛毛拆線時乖唔乖，使唔使打鎮定劑呢，最好就唔使啦！
毛毛可能知我哋緊張，一早起身就俾個”哪叱”做形我哋睇，見到佢都唔知好嬲定好笑，佢就好似好得戚咁囉！都係我哋心軟，噚晚驚佢戴住個蛇餅瞓得唔舒服就同佢扣少一條魔術貼，第二朝就搞成咁，不過都算好彩，佢無R隻眼仔！
毛毛：我係咪好有形呢？係哋估唔到蛇餅可以咁用呢？
呢Ｄ行為咁係要俾人鬧啦，如果唔係下次又唔知有咩新招呀！
俾人鬧完咪乖乖瞓一陣囉！
毛毛：我唔敢啦，媽媽我係病人唔鬧得架，你睇我幾可憐！
不過呢隻小魔怪轉個頭又瞓到好似大爺咁啦！唔敢喎............
今日同歡歡，CoCo食完午餐就去拆線啦！
等緊睇醫生嘅毛毛，好緊張，仲成身震晒.......
毛毛：真係要入去呀？
真係老天爺保佑呀，拆線時毛毛好乖，一陣間就拆晒，唔使打鎮定劑，醫生哥哥仲讚佢乖乖，我哋就俾姑娘姐姐笑，話我哋仲緊張過毛毛呀！
毛毛今日你好叻，Daddy媽咪俾100分你！
眼仔拆咗線有ｄ紅，但傷口埋得好靚～～～
腳仔就完全無問題，仲有少少印，等ｄ焦甩埋就靚晒架啦！
緊張咗成兩個鐘，返到屋企，毛毛已經好攰，又爬上佢張寶座瞓覺覺啦，無咗個蛇餅，今次一定瞓得特別甜啦！
毛毛、都要小心、不要整親傷口。
回覆刪除
回覆刪除......有啲性感, 帶點挑逗喎
[版主回覆01/26/2010 22:05:00]咁算唔算美女啫！
一天都光晒, 毛毛0力女, 抵
回覆刪除[版主回覆01/26/2010 22:06:00]我今次攞100分呀！
回覆刪除毛毛,睇你呢個可憐樣真係心疼喇, 真係想攬住你呀,不過你要乖乖聽媽咪話呀, 如果唔係就打pat pat!
[版主回覆01/26/2010 22:09:00]唔扮可憐ｄ，媽咪有排鬧呀！ 都係姐姐你易厄ｄ，咁就俾我個可憐樣厄到！
回覆刪除講到玩papa mama嘅招數 (in term of BOTH quality and quantity), 肥歡都甘拜下風, 呢D小兒科啦
[版主回覆01/26/2010 22:14:00]佢兩老咁鬼悶，多得我比ｄ刺激佢哋咋，如果咪就咁平淡過咗一世架啦，歡歡你屋企嗰兩老都悶悶哋，得閒嚟我度傾吓，幫佢哋解吓悶先！
無晒事就好喇!
回覆刪除不過毛毛都唔好用手搞傷口呀! 未好晒架!
毛毛比你地駡完個樣好慘呀!
[版主回覆01/26/2010 22:17:00]呢兩日都好乖，今日自己一個喺屋企都無搞傷口！
曳就係咁架啦，慘咗嗰兩分鐘囉，一轉頭就唔記得啦！
早日康復呀
回覆刪除[版主回覆01/26/2010 22:17:00]好好多啦，多謝哥哥！
無事我地充就安心晒啦!
回覆刪除[版主回覆01/26/2010 22:19:00]唔好意思要大家擔心，其實好少事咋麻，係媽咪佢哋緊張咋！
唔使打鎮定劑太好啦, 毛毛好叻女!!!
回覆刪除[版主回覆01/26/2010 22:20:00]我都估唔到毛毛可以咁定，可能係驚得濟唔敢郁！
抖多幾日, 就可以去玩嘞.....
回覆刪除[版主回覆01/26/2010 22:22:00]係呀，我無去街成３個星期啦，就嚟悶死狗啦！
天下沒有走不通的路，沒有克服不了的困難，沒有打不敗的敵人。 . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
回覆刪除嘩哈哈, 我好愛你個哪叱look呀, 西洋裝呢就叫泰山裝, 好sexy呀.
回覆刪除拆咗線就好了, 你兩老又可以安心去嘆世界喇哈哈哈.
[版主回覆01/26/2010 22:25:00]Bingo哥哥教我要苦中作樂，我呢ｄ細嘅好聽話架，呢招ｏｋ嗎？
yeah........好返晒!!!!!!
回覆刪除[版主回覆01/27/2010 13:57:00]yeah........有得出街玩!!!!
恭喜毛毛豬呀....好番哂啦....
回覆刪除呢間診所咪係「仁心」，係咪??搵Vincent Chen??
[版主回覆01/27/2010 14:04:00]你咁好嘢嘅，睇個門口都知係邊間，仲估我係睇Vincent哥哥嗰度先勁吖麻，你又去過呢間睇過？
呢間診所，淨係可以搵Vincent Chen架咋，
回覆刪除其他醫生，我冇信心&必定唔會試囉....
[版主回覆01/27/2010 23:51:00]好彩我今次都無揀錯醫生啫！
毛毛個樣好得戚咁喎 睇左篇野幾次都唔記得留言添
回覆刪除[版主回覆01/28/2010 23:25:00]等你哋個個都話佢乖，俾ｄ真面目你哋睇吓啦！
無問題啦，知你忙，去咁耐旅行，事前要處理好多濕濕碎碎嘅嘢，我上次去唔記得幫毛爸續車牌，返嚟幾乎害佢無牌駕駛呀！
記得帶多ｄ零食同玩具俾蘇蘇呀，仲有記得俾埋蘇蘇醫生資料俾你朋友預防萬一呀！