八哥街市「 1219大棠燒烤迎聖誕」

第一次帶毛毛參加咁大型嘅狗狗活動，活動12點開始，我哋心急又驚唔識路去，早咗出門口，11點就到咗會場啦！

未係好多人到時周圍影吓相先～～～

呢度有好多生果樹，棵大樹菠蘿有好多果啦，仲隻隻都大過毛毛架！

毛毛：媽咪我唔鍾意食大樹菠蘿架，有無榴槤呀？

毛毛：媽咪我要２條腸仔呀！

呢個係托兒所，家長要行開，小朋友無人睇時，可以放喺度，Pugmart 工作人員真係諗得好周到～～～

今次我仲約咗靚女蘇蘇一齊嚟燒嘢食，不過個爐邊太窄，入唔到兩架車，咁就辛苦蘇蘇喺外邊等我哋啦～～～

毛毛：蘇蘇好耐無見，你近排好多街去喎，下次帶埋我去得唔得呀？

毛爸同蘇蘇合照時，蘇蘇都係望住我架，我都話蘇蘇鍾意我架啦～

毛毛：我條圍巾靚唔靚呀？係蘇蘇送俾我架！

兩位靚女合照～～

睇返ｄ相發現，蘇蘇對毛毛都幾有好奇心，有幾幅相都係望住毛毛架！

蘇蘇可能覺得毛毛做咩咁好笑，一日笑到黑嘅.....

今日其實仲有幾十隻８哥架，真係影極都影唔晒～

長腿８哥～～～

黑面８哥～～～

除咗燒嘢食，仲有狗狗拔河玩，好攪笑，企係旁邊睇，真係笑到眼水都出埋呀！

ｄ主人仲緊張過ｄ小朋友呀！

呢位小朋友真係好認真咁拉架，出力呀！

唔得啦，好攰要休息一陣啦！

睇完拔河大賽，我哋就走咗去跑草草啦～～～

一百八十幾人加幾十隻狗嘅大合照，你揾唔揾到我哋呀？

點解會影到張咁靚嘅大合照？就係因為有呢個觀景台囉～～

影完大合照，仲有Bingo玩同大抽獎，雖然咩都無中到，但都一樣開心呀！

蘇蘇真係一位好乖嘅小朋友，我抱住佢，佢真係好定，食嘢又斯文！

玩到５點就走啦～～～

嚟到元朗無理由就咁返去架，當然喺食埋晚飯先走啦！

呢間仔係我同毛爸都好鍾意嚟嘅，不過早兩年唔知點解唔開門口ｄ枱，而我哋入嚫元朗都常都會帶埋毛毛，所以已經一段時間無幫親啦，今晚經過，見開咗門口位就坐掋食啦，水準依舊呀，今日叫幾味餸都好好味，大滿足呢.....

毛毛：媽咪就呢碟啦～～～

兩父女度齊齊等食，表情同動作都一致架！

飯後當然唔少得我最愛嘅”泛后甜品”啦～～～

毛爸嘅咋喳～～～

我嘅楊枝金露～～～

毛毛無得食，嬲嬲中........

今日仲收到蘇蘇送俾我嘅聖誕禮物，甜蜜蜜嘅GODIVA朱古力，多謝晒蘇蘇！

毛毛返到屋企洗完腳仔已經即刻去佢個皇位度瞓覺覺豬啦！

今次真係多謝晒咁多位八哥街市工作人員，辛苦晒你哋，你哋安排得好好，我哋玩得好開心呀，下次一定再參加！