2013 玻利維亞+南極 - Day 16 Antarctic Strait - Neko / Paradise Bay (Antarctica)

2013 玻利維亞+南極 Day 16 (21 Feb 2013 Thu)

Cruise day 4 - Antarctic Strait - Neko / Paradise Bay (Antarctica)

第一個在南極的早晨，實在太美！

感謝上天俾一個咁好嘅天氣我哋！


房裡面部大電視真係好好，有晒我哋想知嘅嘢！

未夠７點，我哋已經到咗Paradise Bay，經過咗兩日嘅大風浪，今日我哋去咗另一個世界啦！

風平浪靜到你唔敢相信！

阿根廷個研究站就係喺Paradise Bay

船停咗，好似全世界都停晒咁！

其實唔係，工作人員已經好忙碌咁為我哋第一次嘅Zodiac cruising作準備啦！

佢哋會先去睇吓我哋會去嘅地方安唔安全，適唔適合我哋去!

第一批乘客準備上Zodiac啦！

我哋今日係第二批出發，所以仲有Ｄ時間可以影吓相，去完玻利維亞之後，我其實已經變咗個黑人！

睇到我同毛爸著嘅衫，你哋應該信南極唔凍啦！

呢個景真係可以睇一日都唔厭！

感受吓！
好藍好藍嘅海水！

好清好清嘅海水！

見到咁靚嘅景色，點可以唔激動！

第一批乘客已經出發啦，好想快Ｄ到我哋呀！

影飽相，食飽早餐，返房換好衫準備出發啦！

等上艇嘅時候，見到靚仔船長，一定要捉住佢影返張合照啦！

呢一刻嘅心情係無辦法平靜架！

到我哋啦！

毛爸仲興奮過我咁喎！

今次只係坐Zodiac，無得登岸，但已經足夠令我哋大開眼界！

阿根廷研究站

遠遠咁影返我哋隻船，好似俾Ｄ冰封住咗咁！



今次都拍咗比較多片，因為相真係未必可以表達得咁清楚，片會好Ｄ！

Skontorp Cove 有好多藍眼鸕鶿同海角鹱！

有無諗過南極嘅海底係咩樣？

每個乘客都必備相機，支支都大炮咁架，毛爸呢支係小兒科！

隻艇行行吓見到海豹，即刻轉方向去睇！

好可愛！

睇完我哋繼續喺呢個咁靚嘅Paradise Bay 度巡航！
水面都係結咗一層薄冰！

我哋嘅expedition guide介紹南極嘅blue ice～

呢塊就係Blue ice啦，好晶瑩剔透！

我哋沿住海邊咁睇，真係唔捨得走呀！

呢隻海豹瞓到反晒肚，好似毛毛呀！

海天一色，真係嘆為觀止！

噢！要返去上船啦！

原來隻Zodiac係收喺呢度！

呢度無風無浪，上落Zodiac 都好輕鬆！

返到上岸，好肚餓，換玩衫第一時間去食lunch～

我哋食飯時間，船就向Neko Harbour 嘅Andvord Bay進發！

中途見到有鯨魚，船長就停咗船俾我哋睇鯨魚!

係剎人鯨呀！

初初佢都游得好遠吓...

唔知係唔係聽到我叫佢come，佢真係游嚟我哋度喎，乖過毛毛好多呀！

仲噴水我哋睇添噃！

好近呀，喺正我哋個露台旁邊，好大隻呀！

玩咗一陣～

佢走啦！

短短幾分鐘，已經足夠令我哋開心到瞓唔著啦！

下午兩點幾，船已經到達Andvord Bay

第一批乘客已經上咗岸啦～

遠遠睇好多企鵝呀！

到我哋出發啦，第一次可以踏足南極大陸，好期待呀！

一上岸已經有好多Gentoo企鵝歡迎我哋啦！

企鵝ＢＢ～

我哋有個半鐘喺度玩，太多嘢睇，都唔知由邊度開始睇好！

肥嘟嘟，太可愛啦，真係想偷隻返屋企陪毛毛呀！

我真係到咗南極，我唔係發夢呀！

毛爸都一樣興奮！

睇完山腳，我哋行上山頂睇吓有咩睇先！

我哋行緊上山時，第一批Ｄ乘客開始返上船啦！

玩到日落都唔捨得走...

要落山啦！

中途有小企鵝送我哋一程！

落到山又俾隻企鵝仔擋住我條去路添！

好！你大Ｄ，我兜路行！

等Zodiac時又不斷影！

啱啱去完搵食返嚟嘅企鵝仔！

望出海仲有隻海豹喺度曬太陽！

上Zodiac前要洗乾淨對boot先，因為有好多企鵝便便架！

返到上船仲要洗多次先返得房！



換好衫又要拿拿臨趕出嚟聽明天活動嘅briefing，真係好鬼忙，唔好再問我喺隻船度十幾日有咩做啦！

聽完briefing先有得放飯，好攰呀！

好充實嘅一天，今晚瞓著都會笑醒，太難忘嘅一天！