食飽早餐就落去ｄ商場行吓，行吓行吓俾我見到有個畫展，毛爸見我飛撲埋去睇都覺得好出奇，老婆大人幾時變得咁有藝術細胞呀
，點知佢一埋嚟睇就知道點解，個畫展係為ｄ流浪或者有殘障嘅狗狗籌款架！每幅畫都畫得好靚，你望到ｄ畫，你會覺得泰國人對狗係比香港人好好多～～～
呢張我覺得好溫馨呀!
佢哋住嘅地方環境都唔錯，仲有泳池游水添噃，真係恨屎香港ｄ狗狗啦！
睇完畫展，就去醫肚兼Shopping啦！嗰商場仲有live band表演，行得攰攰地，坐底聽吓歌，正！
今日晚餐就去咗food court度食d地道嘅魚蛋粉，牛腩河咁喇，好簡單但係好好味！食飽就去咗Starbucks度踎囉，寫吓blog，睇吓雜誌咁又一晚lu！
有冇買番幅畫呀?
回覆刪除[版主回覆07/01/2008 00:53:00]D畫好貴架,幅幅都萬萬聲架,我咁鬼孤寒咁係揀捐少少錢代替買畫啦!
有無帶隻小八哥返來陪毛毛呢..?
回覆刪除[版主回覆07/01/2008 00:54:00]我都想,不過有人唔俾囉!
毛媽, 你梗係又去咗買嘢比毛毛呢!!
回覆刪除[版主回覆07/02/2008 13:24:00]嘻嘻,買咗好少啫!
啲畫好正呀﹗
回覆刪除[版主回覆07/02/2008 13:30:00]係呀，係香港搞呢D 籌款通常都俾d好得人驚嘅相俾你睇，要嚇屎你為止， 但係泰國就唔同，每張相同畫都係好靚同好開心， 所以睇得你個心好舒服，大家嘅文化真係好唔同!
畫展啲畫真係唔錯
回覆刪除[版主回覆07/02/2008 13:31:00]仲幅幅都好有人情味添!
humm....我地次次去慌死食唔晒, 行唔晒咁, 好似你咁優優柔柔又唔錯播. 個畫展好正, 香港都唔會見倒. 泰國人梗係比香港人愛狗啦, 狗用品都多好多啦.
回覆刪除[版主回覆07/02/2008 21:05:00]我哋懶人嚟架麻,一日最多出動幾個鍾架咋! 個畫展真係幾好,所有嘢都好正面,用好開心嘅態度去表達,同香港好唔同!
d畫好得好靚..原來泰國都有咁多愛狗人士.........
回覆刪除[版主回覆07/04/2008 14:16:00]係呀,仲係一定比香港多添!
其實香港真係對狗隻麻麻哋，狗公園又少，好多地方又唔俾入~~~
回覆刪除比起好多國家，香港愛狗嘅人想信唔係太多~~~
[版主回覆07/18/2008 15:05:00]非常同意吖, 淨係睇吓人哋個畫展都已經感受到啦! 香港嘅狗權係落後過人地好多好多....
喂! 你個北海道之旅好正呀,努力呀,我日日都追緊架!