呢個星期大部分時間都係揾電器，為咗廳嗰部兩匹冷氣，身邊嘅朋友同師父幫我搵晒幾乎全港嘅大小電器舖，批發商，連日立個倉都揾埋先揾到一部日立兩匹冷氣，而家成個香港都無晒兩匹冷氣，咩牌子都無，最快要等到十月尾先有新貨到呀！又話經濟唔好嘅？好在搵到咋，如果唔係就會影響我哋嘅裝修進度架啦～～～
經過冷氣呢單嘢之後，決定一次過訂晒所有要買嘅電器，我要準時搬返屋企呀！
今次裝修好好彩，有好多街坊鼎力協助，又其事Foon pa，我哋嘅專業電器顧問，所有關於電器嘅問題佢都幫我哋一一解決，仲要幫我哋講埋價，訂埋貨，等我哋慳咗唔少時間同＄＄，搞足佢成個星期，真係唔該晒！
又到Weekend，好開心，可以接返毛毛，無見佢幾日，好痴身呀，我沖涼佢都會喺浴室門口等我，忍耐吓啦小朋友，好快可以返屋企住架啦～～～
毛毛 ： 好快即係仲要等幾耐呀？
星期日同毛毛一齊返去睇吓間屋先，呢個星期，師父們全力做電同水嘅嘢，所以間屋嘅外觀同之前無太大嘅分別，只係燈槽已經見到初型啦！
呢ｄ係以前嘅冷氣喉，裝得好求其，師父話會幫我哋跟返正佢～～～
房嘅燈槽已經完成咗～～～
星期五，接返小毛毛同我哋一齊，24小時看實佢，有我哋係佢身邊佢就唔會吠，你哋睇佢個扮乖個樣都呃得吓人架！
呢兩日我哋去邊都會帶埋小毛毛，地盤都要一齊去呀！
兩間房打通之後，因為有條氣喉唔拆得，唯有加個燈槽去收埋佢！
拆咗牆之後，留抵好多線同喉，今日要同師父研究，ｄ線同喉嘅去同留問題！
搞完仲要去傢俬公司傾埋ｄ櫃嘅間隔，毛毛跟住我哋忙咗一日，返到去攰到佢呢...
小毛毛瞓醒起身又嚟揾食啦，噚日Foon ma送咗個Three dog月餅俾毛毛過節食，點知老人痴呆嘅阿媽唔記得，今晚追月先醒起！
毛毛為食樣逐格睇！
毛毛：益力多味月餅，好好味，多謝晒欣ee！
用咗一整日嘅時間去執好間房，再用咗兩個鐘用蒸汽吸塵機加消毒藥水去清潔好個地下，就係為咗小毛毛可以有一個舒服同乾淨嘅地方住～～～
你哋睇係咪同之前差好遠呢！
星期一晚去嫲嫲度接返毛毛，佢返到酒店好開心呀，好似去咗日本咁！
不過好景不常，毛毛未住夠24小時就俾人發現咗，我返工時佢一定好唔慣所以先會嘈嘈啦，我都知係我哋唔啱嘅，不過無辦法啫，唯有送返毛毛去嫲嫲度啦～～～
毛毛細時曾經同我哋一齊住過５個月酒店都無俾人發現，我哋今次先會搏一搏，而家唯有星期六日先可以陪佢啦，毛毛放心，媽咪一定諗到辦法同返你一齊住嘅，你俾幾日時間我啦！
我好掛住我哋係日本嘅日子，點解日本有咁多酒店可以同狗狗一齊住，而香港得嗰一間，仲要係鬼咁遠呢！
近排毛家忙緊一個大Project，而家屋企７國咁亂，前日我喺度睇緊ｄ關於裝修嘅書時，毛爸陰陰嘴笑住攞咗李純恩先生以下嘅一篇專欄俾我睇，之後佢個樣就好似揾到一個知心人咁，勁得戚，男人們你哋有無咁慘呀？
（頭條日報）好好過日子——大Project
2009-09-14
把女兒送去英國讀書，是我家一個大Project。接下來，剩下兩公婆在家，再來一個大Project，裝修。
裝修這種事情，女人比男人積極。一說裝修，男人多數皺眉頭，但女人就像吃了興奮劑一樣情緒高漲。
在這個時候，男人的眉頭雖然皺着，但言語之中，卻要小心謹慎，不可過份表示自己的不願意，否則的話，當女人聽得也皺起眉頭的時候，男人的日子就不好過了。
男人一聽裝修就皺眉頭，本來就是怕日子不好過，如果女人皺了眉頭，男人的日子肯定不好過。權衡之下，男人就低調起來，即使皺眉頭，也要皺得若有似無，若隱若現，皺一陣便鬆一下，鬆一陣再皺一下，基本上是皺給自己看，偶爾被女人看見，也要作為一種為裝修而操心的表情來表達。
然後女人就覺得你也上心了，她就開心了。她一開心，宏偉的裝修計畫也就噴薄而出，從屋子的格局改變，到牆紙顏色、地板木紋、入牆櫃木料、浴室瓷磚大小、廚房爐具款式，客廳飯廳燈飾分別、主客睡房色彩基調、書房書架大小高矮，諸如此類。還有鞋櫃是買是造？沙發要軟要硬？餐枱要圓要方？枱子要高要低？
男人唯唯諾諾，看着一家的東西，心裏犯愁：舊的還不知如何清出去呢？已經想着新的怎樣進來。
噢 ，對了。女人也想到了這一點，便問：哪些書要看的，不看的全入倉。櫃子裏堆得小山一樣高的原稿，還要不要，選些這幾個月要穿的衣服，其他入倉……咦，你身體不舒服呀？頭痛？沒有？沒有你皺甚麼眉頭！
李純恩
http://www.hkheadline.com/dailynews/headline_news_detail_columnist.asp?id=88443§ion_name=wtt&kw=17
唔係我哋去日本呀，係我嘅一班狗街坊去呀，雖然我哋都好想去，日日睇歡歡嗰blog睇到流口水....
前兩日收到一份好特別嘅禮物，一件好靚嘅狗狗旅行團團衫，雖然我哋無份去，但竟然有團衫著喎，件衫好靚好有紀念價值，係菇爸嘅出品，多謝你哋俾我哋參與你哋嘅大project.....
！
仲有３日佢哋就出發啦，希望佢哋７人４狗玩得盡情，食多ｄ，買多ｄ，影多ｄ，仲要玩得開心ｄ，大半年嘅努力，你哋要好好享受呀！
