今日要去日本姐姐度沖涼，媽咪一定唔會放過咁好機會，一早就帶我去橋咀游返一轉先，去游水梗係要帶埋我嘅兩件寶貝去啦！
今日個灘好少人，狗都係得３幾隻咋！
上次無同Daddy合照，今次要補返張先！
Daddy快ｄ開船啦，我要去海中心兜一轉～～～
點解去到海中心轉咗人嘅？
我哋玩咗個幾鐘就返西貢啦，喺回程時，我哋坐嗰隻艇埋岸時停唔到，撞咗埋岸邊，好彩唔係好快，不過媽咪驚我跌襯，撞船嗰陣死抱住我唔放，搞到無手捉住ｄ嘢，而變咗一個大冬瓜咁蹗咗落地，好在佢都係擦損咗隻腳少少啫！無大礙，大家唔使擔心，真係行船跑馬三分險呀！
上咗岸，個懶媽媽就張一隻濕淋淋嘅我放低俾日本姐姐善後，自己就同Daddy走去咗嘆啡，夜晚仲話同Daddy去咗食冬瓜盅，佢話要以形補形喎！
死人Smartone隨身寬頻，極度唔好用，要坐近窗邊先收到一至兩格，upload一張相要成半粒鐘，有時仲upload唔到，打去hotline問，句句都話無理由，無理由我就唔使打電話俾你啦，你估我得閒無嘢做揾你傾計呀！仲麻煩過以前有條線，呢幾日連網都上唔到，今日無啦啦又得返，用咗半年終於頂佢唔順，罰錢都決定放棄，登記咗香港寬頻，不過要下個星期六先有得安裝，Smartone我忍多你一個星期，Smartone隨身寬頻超級廢，超級無用，大家唔好試呀！
今日陽光普照，最好嘅活動梗係游水啦，媽咪唔知係咪年紀大咗呢，呢排都好肯早起身喎！
今朝約咗一班MOS嘅狗朋友去橋咀島游水水，８點半喺樓下出發，９點去到西貢，班大人又話要醫肚先喎，你哋快手ｄ啦，我哋ｄ趕住去游水呀！
Oh!佢哋終於都食完啦，細毛爸好似仲開心過我哋ｄ小朋友喎！
細毛媽都唔輸蝕，我又嚟搶鏡先！
落船啦，媽咪你抱實ｄ我呀！
Daddy本來喺天津做嘢，好在早咗完成，今日先陪到我去游水咋！
星媽&So So，係星媽嘅嚴厲教導之下，SoSo乖咗好多呀！
上岸啦！
等我浸吓水降溫先，今日ｄ水好清呀！
你哋睇吓，個個阿媽都好似有仔／女萬事足咁款！
我哋ｄ泳姿都幾優美架！
CoCo出嚟游水啦，做咩成日痴住媽咪呀？
CoCo咁嘆嘅背後，係．．．．．．
有一個偉大嘅媽媽囉！
Ca爸同Ca仔游到無晒氣要上岸回氣啦！
細毛你哋張全家福好靚喎，等我又嚟做吓”攝石狗”先！
嘩，媽咪呢度好深水，你抱實ｄ呀！
兩個又白又滑嘅背脊，你話邊個滑ｄ呢？
SoSo原來係魔鬼化身嚟架，你睇吓佢對魔鬼之耳！
SoSo 你收埋對魔鬼之耳我哋都認你架，唔使收啦！
超載啦，仲迫上嚟！
呢架艇只可以坐兩隻狗架咋～～～
CoCo走啦，你重游出海，我唔等你架啦！
最後嚟張大合照先！
＊＊＊部分靚相係喺細毛度借架＊＊＊
