WOW！今日好忙碌呀，晨早9點半就出發去彭福玩啦，今日浩浩蕩蕩７架車１３隻狗狗好熱鬧呀！
今日爺爺同嫲嫲都有嚟陪我玩呀！
細毛一早已經到咗，仲玩咗一轉添啦！
Uncle帆，唔該幫我影張靚相吖！
太陽伯伯今日好努力，曬到我要搵”定””里”!
唔係淨係我怕熱架，QQ同BeBe都係咁呀！
歡歡都熱到要俾papa強制休息～～～
細毛都支持唔住要揾樹蔭抵休息吓啦～～～
呢個姐姐仲貪玩過我，病病都嚟彭福同我哋玩
呢位日本靚女金菇真係夠晒吸引力，有兩位攝影師瞓晒身都係想幫佢張靚相咋！
一睇就知佢係狗界Top model "Mocha"啦，擺好pose俾我哋慢慢影～～～
我支持唔住啦，要返屋企休息吓先啦，未散團媽媽就抱咗我走先啦！
Daddy媽咪要同爺爺嫲嫲去飲茶，咁我就返屋企瞓一陣先啦～～～
傍晚時分，我哋又出動啦，今晚我哋約咗ｄ朋友仔去西貢玩同食海鮮
，我哋一行８人７狗，有籐條，涼粉 ，珠珠 ，粒粒，WaWa同Tacky，不過Daddy影唔晒我ｄ朋友仔呀！ 
Daddy同粒粒合照，粒粒好輕呀～～～
又到咗零食時間啦，媽媽成日教我要乖，要等等先有得食，不過無教我要搵個好位喎，唔知我企係呢度有無得食呢?
呢個位好似好ｄ，不過都係分唔到喎！涼粉讓個位俾我得唔得呀？
呢個位都唔得～～～
點解我企個個位都無得食嘅？
今晚我哋係通記食海鮮，雖然係餐，但係用料都唔錯，好好味呢！
Alice姐姐除咗安排我哋今晚玩同食之外，仲準備咗份好好味嘅禮物俾我哋！
合桃香蕉磅蛋糕＋芒果果醬 - 好好好好味!!!!多謝晒！
我今日真係好攰呀，D大人食飯嘅時候，我已經不支倒地，覺覺豬啦！
hi , 你好呀, 我琴日買咗你本書呀, 你好勁好叻呀, 我都好想好似你咁帶愛犬去旅行啊~
回覆刪除毛毛好可愛呀, 我好鍾佢個樣呀~
[版主回覆05/05/2009 22:59:00]哈哈，好謝晒你呀！
唔勁，唔勁，都係貪玩啫！
其實帶佢哋去旅唔係好難架，但感受就真係好深好深～～
最近好多朋友仔都出發咗，嚟緊９月都有２批朋友仔會去，諗諗佢啦！
豆豆同樂樂都一樣咁好可愛呀
毛毛,你玩到眼都红晒，好開心哩
回覆刪除[版主回覆05/05/2009 23:00:00]一個星期得２日，梗係落力ｄ玩啦！
Hello毛毛媽
回覆刪除我終於都搵到你個BLOG啦
嗰日毛毛坐車個樣好巴閉呀...haha
我一得閒就要過來刨晒你D遊記先得
[版主回覆05/05/2009 23:09:00]歡迎光臨
毛毛好懶，所以佢好鐘意坐車車架！ 嗰日太多人，要睇實毛毛，無時間同Tacky WaWa玩，下次一定要同兩位咁可愛嘅小朋玩返夠本！
多謝賞面，得閒多ｄ嚟坐啦！
節目好豐富呀。
回覆刪除[版主回覆05/05/2009 23:10:00]補返上個星期吖麻！
中午真係要返屋企抖一抖呀, 真係熱死狗呢.....
回覆刪除[版主回覆05/05/2009 23:12:00]我條脷嗰日無收埋過呀！
果日既朝早都好晒ＷＯＲ，毛毛真係多電力喇！ 返屋企休息一陣，又可以出嚟同我地玩過， 如果係我果兩隻一定唔得呀！ 個蛋糕同果醬，你鍾意就好喇！ 不用客氣呢！
回覆刪除[版主回覆05/05/2009 23:21:00]仲話多電力，毛毛瞓到５點都唔願起身呀！
咁係因為珠珠同粒粒俾人寵壞咗！
你整ｄ嘢食真係好好味，唔鍾意就難啦！
人狗都有食有玩, 好開心呀
回覆刪除[版主回覆05/05/2009 23:25:00]小朋友就係咁簡單，陪佢哋出去行吓玩吓就好開心！
一日出兩次街街, 毛毛勁呀, 不過天氣開始好熱啦, 佢地都會辛苦d 呢
回覆刪除[版主回覆05/08/2009 19:49:00]補返上個星期落雨無得玩吖麻，辛苦都無辦法啦，唔帶佢哋去玩就會俾個悶樣你睇架啦！
嘩, 你節目都好豐富喎. 仲要一日跑兩場, 勁呀!
回覆刪除[版主回覆05/08/2009 19:46:00]補返上個星期落雨無得玩吖麻！
下次再玩過
回覆刪除[版主回覆05/09/2009 18:03:00]好呀！
happy mother's day﹗
回覆刪除[版主回覆05/09/2009 18:12:00]多謝晒！
好可愛唷!!!!
回覆刪除[版主回覆05/12/2009 00:04:00]Bella 同 Kuuga好靚好可可愛呀，多謝到訪，得閒嚟坐啦！