2011-08-05 零消費遊迪士尼

一個３４度嘅下午，我同毛爸第一次去遊香港迪士尼，香港迪士尼開咗５年，毛爸喺未開前去過幾次做嘢，我就從來無諗住去，仲要係Ｄ咁熱嘅日子去，因為香港迪士尼有我最怕嘅三樣嘢，細路，國內同胞，同埋炎熱嘅天氣，今次點解會去？咪貪小便宜囉！

毛爸公司因業績好，就請Ｄ職員同家屬去迪士尼玩同食buffet，單單係咁樣其實未可以令我克服我三樣最驚嘅嘢，睇埋落去你就知點解架啦！



我哋下午５點幾到咗，不過個太陽仍然係熱辣辣架！


毛爸公司今次超體貼，連Fast Pass都同我哋攞埋！


不出我所料，一入場就見到呢Ｄ咁偉大嘅場面，仲有Ｄ唔出得街嘅相無post出嚟！




跟住我哋就去玩咗有fast pass嘅兩個遊戲～～～

入到場一地垃圾，都預咗架啦！

玩完已經６點半，係時間去搵間皇室宴會廳準備開飯啦！

７點開飯，未夠鐘我哋就入座啦，食呢Ｄ飯一定唔可以遲到，老細講緊嘢時先到就真係醜怪啦！


今晚食buffet，食物款式好多，但味道麻麻地～






哈哈...今次最特別嘅係老細祝酒時係用可樂，唔係用酒，唔怪之一坐底，一人派支可樂先啦！


呢間餐廳都好識做，整咗呢個擺設！

仲有好多卡通公仔喺度同Ｄ人影相！

食飽，９點出返去城堡睇煙花！


睇完散場，留抵最多嘅當然係垃圾啦！


９點放完煙花後，迪士尼就閉門，今晚毛爸公司包咗閂門後9-11點嘅迪士尼俾Ｄ員工玩，呢條手帶就係識別，帶住佢就可以再返入去玩過！我都係因為咁先會嚟！

無人阻住，影個城堡都靚Ｄ！


玩遊戲好正，全部唔洗排隊！不過唔係全部遊戲都開，只係開咗城堡附近嗰Ｄ～～～

影相無人爭位，可以慢慢影～～～

等睇３Ｄ卡通片都係得嗰幾個人！

開場啦，都係得十幾人！

我鐘意咁樣嘅迪士尼，法國個迪士尼新開時都係咁，我嗰陣玩得好開心，而奧蘭多迪士尼世界就係我最鍾意嘅，而家仲差LA嗰個未去，希望有機會去，咁就可以去晒所有迪士尼啦！

無晒我最驚嗰三樣嘢，真係笑容都燦爛Ｄ呀！

玩到10:30就走啦，臨走同個城堡影多張近鏡先！

拜拜啦香港迪士尼，我應該唔會再嚟！