好嘢今朝早一起身就見到太陽伯伯,咁我今日咪有街街去囉!
媽媽話中午驚太熱,所以等到差唔多3點先出發,第一站梗係去游返轉龍舟水啦,雖然遲咗一日,唔緊要啦,最緊要係有得玩吖嘛!
媽媽你可以開始數啦,我準備好啦,你話go我就跳落去架啦!
我d泳姿係咪好優美呢?
今日仲見到其他小朋友嚟游水呀,不過佢哋D豆咪對佢哋好有信心架,一二三就掉晒D狗狗落水,d狗狗唔識游都係咁掉落水喎!
不過由得佢哋扒一陣就真係識得游返池邊喎,跟住仲自己跳落水玩添!好彩媽媽唔係咁教我游水咋!
游完水,我哋就約咗爺爺,公公同東舅父一齊去元朗泰屋食飯提早慶祝父親節~~
我最鍾意嘅炭燒大蝦,今日好好彩我哋9個人1隻狗叫咗5隻蝦,所以狗哋可以分到半邊蝦!
食飽飯仲要入埋元朗市中心嘅泛后甜品,食埋媽媽最鍾意嘅楊技金露先返屋企,好滿足嘅一日!
沒有留言:
張貼留言