毛毛豬

2011年11月7日星期一

2011 毛毛歡歡德國+日本之旅 - Day 3 (15-10-2011 Sat)

Munich (慕尼黑) → Konigssee (國王湖)

毛毛呢位懶瞓豬，朝早鬧鐘響都唔願起身！

今朝會喺慕尼克周圍睇吓，下午就開車去國王湖～

食飽早餐落到樓下見地下間中東人開嘅超市正在上貨，Ｄ椰菜大個Ｄ西瓜呀！今次去歐洲發現好多中東人喺度生活，歐洲同我好多年前嚟時已經改變咗好多
...

我哋間酒店喺慕尼克火車站附近，好多景點都係可以行到去嘅，咁我哋一路行就一路影，天氣又好，好舒服呀！

未瞓醒嘅毛毛^^

聖母教堂（Frauen Kirche)

瑪利恩廣場

新市政廳（Neues Rathaus)

皇宮(Residenz)

第一次帶住毛毛光明正大咁行人哋Ｄ舖頭，好開心呀！

毛毛：媽咪我想飲呢支...

市內觀光完畢，返酒店check out就開車去國王湖啦！

Munich火車站 → Konigssee (國王湖)***161km (1hr43min - 133km motoways)

德國嘅道路網好好，大部分地區都有高速公路到達，而公路傍又有好多休息站同特色嘅餐廳，好多時都俾到唔少驚喜俾我哋，呢間係我哋第一次停抵休息嘅地方，順便喺度食個late lunch～

德國對狗狗好好，所有地方都可以同狗狗一齊出入，只有賣新鮮食物嘅地方，超級市場同博物館等地方唔入得，實在太好啦！

德國我覺得最貴嘅就係去洗手間，差唔多８蚊港幣去一次，真係要儲多Ｄ先一次過去！

記得好幾年前嚟德國時，Ｄ咖啡係麻麻地，但今次發現佢哋進步唔少，基本上隨便一間餐廳，咖啡都唔錯！

食飽繼續趕路啦，希望天黑前可以到達國王湖，但途中遇到塞車，好在唔係塞咗好耐咋！

沿途景色都好靚，毛毛都唔瞓住，睇吓先！對毛毛嚟講呢片係一片陌生而美麗嘅土地，毛毛你會唔會好希望香港都可以變成咁呢...

今次我哋揀咗一間喺國王湖湖邊嘅民宿，佢嘅位置喺一個小山丘上，可以望到國王湖同佢嘅市集，景觀真係超５星級，價錢係 28€/person/night with breakfast 真係抵到爛呀！湖景房好搶手架，好果想住就要早Ｄbook 呀！但有一樣比較麻煩嘅係那條山路好窄，我哋架車開唔到上去，只可以泊喺山丘下，等老板娘開車幫我運Ｄ行李上去，另外就係無獨立洗手間。

簡單而優雅嘅房間～

仲有個景色優美嘅小露台～

望出去就係咁靚架啦！

安頓好行李，照顧埋小朋友嘅晚餐後，我哋就出發去市集搵食啦！

第一餐正式晚餐當然唔少得德國豬手！

Cafe Malerwinkel (Tel : 08652 / 2533)
http://www.cafe-malerwinkel.com/index.php/en/
Malerwinkelweg 10, 83471 Schönau am Königssee.
28€/person/night with breakfast, Pet - free

2011年11月6日星期日

2011 毛毛歡歡德國+日本之旅 - Day 2 (14-10-2011 Fri)

Munich (Airport → Downtown)

晨早6點，準時到達Munich airport，順利完成咗12個半小時嘅機程，毛毛表現超好，無扭計，淨係唔肯喺機度去廁所咋！

喺機上有好多人對我哋兩位小朋友都好有興趣，成日同佢哋玩，落機都唔肯走，要同兩位小朋友影埋相先同我哋講拜拜呀！

毛毛到德國第一篤尿尿就係喺呢個WC攪掂架，影抵佢做紀念先！（係咪有d變態呢…哈哈…）

跟住人就要去過移民局，攞埋行李之後就行紅色通道(即係有嘢要報關嘅通道)，將健康証明交俾關員，佢咃對過張健康証明同之前我email俾佢哋嘅一樣，再嘟埋毛毛同歡歡嘅晶片（個AVID reader 係要自己帶架），５分鐘都唔洗，咁就走得架啦！

所有嘢都好順利，一個鐘頭已經人狗都過晒關，我哋約咗架車8點，仲有成個鐘，周圍影吓相先！

歐洲要租自動波車係比較貴同少選擇，今次間死人租車公司介紹架車俾我架車尾箱只可以放到三個大一個細唿，我哋明明話要放刑四個29吋大唿架麻，佢有無車換俾我哋，咁唯有將一個唿放喺後排座位中間啦，好在我哋d車程唔長咋，如果唔係都幾辛苦！

未到中午時分已經到咗酒店，不過間酒店一定要兩點先可以check-in，咁我哋就泊抵架車去食lunch先啦，明明上機前睇munich有十幾度，但到落機時得返兩度，個個都要開喼攞衫呀！

俾泊車錢都玩咗一大輪～～～

俾完錢，攞返張收條放喺車頭就得，攪掂，去開飯啦！

德國腸仔做午餐～～～

順利周圍行吓，慕尼黑火車站～

兩點check-in咗，個個走晒去搵周公，一直到傍晚時候先識醒，又去揾食啦！

火車站有個food court，咩都有得食，我哋買咗隻燒雞

再加碗生牛肉河，好豐富嘅晚餐，隻燒雞好好味，估唔到food court都有d咁好味嘅嘢

買燒雞時檔主見到毛毛同歡歡覺得佢哋好得意，以為我哋係日本人，當我哋話佢聽我哋係香港人時佢唔信，仲問我哋中國人唔係食狗架咩，我聽到真係好唔開心，點解中國人俾人嘅印象咁差架！

算啦，都改變唔到架啦，咁不如去starbucks叉叉電算啦！

我飲咖啡，歡爸飲啤酒，cheers!

飲飽食醉，又返去大覺瞓啦，瞓醒就正式開始我哋嘅德國之旅啦！

Hotel Munich Inn (Tel : 49 (0) 89 54 34 88 60)
http://www.hotelmunich-inn.de/english/hotel.html
Goethestr. 15, D-80336 München
Double room 80€, Pet 10-€ , Parking 16-€ / 24 hours, with breakfast.

2011年11月3日星期四

2011 毛毛歡歡德國+日本之旅 - Day 1 (13-10-2011 Thu)

Hong Kong → Munich (慕尼黑)
LH731 HKG-MUC (23:30-05:55+1) 12HR 25MIN

一個夢想嘅旅程，今日就出發啦！

今日可以成功出發，真係唔容易，出發前兩個星期開始就不斷有唔同嘅驚嚇事件發生，真係少d心血都會嚇c…

首先係出發前兩星期，德國嘅 Department of Veterinary 本來話會幫我哋做晒成份日本Health Cert., 但到我哋出發前先話唔做，叫我哋自己搵獸醫做咗先攞去俾佢哋加簽，好啦，咁又上網揾獸醫，不過個個site都係德文，send email俾佢哋又唔覆，最後都係有個帶住隻狗狗嫁咗去德國嘅blog友介紹咗一間獸醫診所俾我哋先攪掂咋，出外真係要靠朋友！

到出發前一個星期，歡爸去攞國際牌，點知發現德國並唔喺國際牌個國家list裡面，我哋喺德國全程揸車架麻，無咗架車，真係Ｃ得啦，好，又搵又問，最後打去德國旅遊局問到，原來德國唔洗用國際牌，香港車牌就ＯＫ，真係又嚇得一餐飽呀！

好啦，最精彩嘅部份就喺出發前５日發生！

當日係星期六，我朝早check email 時睇到一封可以即時嚇Ｃ我嘅email ，我哋間日本貨運公司通知我，CX Cargo唔肯運毛毛返香港因為毛毛係扁鼻狗，當時我真係火到想燒晒成間CX cargo，７月佢改例時我明明已經confirm咗佢哋，cargo 係照做架麻，而家我準備出發啦，你嚟話唔做，正賤人！

無辦法之下，唯有搵其他航空公司，但全部航空公司貨運部嘅sales dept 係星期六，日同假期喺都唔開工，而更好彩嘅就係跟住個星期一正正就係日本假期，我哋星期四出發，即係我最快要出發前兩日（星期二）先可以聯絡到其他航空公司嘅貨運部，真係心情從未如此低落過...

呢三日過得超漫長，我每日都上網睇唔同航空公司嘅貨運資料，同航班時間，所有有可能發生嘅事我都要睇熟記住，仲有麻煩咗好多朋友幫我hold機票同打電話去日本check嘢，希望星期二一有消息我就可以即時可以做到決定，真係唔該晒咁多位好朋友！而自己亦作咗最壞嘅打算，就係取消唔去，但呢一年嚟嘅心血就會白費，而且連累歡歡都會無得去，當然我真係唔想咁...

星期一晚已然出晒email俾大板同成田機場嘅貨運公司，講晒我覺得可行嘅options俾佢哋知，叫佢哋同我哋check邊一個真係可行，同邊間航空公司仲肯運扁鼻狗，希望佢哋星期二一早就可以覆我哋....

好唔容易等到星期二，當日我唔知出咗幾多個email，歡媽唔知打咗幾多個電話，朝早知道JAL（成田）應該肯幫我哋運毛毛返香港，拿拿聲改機票，因為我哋張大板返香港嘅票係用積分換，所以改機票係好麻煩，而且仲要由CX轉JAL，大板關西機場改東京成田機場，我足足摌咗CX兩個鐘佢先幫我肯即時退分同退錢，再即刻幫我換返張成田返香港嘅機票，我諗佢唔幫我做，我會燒咗間CX！最後係黃昏６點幾先日通先confirm到JAL肯幫我哋運毛毛返香港，但佢都未收到black & white 嘅confirmation，要星期三先可以收到。雖然話得，但未收到black & white 嘅confirmation都未可以放心晒，星期二晚仍然忐忑不安...

星期三朝早收到confirmation，放心晒，即刻通知日本農林省改export地點，重新再申請由東京成田機場走，改酒店，改還車地點，改行程...好多好多嘢改！所有嘢攪到出發嗰日嘅下午兩點幾先攪掂晒，真係從未試過咁趕呀！

返屋企沖個涼，執埋少少行李就出發啦～～～

我哋23：30機，8點就到機場啦！