2012-03-18-22 曼谷 － 食食食

去曼谷真係日日都食唔停，五日之中都無肚餓嘅感覺！

睇吓我哋除咗咖哩蟹仲有Ｄ咩食啦！

Food court 之選，food court係我哋曼谷之旅中絕對唔可以缺少嘅環節～

 

 

下午茶之選：





真係每日飲過先安樂！


呢間係又平又靚又方便又好食之選：　

地點喺SIAM discovery 2/F


地方都好大吓！



８個courses只係499baht，計埋加一都係HK$140

前菜－炒菇，正！

 

沙律：好新鮮，仲去埋皮，無得彈！

鮮什果＋碎蟹柳，好清新嘅組合，當然清碟！

牛肉湯－OK


龍蝦湯，都唔錯！


炸飯糰- 好好味！




蝦仔有味飯，我最like嘅日本飯！


有個serbert俾你清吓個口先食主菜！

 

 

好好咪嘅澳洲牛，仲好大碟，淨係食呢碟都抵啦！

甜品都OK，最好就係唔太甜！

 

 

 

仲有杯餐飲送，真係抵到爛呀！下次一定再嚟！




呢個係上飛機之選，我唔鍾意食飛機餐，所以去要自己準備Ｄ私伙嘢！

2012-03-18-22 曼谷 － 咖哩蟹

今次我哋只係去咗5日，但係就食咗三餐咖哩蟹，你想像到我同毛爸有幾咁愛呢個咖哩蟹呢...

建興係我哋每次去曼谷必定到嘅餐廳，真係唔去過唔安樂架！

食咗咁多年都未試過失手，但今次就真係.........差啦！Ｄ蟹好唔新鮮，Ｄ汁又無味，連咖哩味都無嗰度Ｃ吖麻！


好在叫咗兩碟通菜，我同毛爸一人一碟，都叫食得飽！

椰青就係食泰菜必飲啦！


真係超級失望，仲要嘥咗一個晚餐嘅quota，真激氣！

於是我哋決定去頌通再食多次咖哩蟹，唔食過間好味嘅我唔Ｃ心架！

鵝掌煲又軟又滑，好好味！

咖哩蟹，真係無得頂，贏建興10條街！隻蟹又好肉又新鮮，仲要個咖哩味好得！

燒大蝦，炭火燒，好香！

通菜係必叫




頌通真係正好多，建興以後可以唔去啦！

最後一晚都心思思想去食咖哩蟹，泰國blog友奀仔介紹咗間好地道嘅泰式餐廳俾我哋，於是我哋又去食啦！

餐廳唔係好大，佈置得好泰國feel

先來兩個椰青，奀仔媽咪whatsapp介紹緊我食咩呀，而家有whatspp真係好方便！

生蝦，好甜好好味，我第一次夠膽喺泰國食生蝦咋！

 

今次叫咗咖哩軟殼蟹，唔鍾意食殼嘅朋友就啱晒，啖啖肉，咖哩炒得好香好好食，下次去會再試佢嘅咖哩蟹！

呢間RUENTONG仲好抵食，埋單都係HK$130，真係又平又好食，下次一定再嚟！

雖然RUENTONG唔係喺市中心，不過去都唔係好麻煩～

首先坐BTS去Chong Nonsi (S3)，然後轉BRT（有指示你跟住行就會去到BRT Sathorn站 (B1)）





喺B5 Nara Ram3 站落車




出閘後轉左，樓梯落再轉左，真行一兩分鐘就到，好方便！


食飽走都係坐BRT架！