今日好想食日本嘢，咁我同毛爸就走咗去沙田麗豪嘅 味房居食屋食「鮑魚鐵板燒」任點任食放題！
每位客人有一隻清酒煮原隻六頭鮑魚乙客！
今日我哋主力食魚生同ｄ日式前菜，呢個組合我哋食咗三碟，ｄ魚生好新鮮呀！
芝麻雪糕食咗４球，咁你知佢有幾好味啦！
其實我哋仲食咗好多其他嘢，不過掛住食唔記得影
！其中包括: 清酒煮蜆、焗黃金帶子、鮮蝦天婦羅、燒雞軟骨、燒鯖魚等等，真係飽到上心口！仲有ｄ無位食嘅嘢，包括: 鯨籠魚、沙錐魚、希靈魚、酢鯖魚、萌蘆筍鰻魚卷、龍蝦沙律手卷、香蔥吞拿魚腩手卷、軟殼蟹卷、蟹捧拉麵、牛肉湯烏冬等等！
而家佢網上重有68折嘅優惠卷download，真係好食又抵食！
味房我好快又會嚟架啦，你等我吖！
我哋約咗Jo姨姨一家，仲有BBG家同BBG D 朋友仔１１點半，未夠鐘，媽咪梗係要去Starbucks度上吓電啦！
做咩媽咪買咁耐架，係咪唔識叫呀，使唔使我幫手呀！
去到碼頭原來大家都到晒啦，未夠鐘上船，不如影張大合照先啦！
攪咗好耐都影唔到一張似樣嘅大合照，呢張算係最齊狗架啦！
我哋係西貢仲撞到粒粒，粒粒我喺呢邊呀，你唔好掛住望鏡頭，望吓我啦！
Uncle Andy我係咪好"輕盈"呢，你抱得咁輕鬆嘅！
終於可以上船啦，我第一次坐"wala wala"影返張相留念先！
今日同Daddy影咗一張相咋，媽咪你下次記得幫我同Daddy影多幾張啦~~~
小海龜look～～～
有得玩，真係開心屎狗啦！
今程船Bingo哥哥坐我隔離，到要上岸時佢先發現我ｄ甩毛神功有幾勁，Bingo哥哥成個pat pat都痴晒我ｄ毛毛，哈哈哈．．．
我哋好好彩，今日係天后誕，呢度好熱鬧呀！
D大人梗係第一時間去揾食啦，食海鮮喎！
第一味餸：海膽剌身！
呢pat嘢咁多刺真係食得架？
哦，原來反轉食入面ｄ嘢，媽咪話味道一般啦，有嚿飯可能好食ｄ！
BBG daddy前兩日去釣魚，收獲豐富，今日幫我哋加餸，Uncle話帶條最細嘅嚟俾我哋試吓，嘩！呢條叫最細架啦，６斤重嘅紅鮋喎！
我媽咪就最開心，食咗十幾件，仲話好好味，今餐飯基本上佢係食魚飽嘅！我就分到豆豉咁多啦～～～
呢條就係６斤重嘅紅鮋啦！（幅相喺BBG度偷架！）
跟住一枱都係餸，佢哋11個大人就食到肚滿腸肥囉！
小朋友無得食，影吓相囉！
食飽飯就出發去白腊啦，大概要行半個鐘到啦，首先去睇吓間天后宮先！
初初行只係落微微雨，我哋個個都行得好興奮，跟住越行越大雨，個個行到成身濕晒，我哋小朋友們就最開心啦，有水玩喎！
今日連士多都無開，唔通佢哋知道今日會落雨？
一去到海灘，喺個個大人喺度睇緊呢度有幾靚嘅時候，Spicy已經靜靜地走咗去海邊，準備同ｄ海浪玩遊戲啦！
我都唔執輸，Spicy你等埋我呀，我同你一齊玩衝浪吖！
今日Bowie同Ginny無落水玩，得個睇字，Bowie你係咪好想衝浪呀？
玩咗差唔多一鐘頭就要行返去糧船灣坐船返西貢啦，你哋睇吓我哋頭先玩個沙灘幾靚，Daddy媽咪得閒再帶我嚟玩啦，我好鍾意呢度呀！
喺船度俾媽咪包到我好似條蟲蟲咁，仲俾ｄ姨姨笑我添，媽咪話驚我凍喎，咁都要顧吓我個形象架！
Bingo哥哥都好攰瞓咗啦！
5點返到西貢，今日真係盡興而歸，唔該晒Jo姨姨幫我哋安排晒咁好嘅行程，多謝晒Uncle Leo嘅新鮮魚魚，不過今日落雨，影得好少相，希望下次可以影返多ｄ啦！
