玩轉橋咀島

今日陽光普照，最好嘅活動梗係游水啦，媽咪唔知係咪年紀大咗呢，呢排都好肯早起身喎！今朝約咗一班MOS嘅狗朋友去橋咀島游水水，８點半喺樓下出發，９點去到西貢，班大人又話要醫肚先喎，你哋快手ｄ啦，我哋ｄ趕住去游水呀！

Oh!佢哋終於都食完啦，細毛爸好似仲開心過我哋ｄ小朋友喎！

細毛媽都唔輸蝕，我又嚟搶鏡先！

落船啦，媽咪你抱實ｄ我呀！

Daddy本來喺天津做嘢，好在早咗完成，今日先陪到我去游水咋！

星媽&So So，係星媽嘅嚴厲教導之下，SoSo乖咗好多呀！    

上岸啦！　　　

等我浸吓水降溫先，今日ｄ水好清呀！

你哋睇吓，個個阿媽都好似有仔／女萬事足咁款！

我哋ｄ泳姿都幾優美架！

CoCo出嚟游水啦，做咩成日痴住媽咪呀？

CoCo咁嘆嘅背後，係．．．．．．

有一個偉大嘅媽媽囉！

Ca爸同Ca仔游到無晒氣要上岸回氣啦！

細毛你哋張全家福好靚喎，等我又嚟做吓”攝石狗”先！

嘩，媽咪呢度好深水，你抱實ｄ呀！

兩個又白又滑嘅背脊，你話邊個滑ｄ呢？

SoSo原來係魔鬼化身嚟架，你睇吓佢對魔鬼之耳！

SoSo 你收埋對魔鬼之耳我哋都認你架，唔使收啦！

超載啦，仲迫上嚟！

呢架艇只可以坐兩隻狗架咋～～～

CoCo走啦，你重游出海，我唔等你架啦！　　　

最後嚟張大合照先！

＊＊＊部分靚相係喺細毛度借架＊＊＊

三早的一天：起早身，飲早茶，游早水！

呢排太陽伯伯超勤力，日日都出盡力曬曬曬，我哋ｄ怕熱嘅小朋友就真係慘，無街去悶死狗咩！咁唯有我哋又勤力ｄ，早過太陽伯伯出動啦，７點半出發，未夠８點已經到咗西貢！　　　

媽咪你肯咁早起身陪我游水，咁我就陪你飲茶先啦！

Daddy我想食馬拉糕！

飲完茶，都未去海灘，媽咪已經揾水淋到我濕晒，好涼爽呀！

行得未呀，你哋可唔可以快ｄ！

本來我哋諗住去橋咀島游水架，不過今朝打風，Daddy媽咪驚大浪，所以都係喺西貢游算啦，下次再去橋咀島啦！

１０點半已經返到屋企沖涼，好攰呀！

媽咪我瞓先，你記得幫我洗好ｄ毛巾同救生衣先好瞓呀！

MOS One + One Bar Birthday Party

星期日一班MOS街坊一齊去沙田帝都 one+one bar 開狗狗生日會，呢度地方幾大架，嗰日雖然落雨，但一班小朋友玩得特別開心，個個玩到成身濕晒，班家長返去有排做啦！

今日我哋包咗場，所以呢個咁大嘅場地就係我哋小朋友嘅樂園啦！

大人嘅嘢食都唔錯！

小朋友嘢食都有專人負責準備架！

歡爸，歡媽嘅焗肉乾同肉丸～～～

CoCo媽整嘅雞肉串～～～

以上ｄ嘢全部都好好食，唔該晒ee同uncle準備ｄ咁好味嘅食物俾我哋呀！

咁多相機，影咩呀？有明星到啦？

原來切蛋糕啦，個蛋糕係帝都送架！

Mocha : 影完未呀，一陣我要快過金菇搶到塊最大嘅蛋糕！

玩咗３個鍾已經好攰，返屋企又要榼一陣先！

2009 北海道休閒之旅 - Day 5

夕張 → 新千歲 → 香港

今日得一個行程就係去白老町食海鮮啦，早餐又包場，個早餐好多嘢食，不過唔可以食咁多，因為仲有餐正嘅嚟緊！

呢間酒店好大好正，我諗冬天應該好多人嚟住，因為佢旁邊有個滑雪場，嚟滑雪好方便！　　　　　　

今次係我哋第３次嚟北海道，而每次嚟北海道必到嘅一間餐廳就係呢間蟹御殿，由夕張開車去白老町要２小時，買埋夕張蜜瓜就出發去食海鮮啦！

"蟹御殿"(TEL 0144-87-3887)

好好好好味呢，下次我會再嚟架！

因為毛家上上下下十幾人個個都鍾意食，今朝總共買咗11個夕張蜜瓜返香港，用兩個細唿帶埋上機，唔寄艙，費事爛咗唔抵呀，辛苦ｄ就辛苦ｄ啦，最緊要大家食得開心！　　　　

一個小時車就去到Toyota還車，4點幾就搭機返香港啦，話咁快就５日啦！SAPPORO/CHITOSE → HONG KONG CX 581 (1640-2050) 05HRS 10MINS