呢排天氣開始無咁熱，而且喺屋企悶咗咁耐，我小毛毛出動啦，今個禮拜算幾好彩，隔日就有街去，不過都係跟Daddy同媽咪佢哋去食吓飯咁咋，都未有正式同我去跑吓草，希望ｄ天氣快ｄ涼啦，咁我先可以多ｄ街去吖麻！
星期三晚我哋又去咗意廊食晚飯，我當然係有得睇又無得食啦，嗰晚有好多狗狗經過，不過媽咪怕我走出馬路，所以唔俾落地，又係有得睇無得玩！
呢個就係媽咪嘅晚餐啦，係牛嘅面豬"dun"＋媽咪最愛嘅AOP意粉，媽咪話牛嘅面豬"dun"好軟好滑，有ｄ好似牛根嘅膠質係ｄ肉中間，食咗ｄ皮膚應該會靚ｄ滑ｄ喎，咁滑做咩啫，好似我塊面咁有ｄ紋，咁先靚同得人鍾意架麻！
毛姐姐..你都好吖..無得食都有得聞吓喎，
回覆刪除狗地就連望都無得望吓呢！
[版主回覆10/26/2008 11:01:00]唔怕，晏ｄ咪有得囉！
毛毛 出動嘞 ! 早晚涼左少少, 中午仲係好熱呢 !
回覆刪除[版主回覆10/28/2008 21:44:00]所以我呢排都係夜晚出動多d囉！
間餐廳喺邊架??我都好想去試下呀, 真係睇到流晒口水呀....
回覆刪除[版主回覆10/28/2008 21:47:00]沙田麗豪地下嗰間意大利餐廳”意廊”呀，要試就快ｄ啦，11月就轉餐架啦，如果去話我聽啦，我可以放定張７折卡係嗰度比你！
咦! 請問...呢度係边嚟GA? 咁好可以比99入去一齊食野?
回覆刪除[版主回覆10/30/2008 22:08:00]沙田麗豪酒店地下嗰間意大利餐廳”意廊”呀，坐露天位咋，你住得咁近，得閒同金菇一齊去試吓啦！
下....佢哋每個月都會轉架??係呢....咁貴唔貴呀??同埋多唔多人呀, 要唔要book位呀??毛毛媽....你係咪VIP嚟架......hehe....... 好呀, 如果我去話你知呀, 或者約埋你同毛毛一齊去呀......
回覆刪除[版主回覆10/30/2008 22:16:00]係呀，咁先有新鮮感吖麻，晚餐有前菜，湯，主菜，甜品同餐茶，原價係HK$258咁上吓，折咗再加返10%大概HK$200一個人到啦，個個都可以做VIP架，俾$$入會就得架啦！
好呀，記得啦喎！
毛毛, 夜晚出動"晒月光"?? 夠晒浪漫!
回覆刪除[版主回覆10/30/2008 22:18:00]怕熱嘅小朋友而家只可以晒住月光先啦，涼ｄ先可以出動晒太陽呀！
哦!有人有7折card, 我又要去食
回覆刪除[版主回覆10/30/2008 22:20:00]咁幾時一齊去啫，蟹都未食喎！
嘩~~~!!!原來都唔平架喎....不過折咗都幾抵喎, 好~!等我儲夠$$$$就搵埋你同毛毛去食喇..., 當然毛毛爸都一齊喇...., 毛毛~~~~等我呀~~~!!!!
回覆刪除