唔經唔覺2012年已經過咗差唔多四分一，呢兩個幾月可以話又忙又懶，係呀，又忙又懶，因為好鬼忙，所以一有時間就偷懶，咁就冷落咗個blog囉
今年有幾件事要完成，希望所有事情都可以順順利利！
首先係關於毛毛嘅：
1. 毛毛今年秋天會踏足美洲，手續已經著手辦緊啦～
2. 毛毛－寵物遊學系列02準備中，希望下半年可以同大家見面～
跟住就係關於毛爸＆毛媽：
2013年2月係毛爸同毛媽結婚廿週年嘅日子，我哋揀咗我哋最鍾意嘅活動去慶祝，咁關2012年咩事呢？因為我哋準備去玻利維亞同南極，兩個地方都唔係話去就去，今年一月我哋已經著手準備呢個結婚廿週年之旅，尤其是玻利維亞，入唔入到境係好講彩數，睇嗰日個官點睇你本passport，佢當你係英國人就入得，當你係中國人就走得，所以祝我哋好運啦！仲有要睇到玻利維亞嘅天空之鏡都係要好好彩，希望我同天空之鏡有咁嘅緣分啦！
結婚廿週年?? 你地係咪未成年結婚架???
回覆刪除[版主回覆03/14/2012 23:27:17]咁都俾你估中！
[風神與蘇蘇回覆03/14/2012 23:04:37]可能係指腹為婚
[版主回覆03/14/2012 12:25:10]我都唔係幾相信咁就過咗廿年
仲係一個好溫馨的計劃, 天空之鏡可以自由進入嗎?
回覆刪除[版主回覆03/14/2012 12:28:04]中國人唔可以（揸中國，台灣同特區護照都唔俾入），其他人就可以（有Ｄ要簽證）！
Moma 祝你計劃成功！
回覆刪除[版主回覆03/14/2012 23:23:32]一齊去啦，四個人包車平d！
先預祝你地既20週年結婚紀念旅行大成功!!!
回覆刪除我有睇winifred lai 本'天空之境' 佢都話入玻利維亞驚險萬分呀! 希望你地會睇到天空之境!!!
南極+玻利維亞好似好遙遠... 要去係咪又係成個月架啦?!
仲有... 恭喜毛毛又有得去旅行~~ 毛毛媽真係勞心勞力攪各樣旅行呀!!
[版主回覆03/16/2012 14:51:45]多謝泰臣媽！
要入到玻利維亞真係唔容易，好想去，但又唔敢抱好大希望，已經準備咗萬一入唔到境就改去秘魯睇天空之城....
係呀，要一個月呀，坐飛機來回都成要成個星期呀！
哈哈...毛毛去旅行最好，咩都唔洗理！無計啦，鬼叫我爛玩咩！
真係好期待毛毛再出發去旅行呀!到時要跟貼D你個BLOG 先得.
回覆刪除[版主回覆03/16/2012 14:54:22]9月先去呀，不過我會學你咁勤力Ｄ寫blog，唔再咁懶架啦！
毛毛媽媽, 先預祝恭喜20週年快樂...毛毛又去旅行玩..真羨慕呀..
回覆刪除[版主回覆03/16/2012 15:07:14]多謝晒！
你都努力啦！
go,go,go......buy a new camera, Canon 5D Mark III, haha.........
回覆刪除[版主回覆03/16/2012 16:11:58]Canon 5D Mark III
body + 28-105紅圈鏡 +Speedlite 270EX II閃燈＝HKD$35,960
[版主回覆03/16/2012 15:07:45]
Highly poison blog, be careful.........!!!!
回覆刪除[版主回覆03/16/2012 16:06:31]你中咗毒咁耐，無得救架啦，怕咩呀！
wow 20th year anniversary congratulation
回覆刪除[版主回覆03/26/2012 14:07:32]Thanks Taki ma!!
寵物遊學系列02, 等你.
回覆刪除[版主回覆03/26/2012 14:08:01]好呀！