因為毛爸要去上海上堂，所以因利乘便就買張機票跟住去玩幾日啦，出發前梗係要安排送咗毛毛去嫲嫲度先啦，你睇毛毛個樣有幾咁唔願意，好快返架啦，一返嚟就去接返你好唔好，唔好嬲啦！
今次係我第一次坐飛機返大陸，唔使帶Passport去機場，好似總係差ｄ嘢咁！
落機已經天黑啦，隨便去食咗碗麵同雲吞就算啦，小店嚟架，味道都唔錯喎！
之後就發現咗呢間Starbucks，呢幾日嘅下午茶有着落啦！
星期日就同毛爸去咗外灘行吓，再去埋豫園，不過我真係唔鍾意呢度囉，周圍都係人，見到已經頭痛，仲要驚俾人扒嘢同小心ｄ人放嘅飛劍（呢度真係勁多人放飛劍呀），心理壓力好大，去旅行唔應該咁，本來諗住毛爸上堂嗰３日我自己去行吓，不過經過星期日之後，決定留係酒店同係酒店附近行吓算啦！
南翔小籠包，好想試，不過太多人，最後都放棄咗！
之後就改咗去第２間食，呢度ｄ小籠包真係唔得囉，不過湯圓就幾好！
本旅遊書介紹好有名嘅蔡記生煎包，結果麻麻地，又失望而回！
大陸一向都係我唔鍾意去嘅地方，不過諗住上海係大城市，應該會好ｄ，但都好失望，我試過過馬路，見到行人過路燈係綠公仔就過啦，過到一半有車嚟，唔停俾我不特止，仲不斷有車嚟，攪到轉咗紅燈我都過唔到，好嬲咁行返轉頭再等下次綠公仔，綠公仔燈着ｄ車又唔停，要綠公仔燈嚟做咩！
仲有我好怕人食煙，呢度所有餐廳都無非吸煙，你去食飯就一定要吸人哋二手煙，好討厭吖！唯獨係Starbucks係室內唔俾食煙，所以我呢幾日都係喺Starbucks同酒店，仲有就係行吓超市咁囉，好在我都仲有好多相要執，都用咗唔少時間執相，南美之旅嘅相簿終於係呢個情況下完成咗，都可以話係意外收獲啦！
呢度狗狗食嘅嘢都好平，不過全部都係Made in China，所以都無買～～～
唯一買咗嘅就係譚木匠嘅呢兩把牛骨梳啦，之前買過，好好用！
聽日就返香港啦，好開心，係香港生活真係好幸福（除咗狗狗無狗權之外！）～
放飛劍同車輛唔依燈號行都係大陸的特色, 喺大陸真係行步路都要睇清楚~
回覆刪除你食小籠包嗰樹應該係城隍廟吧, 上次我去城隍廟時冇試佢ｄ小籠包, 不過我媽媽之前食過, 佢話在香港吃到的小籠包仲好味, 我只係喺嗰道食過寧波湯圓, 不過就唔好食, 感覺有點揾笨.
[版主回覆03/31/2009 21:20:00]咪係囉，避得飛落嚟嗰ｄ，仲要睇住地下嗰ｄ，唔開吓輕功都唔掂呀！
食小籠包嗰度叫豫園，係香港買叮叮點心好味過佢10倍呀，我哋食嗰d寧波湯圓又ok喎，ｄ皮好滑，不過入面ｄ芝麻餡就甜ｄ囉，未來幾年我都應該唔會再返大陸啦，一次就怕怕啦！
大陸我都覺得麻麻﹗
回覆刪除[版主回覆03/31/2009 21:20:00]唔係麻麻咁簡單，係唔得囉！
你晌上海都打比我, 真係受寵若驚呀. 我都未去過呢個地方, 聽你講完, 好似都唔洗點去了. 人地又話果度d小籠包好好味, 好過頂咩風咁既....
回覆刪除[版主回覆03/31/2009 21:24:00]有你同我講兩句嘢都唔知幾開心吖，呢幾日都係踎係Starbucks咋，係香港買叮叮點心好味過佢呢度ｄ小籠包10倍呀，無咩唔好嚟啦！
背包一族討論需要熱愛旅遊既你的支持, 背包一族討論誠意邀請您來分享屬於您的旅遊經歷, 請即CLICK入 http://www.hkbackpackers.net
回覆刪除[版主回覆03/31/2009 21:24:00]Thanks!
I totally agreed with your thought. I really don't like go to China, people not good, environment not good, traffic terrible.
回覆刪除[版主回覆04/02/2009 22:27:00]仲有所有嘢ｄ價錢都好貴，但又唔靚，質地又唔好，一次就夠晒啦，我唔會再去！
毛毛唔駛 唔開心, 我地就快又去玩啦......為食爸媽有好嘢食, 我地又有得跑, 正呀 !
回覆刪除[版主回覆04/02/2009 22:34:00]我返咗屋企啦，唔知有無水游呢？快ｄ18號就好啦！
毛毛真係好唔想你哋唔理佢咁喎。
回覆刪除[版主回覆04/02/2009 22:38:00]小朋友都係咁，俾粒餅佢食就唔嬲啦！
http://hk.myblog.yahoo.com/jw!CtQ_BUSQBEWY8Ko9b_wE_iV7 HI,好得意呀你隻狗狗^^我都係一個愛狗之人,大家交流下養狗狗心得先^^
回覆刪除[版主回覆04/02/2009 22:39:00]好呀！
禾次次去上海都去呢樹幫襯架
回覆刪除[版主回覆04/02/2009 22:41:00]上樹前再去咗一次，終於食到，我覺得香港銅鑼彎嗰間好味ｄ呀！
哈哈，你又去咗玩，真開心！ 我上年去上海又係成日怕有扒手，嗰度成日都好多人，好似你行佢又行，你停佢又停咁，好冇安全感！走嗰日我出AIRPORT，係HOTEL上TAXI去坐瓷浮，以为会好啲啦，但個TAXI司机都想屈我地直出AIRPORT，终于都要我反面用我啲九流国语閙佢先聽话，真烦！
回覆刪除[版主回覆04/02/2009 22:48:00]毛爸去做嘢麻，我要做跟得夫人，上面好多引誘架，我哋住Sherton門口都企咗好多嗰ｄ姐姐呀！
你完全中晒呀，我成日一路行一路回頭望吓有無人跟住我哋，成日都驚到死，唔去就罷啦！
呢個甜品上海都有，好正架！ http://hk.myblog.yahoo.com/lobsterlee333/article?mid=7990
回覆刪除[版主回覆04/02/2009 22:51:00]噚晚已經返咗嚟啦，下次等我去日本試！
毛媽又去旅行.......恨死人啦.......
回覆刪除我個人意見: 我諗放飛劍既好多都係國內其他地方來既遊客, 而唔係上海本地人嚟架, 因為土生土長既上海人已經係好有禮貌同好有文化, 因為我之前經常到國內工作, 上海呢個地方已經係全中國最文明既地方嚟架啦 ...
[版主回覆04/02/2009 22:57:00]我去睇實毛爸吖麻！
但係我今次睇到太多負面嘢 ，我諗未來好長一段日子我都唔會再返大陸！
我都唔鐘意大陸架!
回覆刪除聽你咁講完, 更加唔駛去,
我都係覺得日本好, 你話係咪?Wakakakakaka!!!
Alice
[版主回覆04/02/2009 23:01:00]梗係啦日本精！Ha Ha Ha........
去日本可以放心食，放心玩，又乾淨，又唔心擔心安全問題，咁先叫放假吖麻！
上海都叫係大城市, 但係d人都唔進步既?真係好核突!
回覆刪除[版主回覆04/04/2009 20:26:00]我都係諗住佢係大城市先去咋，點知．．．
所以唔好再搞我啦 ，大陸真係怕怕！
上海supposed係文明同進步啲 ~~~~ 不過係同內地啲鄉下省市比較之下啫
回覆刪除所以有啲人成日驚上海威協到香港嘅国際地位 .....嘥氣喇....淨係等佢哋学識守秩序 e.g. 人同車點样過馬路 / 唔好隨地吐痰 / 講嘢唔駛用丹田氣同咁大声嘅.......都仲要等多幾十年喇
[版主回覆04/05/2009 17:01:00]全中呀，我出發去上海前一兩日，聽新聞講中央將上海定位為國際金融城市，跟住好多人出嚟講話上海威脅到香港嘅國際地位，起初聽到都有ｄ驚，但係去到上海，見到ｄ人嘅質素，唔守秩序，無禮貌，又唔注意衛生，周街放飛劍，食飯又無非吸煙區，要教好呢班人，無幾十年都搞唔掂啦，我仲未計大陸貪污好勁呢一樣喎，去完上海返嚟，同你諗法一樣，上海使咩驚佢呀！