由資料搜集,驗血,填表申請,訂機票,租車,訂酒店,買保險,買飛機籠,攞健康證明...仲有
好多好多煩覆嘅手續,
佢地四個大人攪到氹氹轉都係想我地兩隻小鬼感受一
下小動物應該得到的真正待遇,媽媽話香港人對狗狗嘅態度可以做到日本人嘅十分
之一已經非常之唔錯啦!所以我同吉吉一定會好好珍惜佢地四個大人嘅心意,玩得開
開心心,仲會聽聽話話添!不過,我同吉吉車就坐得多啦,但係飛機都係第一次坐咋,唔
知會點嘅呢?好期待呀!!
今日媽媽連我地兩隻小鬼係日本返香港嗰程貨運都已經出咗e-mail 訂咗啦,因為日本
嗰邊小狗貨運只接受一個月內嘅申請,所以要到星期一先可以confirm到我地小狗嘅
機位,我諗應該無問題卦!
如果貨運機位無問題,媽媽話再向日本政府申請辦理埋我同小吉由日本返香港嘅出
口批文,手續就攪得差唔多啦!剩底嘅就只有出發前健康証明咋!
唔該晒 Mazzini ee..辛苦晒你呀! 全靠你既堅持同努力..我地呢個夢想之旅先可以實現到咋!
回覆刪除唔係果Ｄ不負責任既雜誌講得咁簡單..咁容易啊!
[版主回覆11/11/2007 01:02:00]mama話一D都唔辛苦,佢話攪得好開心喎!仲話佢一個人可能未必攬得掂,好彩有你豆咪幫手解決咗唔少難題
係啦,希望D人睇完唔好信晒Ｄ不負責任既雜誌,自己會去睇吓同查吓D資料,如果唔係就苦咗D狗狗啦!
wa~~原來小動物要外出異地係咁多手續要做架~~~~
回覆刪除小吉吉~~同小momo~~你地真係有福law.....爸爸媽媽肯為你地做咁多野~~快d..kiss 佢地la...
p.s....e~~將相個地方咁靚o既??
[版主回覆11/11/2007 15:12:00]係呀小j姐姐,係好多好多手續架,mama足足攪咗大半年呀!上個星期有本忽x一週,寫帶狗狗去日本伊豆玩,仲係寫我地準備入住嘅狗酒店,但係佢寫嘅辦手續需要時間同價錢都錯晒,其實呢D係好容易係漁農處嗰網頁就可以搵到,咁大間雜誌社,可以俾D錯到咁嘅稿出街,真係不知所謂又不小責任呀! 所以激到mama好嬲就整咗封email去話佢地,叫佢地唔好係度害人害狗囉!
係呀嗰度好靚靚架,D嘢又好食,D哥哥姐姐又靚又好人,仲唔會歧視我地D四隻腳嘅小動物潻呀!沙田可以有間咁好嘅酒店真係好啦! 仲有要多謝小j姐姐今日請我食嗰D車厘茄,好甜好好食呀! 我今日仲要惡埋阿大厨哥哥,唔知佢有無嬲我呢? Kim哥哥今日唔係幾舒服,希望佢快D好返啦,如果唔係佢屋企嗰兩隻小鬼邊個照顧喎!
你哋就好啦﹗有得去旅行，記住影多啲靚相俾我哋睇呀﹗
回覆刪除[版主回覆11/11/2007 22:30:00]Hello LoNickB,
多謝你過嚟我個Blog留言呀! 其實mama噚晚都有過去你地個Bolg睇呀!佢睇到婆婆靚湯都唔之幾羡慕呀,諗住返去同婆婆,嫲嫲講煲返碗靚湯我嘆喎!
我地一定會影好多好多相返嚟架,到時一齊睇呀!
ha~~momo...今日鍾意食大粒車厘茄就好啦...不過唔係好多粒...下次再發現到留比過你食...
回覆刪除重有呀...阿厨florey哥哥都無嬲到你...佢一入番黎就係咁笑..係咁話比我地知你d好笑野..你放心啦..佢都係一個愛動物的好哥哥黎架..所以佢係唔會嬲架................你十萬個放心啦...
哎............你今日走左之後.都沒有再見到阿狗狗啦(無返黎)...希望佢係返左屋企啦.
我幫你問候小kim哥哥啦~~謝謝..乖乖momo豬...
[版主回覆11/12/2007 16:41:00]多謝你呀小j姐姐,我會成日叫Daddy媽咪帶我嚟架啦,等D大粒車厘茄唔使keep咁耐呀麻! 好采阿florey哥哥無嬲我咋,如果唔係,mama無AOP意粉食嗰陣,實打到我個八月十五開花!
我都好希望佢係返咗屋企啦!見唔到媽媽一定好慘架!!
嘩~小j姐姐,原來唔只有美味法包食..仲有大大粒既車厘茄食添呀!
回覆刪除我都要快Ｄ約埋mo姐姐過黎食吓先得囉!
我都祝Kim哥哥早日康復呀!
[版主回覆11/14/2007 23:30:00]係呀小吉d大大粒既車厘茄真係幾好食架!你幾時唔使開工,我地一齊去呀!