夕張 → 新千歲 → 香港
今日得一個行程就係去白老町食海鮮啦，早餐又包場，個早餐好多嘢食，不過唔可以食咁多，因為仲有餐正嘅嚟緊！
呢間酒店好大好正，我諗冬天應該好多人嚟住，因為佢旁邊有個滑雪場，嚟滑雪好方便！ 
今次係我哋第３次嚟北海道，而每次嚟北海道必到嘅一間餐廳就係呢間蟹御殿，由夕張開車去白老町要２小時，買埋夕張蜜瓜就出發去食海鮮啦！
"蟹御殿"(TEL 0144-87-3887)
好好好好味呢，下次我會再嚟架！
因為毛家上上下下十幾人個個都鍾意食，今朝總共買咗11個夕張蜜瓜返香港，用兩個細唿帶埋上機，唔寄艙，費事爛咗唔抵呀，辛苦ｄ就辛苦ｄ啦，最緊要大家食得開心！ 
一個小時車就去到Toyota還車，4點幾就搭機返香港啦，話咁快就５日啦！SAPPORO/CHITOSE → HONG KONG CX 581 (1640-2050) 05HRS 10MINS
11個蜜瓜 hand carry, 有無咁誇張呀? haha 終於衝返黎香港嘞!
回覆刪除[版主回覆07/05/2009 21:34:00]有相為証架，無計啦，個個都鍾意食，買少ｄ都唔夠分呀！ 返嚟啦，再唔返嚟就俾人炒魷魚啦！
11個メロー係咪俾毛毛當波玩.
回覆刪除[版主回覆07/08/2009 18:37:00]佢有咁多手信，唔得閒理我ｄ蜜瓜啦！
嘩 ~ " 蟹御殿 "正呀！
回覆刪除原來 ee去完旅行返咗黎嗱... 我今日收到你份手信喇，多謝晒你地呀！
[版主回覆07/08/2009 18:41:00]上次同你哋一齊去食得多ｄ呀，兩個人，唔可以叫咁多款！
毛毛都收到你送嘅生日禮物啦，而家放咗係梳化俾毛毛瞓覺用，多謝晒呀！
11 melon....... taste of the melo is really sweat there.
回覆刪除[版主回覆07/08/2009 18:44:00]難得經過夕張，而且係蜜瓜季節，１１個都覺得買少咗！
多謝你的手信食物.........幾時過黎探我......好耐無見呀............好掛住你地呀......
回覆刪除[版主回覆07/08/2009 18:47:00]唔使客氣，好快啦，要過嚟恭喜你呀！
11個蜜瓜．．．．．．．．．．．真犀利呀！仲HAND CARRY添．
回覆刪除[版主回覆07/08/2009 18:48:00]咁好味嘅嘢，爛咗就唔抵啦！
海膽 I love you !
回覆刪除[版主回覆07/08/2009 18:49:00]你都好快有得食啦！
睇完妳D相, 我都好想去果度食野呀~~
回覆刪除[版主回覆07/08/2009 18:51:00]日本ｄ嘢真係好好食，如果我喺日本住，一定係３百磅嘅大肥婆！
早陣子妳不是去完泰國? oh. 再黎北海道? 正啊.................
回覆刪除[版主回覆07/25/2009 11:37:00]日本同泰國係我嘅最愛呀，年年都要去過先安落！
嘩.....個海鮮餐, 好得呀
回覆刪除下次我一定要黎食.......
[版主回覆09/12/2009 09:08:00]我哋去咗3次北海道，呢度就去足３次，非常重要景點嚟架！