呢排成日去嫲嫲度住，等我介紹吓我係嫲嫲度嘅傢俱啦，我有私家床同地毯，都係長期放喺嫲嫲屋企架！
仲有食飯用嘅枱墊同水兜都係嫲嫲專登買俾我用，好靚架~~~
每次開飯我都好心急係廚房等架，嘻嘻．．．
呢兩日，我屋企嗰兩個為食精，連續２日去咗沙田麗豪食Brunch，佢哋話好耐無去，一定要去多ｄ補返數喎，我就淨係得個睇字囉！麗豪嘅Brunch真係好正，兩個為食精食咗４款主菜，仲有好多又新鮮又好味嘅沙律同甜品，佢哋真係咩本都返晒啦！
呢度ｄ哥哥姐姐都對我好好架，你睇吓有乳豬全體一隻！
我雖然無得食，不過有街去，有車車睇已經好開心啦！
最後一張似海獅多D.
回覆刪除[版主回覆04/08/2009 23:50:00]可唔可以似海狗呀，海狗好似無海獅咁肥喎！
毛毛好識嘆呀。
回覆刪除[版主回覆04/08/2009 23:48:00]唔係我識嘆，係嗰兩個為食精唔想我搞住佢哋食飯先俾個正位我咋！
回覆刪除毛毛, 晒籮柚呀?
[版主回覆04/08/2009 23:46:00]唔係呀，呢排減肥，想試吓太陽晒會唔會溶到脂，得就唔使俾人減糧咁慘啦！
haha真係好似隻乳豬仔呀~~~等我又帶吓BB去哂吓 pat pat 先...
回覆刪除[版主回覆04/08/2009 23:43:00]BB都唔使減肥，唔使晒pat pat溶脂啦！
毛毛好開心呀﹗
回覆刪除[版主回覆04/08/2009 23:42:00]如果我有份食仲開心呀！
咁好既, 毛豬豬你都可以去食brunch!
回覆刪除[版主回覆04/08/2009 23:41:00]因為沙田麗豪好囉，嗰度ｄ哥哥姐姐都好好同好鍾意狗狗架，佢哋好歡迎Daddy同媽咪帶埋我一齊去！
沙田麗豪可以帶狗去嗎 ? 我成日都搵唔到地方可以同狗一齊食, 去黎去去都係果d, 好悶呀
回覆刪除毛毛等嫲嫲開餐 , 心急到眼都凸埋呀
[版主回覆04/08/2009 23:37:00]可以呀，不過都係坐室外嗰ｄ位咋，但係都幾舒服架，你都好多地方去架啦喎！仲悶？ 如果你想去，早ｄ通知我，有折呀！
毛毛係一隻為食豬嚟架，食係最重要！
Hi Mo Mo,
回覆刪除粒珠甜點有新web-site喇!
有時間入去睇睇 http://www.lupchudessert.com
Thanks
Alice
[版主回覆04/08/2009 23:32:00]恭喜晒，一定成日去吖！
毛毛呀毛毛，真係要減肥嘞，乖啦，咁先會長命百歲架.....你唔好嫌 ee 長氣啦....乖呀, 忍口呀....
回覆刪除[版主回覆04/08/2009 23:28:00]查實媽咪已經減緊我糧啦，唔忍口都唔得啦！
你就好啦, 嫲嫲咁錫你, 有第二頭住家, 我家兩老次次去旅行, 都要頭痛放我地去邊呀!
回覆刪除估唔到你去麗豪食飯可以有張咁靚「沙灘椅」喎!
[版主回覆04/08/2009 23:26:00]佢哋由我細細個就開始訓練我去嫲嫲度住架啦，因為方便佢哋去旅行吖麻！ 有張咁靚「沙灘椅」我先會陪佢哋坐咁耐架咋，如果唔係一定搞到佢哋無啖好食為止！
毛毛,聽日又大一歲喇﹗生日快樂﹗身體健康﹗
回覆刪除[版主回覆04/08/2009 22:05:00]嘩！你好好記性呀，多謝晒ee你送嘅生日禮物 ，我好鍾意，玩到覺都唔瞓，一天光又攞嚟玩！
海獅cute d 堝.
回覆刪除[版主回覆04/09/2009 22:50:00]咁好啦，海獅就海獅啦！