我係一個好好好...鍾意去旅行嘅人，由一開始出嚟做嘢，自己識揾錢就開始去旅行，最初去旅行好鍾意去d好遠嘅地方，因為唔多機會出門，一出去當然想去遠ｄ，睇多ｄ嘢啦！到近幾年，年紀開始大先喜歡去日本同曼谷～
歐洲就係我當年不二之選，而瑞士同意大利更加係令我瘋狂嘅地方，另外東歐嘅布拉格都係令我念念不忘....
就係咁，一有假期我同毛爸就會出走歐洲，年年如是，直至有一次我喺瑞士坐火車時發現對窗口外面嘅風景已經再提唔起興趣，就同毛爸講短期內我唔想再嚟歐洲啦，就係咁我哋已經７年無踏足過歐洲～
當年喺歐洲坐火車成日都會遇到ｄ帶埋狗狗一齊坐車嘅人，佢哋人同狗上車都好自然，主人揾到位坐抵，狗狗就會自己坐去座椅底或者旁邊，一切都好自然，好似狗狗可以坐車係理所當然咁，遇著呢ｄ咁好機會我一定唔放過，喺狗狗旁邊你一定揾到我！
你哋都知道我鍾意帶毛毛去旅行，其實一開始我係諗住同毛毛去歐洲，可以喺瑞士嘅草原上奔跑、喺萊苬河上睇日落、坐住馬車去遊城堡、喺寧靜嘅國王湖湖中心度聽船長嘅喇叭聲...你話幾咁好呢...不過一直因為十幾個鐘頭嘅機程令我同毛爸卻步，真係唔放心一個毛小孩，自己一個喺牲口艙渡過十幾個鐘頭，所以最後我哋選擇咗去日本，放棄咗歐洲！
隨住毛毛去旅行嘅經驗多咗，而我哋又諗到方法可以令毛毛唔使十幾個鐘頭自己喺牲口艙，兩程長程機都可以同我哋一齊坐，我同毛爸決定帶毛毛衝出亞洲，向歐洲出發！
今次我哋揀嘅目的地係德國，今次好好彩有歡家同我哋一齊傻！
而家我哋都係喺起步階段，有ｄ細節嘢，我會喺跟住嘅網誌上再詳細解釋～
毛毛、可能係HK去左最多要座飛機旅行的狗狗。うれしい。
回覆刪除[版主回覆05/11/2011 10:42:00]梗係唔係啦，有其他blog友，好似Chanti咁都已經去過歐洲同日本架啦，我都係問佢哋攞料架！
毛毛歡歡衝出亞洲! YEAH!!!!
回覆刪除仲要日本+德國真係羨慕呀! 打算幾時去?
我都為九月尾個北海道之旅努力緊, 大家都加油啦!
[版主回覆05/11/2011 10:52:00]諗咗咁多年終於坐言起行啦！
應該今年十月去，秋天對小狗巳嚟講會舒服Ｄ麻～
係呀，我哋一齊努力吖！
好羡慕......
回覆刪除[版主回覆05/11/2011 10:49:00]希望成功啦！
但點可以同你地一齊坐呀..我好羨慕毛毛呀~
回覆刪除[版主回覆05/11/2011 10:59:00]本身去程毛毛佢哋係可以坐客艙架，不過回程香港政府唔俾，咁我哋就由德國飛日本，德國同日本政府都係俾狗狗可以當手提行李咁帶上機，不過有重量限制，每間航空公司都唔同，而德航就係連袋計８kg，去到日本我哋就會用貨運方式咁運佢哋返嚟，咁就唔洗咁長時間一個毛小孩自己喺牲口艙啦！又可以順便玩埋日本，不過Ｄ手續就超煩囉！
係喎,我都想知點可以一起坐呢?
回覆刪除[版主回覆05/11/2011 10:59:00]本身去程毛毛佢哋係可以坐客艙架，不過回程香港政府唔俾，咁我哋就由德國飛日本，德國同日本政府都係俾狗狗可以當手提行李咁帶上機，不過有重量限制，每間航空公司都唔同，而德航就係連袋計８kg，去到日本我哋就會用貨運方式咁運佢哋返嚟，咁就唔洗咁長時間一個毛小孩自己喺牲口艙啦！又可以順便玩埋日本，不過Ｄ手續就超煩囉！
日本+德國咁勁？
回覆刪除[版主回覆05/11/2011 11:05:00]日本係為咗可以同毛毛一齊坐客艙而加，不過咁會令到Ｄ手續煩好多囉！
可惜泰臣太重, 坐唔到客艙..... 坐十幾個鐘... 歐遊要再諗諗.....
回覆刪除希望 毛毛同歡歡德國+日本之行順順利利呀!!!
[版主回覆05/12/2011 12:39:00]我有Ｄ大狗朋友都你因為呢個問題今次唔同我哋一齊去，真係想中今期六合彩，包架機同晒Ｄ大細狗朋友一齊去！
Thanks 泰臣!
好羨慕毛毛呀!! 我都想同小寶一齊坐客艙呀!!
回覆刪除[版主回覆05/12/2011 12:40:00]小寶咁細隻，坐客艙一定無問題啦！
嘩! 真係羨慕毛毛喇, 今次衝出亞洲!
回覆刪除為左同毛毛一齊坐, 真係要多d功夫! 祝你地一切順順利利呀!
[版主回覆05/12/2011 12:44:00]為左同毛毛一齊坐，真係攪到一都癲呀！
德文真係好煩架，睇Ｄ德文網頁時，我覺得自己好似文盲咁呀，又唔識讀，又唔識解！
支持支持, 日本地震後都諗過同狗地去歐洲, 不過因為機程長打消左念頭, 而且我家小孩很大隻, 坐客艙應該無可能了, 所以好希望你去得成, 衝出亞洲, 而我地就繼續九月日本之旅, 唔知仲有無其他家長係計劃中呢 ?
回覆刪除仲有毛毛媽你有無考慮整個狗狗去旅行的討論區呢, 等一班家長可以交流下.
[版主回覆05/12/2011 12:52:00]＂機程長＂真係去歐洲嘅死穴，我都係因為咁，諗咗咁耐，仲要做多幾倍嘅工作先可以去得成！真係想中今期六合彩，包架機同晒Ｄ大細狗朋友一齊去！
我係電腦白痴，邊識整討論區呀，我見你ＧorGor相認咗啦，希望你哋都可以順順利利成行啦！
見到毛毛要冲出亞洲去德國，真係興奮到成個狗彈起呀！
回覆刪除德國重要係歡歡嘅袓家添，真係好羨慕呀！
[版主回覆05/12/2011 12:54:00]福福同如如好細心呀，我哋今次同歡歡返去尋根呀！
毛毛, 我好羨慕你.
回覆刪除[版主回覆05/12/2011 12:55:00]點解個個都羨慕毛毛，無人羨慕我有毛毛陪住去旅行嘅！
嘩,,好利害呀..真羨慕同替毛毛開心..我要再努努力力先得...
回覆刪除[版主回覆05/12/2011 13:57:00]好呀，大家一齊努力！
『到方法可以令毛毛唔使十幾個鐘頭自己喺牲口艙，兩程長程機都可以同我哋一齊坐』... 呢個係我的夢想呀!!
回覆刪除[版主回覆05/12/2011 13:58:00]而家解決咗，咁你幾時出發呢？
咁即係去程直飛德國, 回程就德國VIA JP返港呀? 我淨係睇狗狗去日本既手續都頭暈~ 毛毛媽你真厲害! 預計幾多月出發(秋天風格一流呀)?
回覆刪除[版主回覆05/12/2011 14:26:00]係呀！希望成功啦！
日本嘅手續雖然多，但佢係最清楚易明嘅國家，歐洲Ｄ出入境資料好混亂，又唔confirm，真係睇到你火都嚟埋架！
如無意外希望十月出發！
Ｈifen你又準備幾時出發呀？
好羡慕.......我都好想同妈咪一齐去旅游啊，可惜次次都系狗酒店等妈咪返来，唉！
回覆刪除[版主回覆05/12/2011 14:28:00]大快活咁你要俾Ｄ壓力媽咪啦！
嘩!! 太過份啦!! 邊有咁精彩架!!!!!!!
回覆刪除[版主回覆05/12/2011 14:28:00]都未去，你又知精彩！
Lulu的提議都唔錯. 毛毛媽, 你可以試下係facebook開個專頁, 就可以開到個討論區架啦!
回覆刪除https://www.facebook.com/#!/help/?faq=12809&tq
https://www.facebook.com/help/?page=904
[版主回覆05/13/2011 10:16:00]其實我最怕人多口雜，我見好多時Ｄ討論區都會因為意見唔同而鬧交，況且我對帶狗狗去旅行嘅嘢係好執著，但有Ｄ人未必係咁諗，為免麻煩都係咪啦...
睇咗你個毛毛歐遊記再作打算啦 我屋企有三個, 帶哂去冇可能, 帶一個又會偏心 (一定會係細豆 ) 好彩平時去旅行有嫲嫲睇住, 玩得好放心
回覆刪除[版主回覆05/13/2011 10:30:00]有排等喎！
我哋都係好好彩，如果去旅行唔帶毛毛，佢都有嫲嫲湊！
超級正正正正正正正正正呀!!!!!!!!!!
回覆刪除我都好想可以帶粒粒珠珠去呀!!!!!!!!!!! 不過可惜................................................................ 我唯有睇你同毛毛去來止渴喇!
[版主回覆05/13/2011 10:32:00]小朋友健康當然係放第一位啦！
但仲有排先有得睇喎！
肥歡努力緊，我地都要加油呀！
回覆刪除[版主回覆05/13/2011 10:33:00]歡歡最乖，辛苦晒歡爸！
下次又可以請教你地D住宿喇!!
回覆刪除[版主回覆05/16/2011 10:47:00]你哋都諗住去歐洲呀?
自從日本出事後便打算明年去英國, 點知撞arm 奧運,問左幾個地方都無房 or 唔比狗入住, 你地係用邊個網搵酒店ga 呢 ?? 不過而家唸緊明年去北海道, 你地係住邊間酒店呢, 可否給我一些資料, 我覺得酒店係好重要的一環^^ ( 歐州係咪個個地方都不用隔離呢,我地睇過英國唔駛, 你知道Holland可以嗎 ?? 澳州都睇過好似要隔離 >.<) 真係一頭煙
回覆刪除[版主回覆05/16/2011 16:05:00]英國如果我無記錯，應該俾唔俾狗狗坐客艙，所以第一程香港去英國都要坐牲口艙喎！
歐州酒店可以喺 www.booking.com 度搵，佢有個function可以limite你個search result by pet allowed 好方便架！
北海道酒店如下（札幌市住嗰間已經執咗，所以無俾你）：
ニセコひらふレンタルコテージ泉郷（いずみきょう）= Izumikyo’s cottages
http://www.izumikyo.co.jp/rental/english/eindex.html
〒044-0081 北海道虻田郡倶知安町字山田132番地 泉郷管理センター
Tel : 0136-23-3301
HAKODATE 男爵倶楽部 HOTEL&RESORTS
http://www.danshaku-club.com
〒040-0064 北海道函館市大手町22-10
Tel : 0138-21-1111
TO-YA ONSEN HOTEL
http://www.toyako.jp/
〒049-5721 北海道虻田郡洞爺湖町洞爺湖温泉 6
Tel : 0142-75-2222
歐州應該係個個地方都不用隔離，不過Area 1嘅地區出入境會手續會比較嚴Ｄ同要多Ｄ健康証明，好似驗血報告咁～
to 忌廉媽,
回覆刪除去英國佢地好似有特定既route 同埋指定既航空公司 (不過CX應該包括在內), 唔似歐盟國家咁簡易.... 呢個應該幫到你. http://www.defra.gov.uk/wildlife-pets/pets/travel/pets/
去澳洲一定要隔離, 所以我地想帶泰臣返澳洲旅遊都無可能... :(
泰臣媽 :)
[版主回覆05/17/2011 15:10:00]我都補返少少資料，英國真係要用cargo出入境架，唔可以坐客艙！我諗香港都係因為跟英國Ｄ條例，所以唔俾狗狗坐客艙～
http://www.baworldcargo.com/products/liveanimals.shtml?site=/products/liveanimals.shtml#3
冲出亞洲 . 咁下次 嚟 唔 嚟我度呀?
回覆刪除[版主回覆05/18/2011 09:39:00]我都想呀,而且我都有諗過去探你架,因為今次我哋會去Konigssee (國王湖),有部份車程係喺奧地利境內架,唔check唔知,原來由維也納到薩爾茨堡係咁遠架!所以放棄咗~~~
希望兩隻小鬼表現良好,可以有下次啦!
死人英國佬,攪到肥歡要坐牲口艙
回覆刪除[版主回覆05/18/2011 09:50:00]呢個都係我估架咋,不過可能性好高!!!
我send左個email問Toyota, 想打算問睇下可唔可以帶埋小狗上佢地d shuttle bus拎車, 佢地答我話可以, 但要入一個70x90x75cm的container入面, 同埋就算租佢地d車都係一樣要放係個container入面同事前通知佢地帶狗wor!!!
回覆刪除係唔係一直都係有咁的policy ga?
[版主回覆05/18/2011 09:47:00]一百個%事實,而且只係容許你帶10kg以下嘅狗狗!!!
我哋通常分兩批人,一批人去攞車,一批人睇狗同行李,攞咗車再返機場接狗,無人會知你有無帶狗,而且車都揸走咗囉,邊個知你有無入container吖,不過還車前記得清潔返個車廂俾人哋,大家好做,如果唔係俾佢發現會罰20,000日圓清潔費架!
Thx毛毛媽! 因為我地得2丁友...所以諗住睇下坐唔坐得佢地d shuttle....而家都係打算到時我係機場等, 老公去拎車.
回覆刪除另外我想問, 咁AQS, MAFF北海道出張所門口可唔可以停到車ga? 停都的話我諗我會係果度等.
[版主回覆05/18/2011 10:25:00]AQS, MAFF北海道出張所門口可以停到車，GPS入返AQS, MAFF個電話就OK，我哋都係喺嗰到等!!
記得叫你老公最少攞一件行李去攞車，唔好兩手fing fing咁，如果唔係佢哋會懷疑架！
好彩你提一提, 唔係佢實兩手fing fing去攞車架啦!
回覆刪除尋日已經sent左email申請入境, 而家等緊回覆...真係好緊張呀!
[版主回覆05/18/2011 11:03:00]小心Ｄ好！
幾日應該有回覆架啦！
毛毛媽, 我想問個問題~ 係狗地嘅大小問題 , 響日本唔會見到遍地金黃, 更加唔會有臭味, 到底去到日本你地係點處理大小二事呢?
回覆刪除我唔想去到比日本人覺得香港狗無家教,失禮就唔好啦~
[版主回覆05/24/2011 10:44:00]我諗你都知喺日本揾垃圾桶係唔容易架啦，所以佢哋好多時都係用Ｄ執Ｃ袋，執Ｃ外裡面嗰層多數係用廁紙做，裡面係膠袋，執咗Ｃ，反轉個袋袋好，見到廁所就可以連C同廁紙一齊掉去廁所沖咗佢，膠袋掉垃圾桶，唔好一齊掉晒去垃圾桶，佢哋唔會咁做架！
如果Ｄ狗痾濕咗地下，佢哋會用尿片吸返乾Ｄ尿，同香港沖水唔同！
我想問問，之前去日本有冇揾定附近的寵物診所？我怕狗狗途中有咩頭暈身熱唔知點算，我有咁諗法，因為米米之前病，我即刻諗如果在日本點算好呢！
回覆刪除[版主回覆06/17/2011 12:23:00]第一次我都有揾定，之後就無啦，酒店通常都有呢Ｄ資料，唔使擔心！
毛媽, 你們幾時出發呀 ? 我和老公決定再次辦理日本手續帶廉土去大阪呀 !! 希望今次順順利利 . 因為第一次帶小朋友出們, 總有點緊張喔!!
回覆刪除有事想再了解清楚,希望你可以提點一下:
１.我已收到大阪的入口Permit,但佢提我香港入口時要一份有關"混合疫苗"的資料,這是什麼呢? 這張表格是否在申請回港入口permit時會夾埋比我給日本填呢(我打去HK 漁農處問, 佢話會連同入口PERMIT 時會有張FORM 給 日本獸醫 填寫及加簽) ** 我須要在 日本找獸醫OR 在日本農林辦事處會有獸醫加簽呢 ????
2. 另外日本 FORM A & FORM C1-3 , 是不是在出發前給香港獸醫加簽的表格呢?? (然後再到HK漁農處加簽那張呢?) FORM C 1-3 是只填(狂犬病資料,是否須要填寫香港針咭其他針的資料嗎?)
3. 日通報價是不是要連同JAPAN & HK PERMIT 一同EMAIL 給他們才會報價, 我已填妥ORDER FORM 給他們有一星期多, 完全無回音呢???
請給我一些提點~THANK MO MAMA
[版主回覆06/28/2011 20:25:00]我哋十月去呀！我都預祝你哋一切都 順順利利～ 2. 係，出發前48小時內， FORM C 1-3需要全部填晒！ １.我已收到大阪的入口Permit,但佢提我香港入口時要一份有關"混合疫苗"的資料,這是什麼呢? 這張表格是否在申請回港入口permit時會夾埋比我給日本填呢(我打去HK 漁農處問, 佢話會連同入口PERMIT 時會有張FORM 給 日本獸醫 填寫及加簽) ** 我須要在 日本找獸醫OR 在日本農林辦事處會有獸醫加簽呢 ???? 毛毛 媽：應該唔係，你哋D狗狗係咪由而家到出發前有混合針要打呢，如果係應該有張日本嘅 Modification on notification form(For dogs and cats ）（http://www.maff.go.jp/aqs/english/animal/dog/pdf/modnotification.pdf ） 要填返俾日本，而 HK 漁農處講嗰張應該係返香港用嘅Health cert. 2. 另外日本 FORM A & FORM C1-3 , 是不是在出發前給香港獸醫加簽的表格呢?? (然後再到HK漁農處加簽那張呢?) 毛毛 媽： 係，出發前48小時內，如果你星期三出發，就星期一攞去 獸醫加簽，然後再到HK漁農處加簽，星期二去漁農處取回 ～ FORM C 1-3 是只填(狂犬病資料,是否須要填寫香港針咭其他針的資料嗎?) 毛毛 媽：from C1-3 要全部填晒，填好可以email俾日本農林省幫你check吓有無填錯～ 3. 日通報價是不是要連同JAPAN & HK PERMIT 一同EMAIL 給他們才會報價, 我已填妥ORDER FORM 給他們有一星期多, 完全無回音呢??? 毛毛 媽： 唔一定要HK permit, 我上次都等咗佢哋8日先覆，你可以追吓佢哋~~ 我而家唔喺香港，item 1其實有D覆雜，我諗電話講可能清楚D，你係咪用iphone, 如果係有無裝tango or viber, 你可以pm你個電話俾我，我打俾你再傾啦！
我想問total要幾多錢啊同埋d小朋友去?
回覆刪除[版主回覆07/23/2011 17:44:00]好難講，要睇吓你去邊處，住咩酒店，狗狗幾重，籠幾大，坐咩機，租咩車，香港用邊個獸醫，仲有好多好多因數會影響個價錢架！
真係好開心呀, 我都好想同LANA去旅行..不過佢咁大隻我諗無你地咁方便啦.
回覆刪除[版主回覆12/22/2011 12:05:10]去到外國大狗多過細狗，唔會麻煩同唔方便，外國人都習慣咗同大狗相處，最唔捨得其實係十幾個鍾嘅機程！