媽媽噚日放工好準時返嚟，跟住同我講管理員叔叔話我有信收，叫我落去打返隻手印簽收喎，就係呢封啦！
邊個咁好寫信俾我呢？
原來係３個靚仔LoNickB送俾我嘅生日禮物呀，多謝晒力力，佬佬同哈比仔！你哋真好記性同有心，我好鍾意呀！
份禮物原來係一隻香蕉，雖然我９號先生日，媽媽可唔可以而家開俾我玩，我好想要呀！
俾媽媽影咗一張之後，玩玩玩.....，媽媽唔好阻住我玩啦！
噚日係媽媽生日，佢話想靜靜地過（通常年紀大嘅人先咁諗
），咁Daddy都好識做，揀咗可以同我一齊去嘅泰屋同媽媽慶祝生日，之後就梗係會去”泛后”食埋媽媽最鍾意嘅甜品”楊枝甘露”啦，媽媽話去邊度食飯都唔重要，最緊要同埋我一齊就得啦！
媽媽噚日都有生日禮物收，係佢想買咗好耐嘅netbook呀，Daddy好耐未試過買到咁啱媽咪心水嘅禮物啦，噚晚Daddy攞滿分！
食完飯返屋企已經好夜啦，媽咪唔俾我玩蕉蕉，今朝一起身第一時間去搵返隻蕉蕉先，蕉蕉呀，蕉蕉好耐無見啦！
毛毛+毛媽.お誕生日おめでとう。
回覆刪除[版主回覆04/09/2009 22:52:00]多謝晒！
~祝 Mazzini ee &毛毛..生日快樂，身體健康，從心所欲，日日開開心心！
回覆刪除[版主回覆04/09/2009 22:55:00]小吉真乖，多謝晒！
Helen ee 話想約你哋出嚟玩或者去佢度燒嘢食喎，遲兩日打電話俾你約吖！
happy birthday to momo
回覆刪除[版主回覆04/09/2009 22:56:00]錫晒你小j姐姐！
年紀大就會想生日靜靜地過咩 ..... 唔係呀, 我仲諗住今年擺番幾圍壽酒, 賀我終於到21歲
回覆刪除恭祝兩位高齡美女
[版主回覆04/09/2009 23:05:00]喂！美女就美女啦，高齡你講邊位呀？
阿女就６歲，我都係18歲另２百幾個月咋麻！
生日快樂呀﹗尋嚟元朗做咩唔搵我哋呀﹖
回覆刪除希望毛毛鍾意份禮物啦﹗
[版主回覆04/09/2009 23:11:00]多謝晒！
係喎，唔醒起，元朗係你地頭添，下次入開嚟揾你哋見吓面先！元朗真係好多好嘢食，所以我一定唔會搬去元朗住，一定肥屎我！
Happy Birthday Mo Ma and Mo Mo.
回覆刪除[版主回覆04/09/2009 23:15:00]多謝晒！
祝你哋生日快樂呀！一齊慶祝好開心呀。
回覆刪除[版主回覆04/09/2009 23:16:00]多謝晒！ Daddy就最開心，唔使諗兩次吖麻！
MO MO媽生日快樂呀!
回覆刪除祝你日日都開開心心, 越來越青春, 身體健康!
Alice
[版主回覆04/09/2009 23:17:00]多謝晒！ 全部收晒呀！
係wor淨係同咗mo ma祝壽, 唔記得同毛毛tim,
回覆刪除毛豬豬生日快樂, EE祝你身體健康, 越來越鍚爸爸媽媽, 日日都幸福快樂.
Alice
[版主回覆04/09/2009 23:19:00]算你啦Alice ee都重記得我 ，多謝晒！
祝毛媽, 生日快樂, 日日都咁開心, 咁開心自然就會靚架啦~~~ 另外祝毛毛身體健康, 做隻開心快活狗...
回覆刪除[版主回覆04/09/2009 23:21:00]多謝晒BB ，我同你差３日就一齊生日啦！
一齊生日咁開心, 祝你地生日快樂呀, 毛毛你好似有好多玩具喎
回覆刪除[版主回覆04/09/2009 23:24:00]多謝晒 ，唔多呀，寶寶多ｄ！ 仲有個咁可愛嘅妹妹同佢玩！
毛媽,生日快樂,身體健康,心想事成!
回覆刪除[版主回覆04/09/2009 23:25:00]多謝晒 ，呢ｄ咁好嘅嘢全數收晒！
毛毛, 今日你生日, 你媽媽送左d咩野比你呀?
回覆刪除祝毛毛你生日快樂, 身體健康!
[版主回覆04/09/2009 23:30:00]佢一ｄ表示都無呀，話放假先補返喎，都唔知係呼真嘅，媽咪你記住唔可以對小朋友講大話架！
多謝晒番茄！
Happy Birthday!!!!大毛同大毛媽
回覆刪除[版主回覆04/09/2009 23:31:00]多謝晒，細毛同細毛媽！
好呀~同Helen ee講咗好耐喇..真係要約埋大家一齊聚吓，睇吓姑爺幾時放假，大家夾吓時間啦，如果想食肥牛都可以架！
回覆刪除[版主回覆04/14/2009 23:02:00]嘩！肥牛都好喎，約埋Helen ee再打俾你吖！
Happy Birthday to both of you!!!!
回覆刪除[版主回覆04/14/2009 23:02:00]多謝晒！
Happy Birthday to 毛毛 & 毛媽, 祝您地身體健康, 青春美麗!!
回覆刪除[版主回覆04/14/2009 23:05:00]多謝晒！ Jumbo你個兔女郎look好嬌俏呀！
祝毛毛身體健康, 日日快樂無憂!
回覆刪除另祝毛媽, 生日快樂, 青春常註, 心想事成!
[版主回覆04/14/2009 23:12:00]多謝晒Queenie姨姨！
Happy Birthday !
回覆刪除[版主回覆04/14/2009 23:13:00]多謝晒！ 星期六見啦！
祝毛媽同毛毛生日快樂, 身體健康~
回覆刪除我都覺得最好的慶祝方式係同最愛的人無拘無朿地大吃一餐就最幸福了~
[版主回覆04/14/2009 23:15:00]多謝晒！ 係呀，幸福真係可以好簡單，呢樣喺係小狗度學嘅！
happy birthday to you and mo mo~~
回覆刪除[版主回覆04/18/2009 10:00:00]多謝晒!
毛毛&毛毛媽,
回覆刪除兩個都keep 住靚靚及身體健康.
幾時再攪日本團呀, 我一定報名?
[版主回覆04/18/2009 10:07:00]多謝晒!
日本團已經有人攪咗啦，2009年９月出發啦！
哈哈~~!!!我上年慶祝生日又係去泰屋, 又係因為可以同埋佢哋一齊去嘅原因呀, 我好認同呀, 其他食咩都唔重要, 最緊要係有埋d寶貝喺身邊就開心架喇....hehe~~~!!!
回覆刪除[版主回覆04/18/2009 10:11:00]咪係，無ｄ寶貝喺身邊，總係覺得差ｄ咁呀！希望每年嘅生日都可以同毛毛一齊過！