星期日我同媽咪都無街去，天陰陰，無嘢做，最好就梗係瞓瞓瞓啦！
夜晚媽媽話帶我去接Daddy機喎，你講笑咋係咪呀，你揸得掂Daddy架車咩？搭的士咁貴你又唔會捨得，咁點去呀？
嘿！我都唔相信呀，我媽咪竟然帶我去坐巴士喎，佢最怕俾人話架啦，又驚俾人捉到要罰錢喎，今次竟然咁大膽！好！咁我就同你合作吓啦，全程車我都乖乖俾媽咪抱住睇街街，無吠
又話去接Daddy，一去到機場，媽咪就去咗板前買壽司食，仲要走去星巴整杯咖啡添，喂！媽咪，幾時先去接Daddy呀？
當媽咪飲飽食醉之後，佢終於肯同我去等Daddy啦！
好嘢，好嘢，好快就見到Daddy啦！
媽咪，點解我去旅行返嚟嗰陣唔係行呢度出嚟嘅？你有無去錯地方呀？
等得好心急呀！
見到Daddy時，媽咪可能好似我咁開心，連相都唔記得幫我影呀！
"爹"完Daddy之後，我哋又坐巴士返屋企啦，不過因為好耐無見Daddy，好興奮，喺巴士度兩頭郁，最後梗係俾媽咪罰坐監啦！
毛毛, 其實你真係好乖架喇, 搭車無吠, 比起蕃茄佢真係曳到無論, 一搭車就就圍郁, 最後要次次搭的士出入, 真係傷荷包!
回覆刪除[版主回覆02/28/2009 00:21:00]哈哈，個個都上我當喎，去嗰程就乖，因為驚無得去吖麻，返嗰程就曳啦，唉，最後都要俾人罰！
我平時就坐Daddy車或者的士，不過去機場成３百蚊，我個孤寒媽咪點捨得吖，迫住帶我去屈蛇囉！
毛毛,個手推車咁窄你都坐到,叻叻.
回覆刪除[版主回覆02/28/2009 00:25:00]好在坐得落咋，如果唔係媽咪返屋企實要我地獄式減肥啫！
毛毛, 你就好啦, 細細粒, 又可以坐巴士, 居然仲可以出入機場, 我地除咗做乘客果兩次都未去過機場呀!
回覆刪除[版主回覆02/28/2009 00:29:00]細細粒，都唔細粒啦，媽咪話抱到佢有兩隻強壯嘅老鼠仔啦！
唔使驚，我諗住俾人趕嗰陣咪同佢講我係乘客，不過未夠鐘check-in咋麻！
好嘢喎 ~ 偷運狗蛇成功 .........其實我都好想買個袋試吓偷運安安坐巴士, 不過又怕佢喺度尖叫 (佢尖叫起上嚟, 成條街都聽到 )............到時唔知點算
回覆刪除[版主回覆02/28/2009 00:34:00]我嗰晚不知幾驚呀，又唔係做咩壞事，都唔知點解驚成咁！好在嗰日成架巴士得4個人咋，長程我先試吓咋，短程都係坐的士算啦，心血少吖！
毛毛，你媽咪为咗你地可以早啲见到Daddy，居然帶去你屈蛇咁大胆，你咁開心就快啲去Kiss吓媽咪啦 。
回覆刪除[版主回覆02/28/2009 00:36:00]點只Kiss吓呀，直頭幫佢洗埋面添吖！
哦....毛毛你做偷渡狗......好刺激咁喎, 我地都想試吓呀, 但係 3個一齊實在太 浩浩蕩蕩 嘞 !
回覆刪除[版主回覆02/28/2009 00:40:00]如果你哋３個一齊都偷渡成功，咁嗰架巴士一定係你哋爸爸揸架啦！
佢白雪雪好可愛啊. 仲有, 機場比帶狗仔週圍走架??!! 咁我下之都可以帶MANGO去接芒爸機喎.
回覆刪除[版主回覆03/01/2009 23:19:00]佢ｄ色有ｄ似芝華華架，其實佢係個入口都有個唔俾狗狗入嘅牌，不過我唔捨得唔帶毛毛去接機咪帶埋佢去囉！
你唔洗驚喎, 毛毛咁乖豬, 一定會同你合作, 喺巴士度坐定定, 唔會亂咁嘈架~
回覆刪除[版主回覆03/01/2009 23:22:00]佢咁係唔敢嘈啦，俾人趕落車，我實叫佢自己行呀！
我以前都養八哥架, 但唔係白色, 對於我黎講, 兩種狗實在太大分別, 因為我隻八哥乖到不得了. 而現在粒芒果呢?? 簡直有過度活躍症. 哈哈.
回覆刪除[版主回覆03/06/2009 01:32:00]毛毛一歲前都係有過度活躍症架，不過而家大咗先乖咋！
回覆刪除有想過為自己心愛的狗狗與自己的合照,
製作成一本相薄, 留下美好的回憶嗎?
價錢只需$280起,
已包括相薄印刷, 包裝, 訂裝及香港速遞.
全部百份百本地製作, 信心保證!
詳情請瀏覽我們的網頁: www.photobookasia.com
毛媽你好, 我想問吓如果屈蛇坐巴士, 被人捉到係咪要即刻落車架?我隻八哥仔22磅 ar....好重呀
回覆刪除[版主回覆03/06/2009 01:37:00]好彩就落車囉，唔好彩就仲要罰錢架！毛毛都唔輕吖，佢有１５磅架！
嘩~好嘢喎毛毛， 今次屈蛇成功~下次可以去遠 D囉！
回覆刪除[版主回覆03/08/2009 00:43:00]機場已經好遠架啦喎，再遠ｄ就要上埋機去日本囉！
嘩..毛毛你好勁..可以入機場接爸爸機..爸爸見到你真係開心晒啦
回覆刪除[版主回覆03/10/2009 13:08:00]都係偷偷地咋，爸爸見到我接佢機，笑到見呀唔見眼吖！