最近呢排mama同daddy都好忙,所以我就去咗嫲嫲度住幾日
,嫲嫲嗰度好食好住
,噚日返屋企磅一磅,嘩!mama大叫一聲,7.1kg 呀 (3日前係6.9kg)! 
睇嚟我又要俾mama迫我地獄式減肥啦!
2007年11月29日 星期四
2007年11月22日 星期四
狗狗伊豆探秋之旅-準備篇(8)
mama已經開始幫我執嘢啦,佢早幾日行街嗰陣買咗個行李唿俾我,話將我 d 嘢放埋一齊以放唔記得,不過好似細咗d 喎!邊夠擺我 d 靚衫呀? 
呢d就係mama攪呢次旅行要睇同準備嘅書同文件,每一頁,每一個字mama都睇過
晒,mama d 英文"渣"有d檢疫條例 d 英文好深, mama都會每一個字查字典, mama話要
清楚所有嘅嘢,做齊所有手續,先可以確保我同小吉係日本同返嚟香港都唔駛坐監
喎! mama仲俾daddy笑佢讀書嗰時都無咁勤力喎!
梗係啦,我係mama個心肝
命"掟"嚟架嘛!!
2007年11月21日 星期三
狗狗伊豆探秋之旅-準備篇(7)
試完轆轆, 食物兜同飲水器,終於到試食啦!平時我每餐都係狗糧加蒸雞肉或者魚肉,
但係去旅行點揾個爐俾mama蒸嘢俾我食呀,所以mama就去揾d真空包裝嘅蒸雞肉
或者魚肉俾我同小吉係路途上食喎!今日試嘅係芝士燒魚,非常好味,3秒清兜!我見到
mama俾我食之前偷咗d嚟食潻噃!mama以後可唔可以改食呢d魚呀! 
我嗰籠今日又多咗d公仔紙喎!
我們的彭福公園
補返d日記先,星期日我地一家三口約咗小吉同佢豆咪一齊去食brunch,佢地d大人好
其怪架,食餐飯都要成3個鍾,如果我碗飯食3個鍾呀,實俾mama打到八月十五開花啦!
我同小吉等呀等,終於等到佢地食完飯,可以帶我地去跑草草啦!
小吉媽ee送咗條咁靚靚嘅裙仔俾我又去到d咁靚嘅地方,梗係揾我老友同我合照啦,
小吉呀!我地一齊影相呀!
小吉 : 唔影,今日無著裙仔呀! 小毛毛 : 哎吔,一開口就食檸檬添!
小吉 : 好啦,唔使咁嘅樣啦,同你影一幅啦!
小毛毛 : 好呀!好呀!
嗰日daddy仲偷影咗人地嘅3個BB 添 噃!
daddy 話試相機功能喎,就影到我個樣咁奇怪!daddy你部相機壞咗呀,買過部新把啦!影到我咁嘅樣!
狗狗伊豆探秋之旅-準備篇(6)
今日我要試下我嗰籠籠 d 設備, 包括轆轆, 食物兜同飲水器.
喂!細路,嗰門口係後面呀!
轆轆 - 有"迫力"同幾順暢 - pass
飲水器 - 我都唔頸渴,無心情試 - 結果俾mama鬧
食物兜(uncle 大吉專利產品)
- 高度適中,扣扣安全唔會整到我隻眼仔,易拆,易洗 - very good
食完嘢我仲好有手尾咁整好D食物兜等佢地知到我食晒啦!
喂!空中姐姐 , 記得幫我添飯呀!
訂閱：
文章 (Atom)