天氣熱嘅日子小朋友要去街真係無乜選舉，我諗除咗游水都唔會有第二樣架啦！
大人怕曬，所以一早就出發！
今日有Ｄ風，坐船時好舒服～
毛毛同Ca仔好少可以咁接近，隻撐雞妹成日吠Ca仔架！
難得嘅合照呀！
今日天文台話有32度，不過Ｄ水好冰涼，Ca爸話要做夠warm up先落得水喎！
Uncle Ca，你得未呢？我等咗你好耐啦....
毛毛：媽媽放手啦，我要自己游呀！
毛毛：走甩咗，C都唔出返去呀！
毛毛：不過媽媽會上岸捉返我出去呢....
歡歡努力瘦身中！
毛毛：我最鍾意坐艇！
毛毛：喂，你哋俾心機游呀，游快Ｄ，唔好偷懶！
今日Ｄ水好清，我企係水度連我對拖鞋都睇得好清楚～～～
小朋友喺時間繼續努力啦～～～
歡歡：仲唔輪到我坐艇！
CoCo，最乖，自己都肯游！
半場休息時間，我哋就係Ｄ小朋友嘅浮台！
Ca仔追爸爸！
有兩個大嬸一個大叔無落水，乾曬！
原來Ca爸Ｄ肌肉咁勁架，唔怪之佢要除衫啦！
你係邊位呀？
Ca仔：爸爸走啦，你仲出去玩，我唔等你架啦！
游到12點走人去沖涼啦！
要去旅行當然要攞咗身份証先啦！多謝粒珠(^з^)
我好鍾意毛毛張身份証個區旗，如果我張都係咁就好啦！
有興趣嘅去呢度睇啦～～～
http://hk.user.auctions.yahoo.com/hk/booth/mboxgroup?userID=mboxgroup&u=:mboxgroup&clf=3
話說呢排MOS班街坊興玩食住家飯，我雖然係"無飯煮婦"，但我係MOS嘅一份子當然都要參與啦！
星期六，一早開始準備１４人７狗嘅晚餐，大家又估吓一個"無飯煮婦"點煮咁多人嘅飯呢....?????
。
。
。
。
。
。
。
。
答案係食日本菜，因為日本菜大部份都係食生嘅嘢！
今晚餐單：
各式鮮榨果汁
餐酒 ﹣柚子小町
南瓜湯
羅馬生菜沙律配那須汁
黃椒柚子沙律配醬油檸檬汁
冷稻庭烏冬配芝麻醬/烏冬醬油
新鮮魚生
花雕醉雞（creamy ma提供食譜及醬汁)
腥魚+"嬸嬸"飯
芝麻特飲(甜品)
Coffee & Tea
今晚用嘅各款醬汁&餐飲
南瓜湯＆芝麻特飲嘅用料～～
呢Ｄ係小朋友食品，蒸嗰陣，毛毛睇到實，驚Ｃ我偷食咁！
各街坊開始到啦！小朋友開餐先～～～
我就好忙碌咁整緊嘢食，為咗記低呢個歷史時刻，我就叫咗毛爸幫我影抵Ｄ嘢食嘅相，等我得閒都可以回味吓，點知到人去樓空嘅時候我攞架相機嚟睇嘅時候，得上面同下面呢兩張相咁大把，其他咩都無影，真係激Ｃ人呀！
總括嚟講今次算好成功咁完成咗一餐飯，創咗歷史記錄！
你哋睇成煲"嬸嬸"飯清晒，而且無食到班街坊肚痾呀！
好開心嘅一個晚上，期待下一站。。。Ca家站！
我係一個好好好...鍾意去旅行嘅人，由一開始出嚟做嘢，自己識揾錢就開始去旅行，最初去旅行好鍾意去d好遠嘅地方，因為唔多機會出門，一出去當然想去遠ｄ，睇多ｄ嘢啦！到近幾年，年紀開始大先喜歡去日本同曼谷～
歐洲就係我當年不二之選，而瑞士同意大利更加係令我瘋狂嘅地方，另外東歐嘅布拉格都係令我念念不忘....
就係咁，一有假期我同毛爸就會出走歐洲，年年如是，直至有一次我喺瑞士坐火車時發現對窗口外面嘅風景已經再提唔起興趣，就同毛爸講短期內我唔想再嚟歐洲啦，就係咁我哋已經７年無踏足過歐洲～
當年喺歐洲坐火車成日都會遇到ｄ帶埋狗狗一齊坐車嘅人，佢哋人同狗上車都好自然，主人揾到位坐抵，狗狗就會自己坐去座椅底或者旁邊，一切都好自然，好似狗狗可以坐車係理所當然咁，遇著呢ｄ咁好機會我一定唔放過，喺狗狗旁邊你一定揾到我！
你哋都知道我鍾意帶毛毛去旅行，其實一開始我係諗住同毛毛去歐洲，可以喺瑞士嘅草原上奔跑、喺萊苬河上睇日落、坐住馬車去遊城堡、喺寧靜嘅國王湖湖中心度聽船長嘅喇叭聲...你話幾咁好呢...不過一直因為十幾個鐘頭嘅機程令我同毛爸卻步，真係唔放心一個毛小孩，自己一個喺牲口艙渡過十幾個鐘頭，所以最後我哋選擇咗去日本，放棄咗歐洲！
隨住毛毛去旅行嘅經驗多咗，而我哋又諗到方法可以令毛毛唔使十幾個鐘頭自己喺牲口艙，兩程長程機都可以同我哋一齊坐，我同毛爸決定帶毛毛衝出亞洲，向歐洲出發！
今次我哋揀嘅目的地係德國，今次好好彩有歡家同我哋一齊傻！
而家我哋都係喺起步階段，有ｄ細節嘢，我會喺跟住嘅網誌上再詳細解釋～
放假悶悶地諗住帶毛毛去彭福玩吓啦，點知晨早去都熱到C，個個小朋友都唔願跑，最後都係坐多過玩！
全部小朋友都係得一個表情架咋！
我哋仲撞到好耐無見嘅小吉，都係同一個表情架！
大部分時間都係坐～
又或者派吓嘢食咁啦～
CoCo最叻，跳咗落水玩，爽晒！
不過俾人發現後就無得自由行啦！
以後咁熱都係留喺屋企嘆冷氣或者去游水好啦，彭福都係秋天再見啦！
