星期日我兩個小表妹嚟游水,佢哋一個5歲,一個3歲都係好得意同靚女,
最衰我唔可以同佢哋一齊落去泳水水啦,如果無係佢哋笑得仲開心D吖!
2008年6月15日 星期日
更正啟事
由於校對上有點誤差，請各位買了我這本書的朋友留意以下的更正，非常抱歉出現以下的誤差，小妹經驗尚淺，懇請各位多多包涵!
P.19 最後一行應為 "出發前7天"，不是"70天"。
P.25 第一段應為
在香港帶狗狗出門旅遊，待遇當然不比別處好。以台灣為例，他們在2006年成立了一家專為狗主和狗狗而設的旅行社，供狗主組團與狗狗同遊，驗血程序也比香港簡單得多。香港也有航空公司準許狗狗在機艙與狗主同處，但狗狗加飛機籠的重量必須在7kg以內，但狗狗在機艙裡是不可以放出來及必須全程帶上口罩,雖然可在機艙與狗主同處，但其實也很辛苦!而且只限香港去程,回程一定要到牲口艙。
P.144 綠色大標題應為"出發前120天"，不是"90天"。
P.145 綠色大標題應為"出發前90天"，不是"120天"。
P.151 最下的一行紅色大標題應為"預約申請出境檢疫"。
http://clickpresshk.wordpress.com/校勘/
2008年6月14日 星期六
2008年6月10日 星期二
遲來的龍舟水 + 早到的父親節
好嘢今朝早一起身就見到太陽伯伯,咁我今日咪有街街去囉!
媽媽話中午驚太熱,所以等到差唔多3點先出發,第一站梗係去游返轉龍舟水啦,雖然遲咗一日,唔緊要啦,最緊要係有得玩吖嘛!
媽媽你可以開始數啦,我準備好啦,你話go我就跳落去架啦!
我d泳姿係咪好優美呢?
今日仲見到其他小朋友嚟游水呀,不過佢哋D豆咪對佢哋好有信心架,一二三就掉晒D狗狗落水,d狗狗唔識游都係咁掉落水喎!
不過由得佢哋扒一陣就真係識得游返池邊喎,跟住仲自己跳落水玩添!好彩媽媽唔係咁教我游水咋!
游完水,我哋就約咗爺爺,公公同東舅父一齊去元朗泰屋食飯提早慶祝父親節~~
我最鍾意嘅炭燒大蝦,今日好好彩我哋9個人1隻狗叫咗5隻蝦,所以狗哋可以分到半邊蝦!
食飽飯仲要入埋元朗市中心嘅泛后甜品,食埋媽媽最鍾意嘅楊技金露先返屋企,好滿足嘅一日!
2008年6月8日 星期日
都無得去街街,跑草草同游水水,真係悶屎狗啦!
希望聽日最後一日假期可是好天D啦,等我可以去玩返一日都好吖!
2008年6月6日 星期五
毛毛點點頭，答應和我一起去伊豆
從伊豆回來之後在網上收到眾多網友及身邊朋友有關帶狗狗出國旅行的查詢，而且自己當初找資料時也遇到不少的挫折和困難，就是這些種種的原因，令我決定把我們的經驗寫下來，希望可以幫助有興趣帶狗狗出國旅行的朋友，起步可以比較容易!
這本書記載著我們四人兩狗在伊豆的快樂日子，還有在起程前辦手續的詳細資料和返港的貨運安排，希望可以有更多狗狗可以跟隨主人一起出國旅遊，主人和狗狗再不用為大家牽腸掛肚了!
好幾個月的努力，終於可以看到它面世，興奮的心情實在無法形容!
"毛毛點點頭，答應和我一起去伊豆" 已經在印刷中，大概6月20日會在各大書店有售!
2008年6月1日 星期日
國際兒童節
祝各位小朋友兒童節快樂,希望每個小朋友都身體健康,食得,瞓得又玩得!
係今日呢個咁開心嘅日子裡面,我收到小j姐姐專程係日本買返嚟送俾我嘅禮物,係一件吞拿魚壽司,其實有兩個味道架,小吉話佢腸胃唔好,要個熟蝦壽司喎!
我咁鍾意食生嘢,吞拿魚壽司就最啱我啦!多謝晒你呀小j姐姐,去旅行都咁掛住我哋! 
媽媽影完未呀?我等咗好耐啦喎!
o.k.啦,咁等我欣賞吓件壽司嘅香味先!
再試吓D飯飯係唔係日本米煮嘅先~~~
件吞拿魚又幾新鮮喎!
咁好味嘅嘢都係收埋慢慢食,收係邊度好呢?
梳化背都好喎~~~
都係唔好,收埋係個肚度最安全,都係食咗先啦!
呢D係小j姐姐送俾我豆咪嘅手信,都好鬼靚架,不過梗係唔夠我嗰份咁靚啦!
訂閱：
文章 (Atom)