今次帶毛毛去旅行返嚟最大嘅感受就係狗狗嘅身體變化真係好快，2007年第一次帶毛毛去日本時，毛毛玩得好開心好興奮，當年毛毛４歲，玩到第４日先開始覺得佢有ｄ攰，但今次毛毛第２日已經有疲態，３年對小狗嚟講原來可以變化咁大，希望大家珍惜眼前嘅人、狗同事，時間過咗就過咗，追都追唔返架！
如果你都有諗住帶狗狗去旅行嘅就坐言起行，把握時機啦，唔好第日後悔呀～
毛毛，希望你身體健康，日日都生活得開開心心～
另外日圓高企之下，毛毛今次係最少收穫嘅一次，ｄ雞雞都係買定俾佢下年２月去日本時食架，真係數埋無幾多件，你睇毛毛個樣就知佢幾咁唔滿意今次嘅收穫啦～～～
今次仲買咗個流動狗廁所俾毛毛，方便帶佢去旅行或者去人哋屋企玩時用！
你講得好啱呀! 小寶貝既3年真係可以變化好大的,
回覆刪除我地真係要好好珍惜呀!
毛毛一定會身體健康, 日日都開心快樂的生活的^^
[版主回覆12/04/2010 00:23:00]真係好快，毛毛已經７歲幾，唔知係唔係同毛毛一齊嘅時間開心，呢幾年真係過得好快！
多謝晒，希望成你貴言呀！
三年等於人既廿年架喇！我都要諗諗帶蘇蘇出國先 個流動 toilet 幾好喎，貴唔貴呀？
回覆刪除[版主回覆12/04/2010 00:27:00]我而家同廿年前都咁爛玩喎！
快ｄ諗啦，蘇蘇等緊你呀～
帶出街真係幾方便，唔算貴，千幾円～
好正呀個流動狗廁! 是否在日本的百貨公司才買到呢?
回覆刪除[版主回覆12/04/2010 00:28:00]我哋喺台場買架～
件粉紅色褸仔同史迪仔衫都好靚呀, 毛毛下次著咗新衫 post d 相出來看看~
回覆刪除[版主回覆12/04/2010 00:31:00]好呀，毛毛淺色，所以我多數買深色衫俾佢，出色ｄ吖！
个廁所幾好,在petshop買,or上網訂?
回覆刪除[版主回覆12/04/2010 00:32:00]我哋喺台場買架～
所以我要努力! 努力! 再努力!!!! 日圓高企, 努力搵多D$$$$$$$$$$$$$$
回覆刪除[版主回覆12/04/2010 00:33:00]仲要希望日圓跌跌跌跌.........呀！
流動狗廁...係咪小朋友要train咗先識用架?
回覆刪除[版主回覆12/04/2010 00:34:00]如果痾憤尿片ｄ小朋友應該唔駛train都識，毛毛見尿片就痾架啦！
毛毛豬真係好幸福呀!
回覆刪除[版主回覆12/04/2010 00:36:00]同葡撻差唔多啦！
其實毛毛唔係唔滿意今次既收穫, 而係D雞雞有得睇無得食啫!
回覆刪除除左珍惜之外, 最緊要保持身體健康, 咁就大家都開開心心喇!
[版主回覆12/04/2010 11:49:00]毛毛：蕃茄你真係心水嘅啫！
係呀，大家一齊努力！
我咁耐都係去過東京一次, 毛毛7歲可以去過兩次, 此生無憾
回覆刪除[版主回覆12/06/2010 16:34:00]我都希望毛毛係咁諗！
回覆刪除好正!!
[版主回覆12/09/2010 21:51:00]估唔到咁多朋友仔鍾意～～～