夏日淡淡，小朋友都係無咩好做，咁繼續去游水啦！
今日約咗蘇蘇同frank豬一齊去試下個５星級嘅狗狗游泳池～～
真係５星級架，個池喺豪宅鹿茵山莊嘅商場1樓，淨係個地點都夠晒豪啦！
蘇蘇今次係第一次游水，一去到蘇蘇竟然自己跳落水，嚇到我哋屎屎吓，個個諗住飛撲去救佢時，佢已經拍拍吓咁游返埋岸邊，真係俾蘇蘇嚇屎吓！
蘇蘇：我此諗住表演Ｄ跳水花式俾大家睇啫，嚇嚫大家真係唔好意思！
毛毛：蘇蘇你咁傻嘅，游水唔好玩，我就屎都唔落水架啦！
蘇蘇：毛毛嚟啦，好玩架！
蘇蘇：你唔落嚟，我上岸捉你架！
毛毛：都係呢度好玩Ｄ，游水有咩好玩啫！
毛毛：攪咗咁耐，媽咪都未捉到我落水，媽咪你老啦，手腳慢呀！
呢度有＂sir＂滑梯玩添架！
蘇蘇：呢個老豆好鬼煩架啫，影夠未?我要去游水呀！
原來毛毛同蘇蘇都好多嘢傾架!
(copy from 蘇蘇 blog)
frank豬做熱身，不過佢做咗好耐，擺明同毛毛一樣，唔想落水啦！
(copy from frank豬 blog)
游完去食飯，返到屋企，人狗都攰到屎咗咁！
呢個池環境好好，池夠大亦唔太深水，大細狗都啱游，對大人嚟講，好正，夏天唔使曬又有冷氣，但對狗狗嚟講氣溫低咗Ｄ，如果佢哋唔游水，係岸上會凍，如果室溫可以高返兩三度會好Ｄ，大人可能熱少少，不過咁樣狗狗無咁易冷嚫麻！
有興趣去試嘅去呢度睇吓啦：http://www.petspark.hk/ 
有無教練幫手架？
回覆刪除[版主回覆06/13/2011 16:56:00]無架，涼都係自己沖，毛又係自己吹！
得你地小貓幾隻，你地包池呀？ 入場費可以游幾耐呢？佢個網唔覺有寫
回覆刪除[版主回覆06/13/2011 17:23:00]係啦，我都以為係呀 ，不過我哋走時又多返Ｄ狗狗啦！
無限架，游幾耐都得！
毛毛在泳邊時個樣好搞笑 ....其實毛毛有冇游水? 只見牠在池邊
回覆刪除[版主回覆06/14/2011 17:06:00]俾咗錢梗係有游啦，不過嗰日毛毛個私家攝影師唔得閒，得我一個同佢去游，落咗水就影唔到相啦！
我春虫虫左呀..唔記得帶相機, d pixal好低呀..下次要帶埋部相機去游過先得~hehe
回覆刪除[版主回覆06/14/2011 17:08:00]我有帶相機，不過無帶毛毛個私家攝影師，下次帶埋再去游過！
蘇蘇話巧巧玩呀，下次再去吖！
回覆刪除[版主回覆06/14/2011 17:09:00]好呀，最衰19號俾人包咗場啦！要得我返嚟先再去得啦！
無限 ，正到‘雲’，話比d超級活力既狗狗知至得 不過貴左d，游一次等於平時四次啦 搵個閒日去豪吓先，哈哈哈
回覆刪除[版主回覆06/14/2011 17:12:00]貴就真係貴咗Ｄ，不過唔使曬又有冷氣，喺Ｄ三十幾度嘅日子我會願意俾佢！
毛毛,乜你唔係著三點式咩?
回覆刪除[版主回覆06/20/2011 15:22:00]毛毛：三點式唔浮架，都係著救生衣安全Ｄ！
係啦，夏天室外真係熱到死，我仲要著長衫長褲水鞋 一到吹毛就熱上加熱，濕曬
回覆刪除[版主回覆06/20/2011 15:27:00]唸度吹毛都有冷氣嘆架！
我住大埔 媽媽都冇帶我去, 我要叫媽媽帶我去游下水先得.
回覆刪除[版主回覆06/20/2011 15:27:00]嘩，你咁近一定要去啦，２８Ｋ到門口呀！
回覆刪除女仔梗係多野傾架啦!
[版主回覆06/20/2011 15:34:00]毛毛好似聽咗Ｄ好大嘅秘密咁款呀！ 真係好想知蘇蘇同佢講咩呀！
一隻要 $400左右, 5隻咪成$2XXX, 破產
回覆刪除[版主回覆06/20/2011 15:41:00]一人一狗收$250，5隻麵係$1,250，唔洗咁貴！
毛毛豬,係咪仲有小食送架,之前有架喎...
回覆刪除[版主回覆06/20/2011 15:42:00]無啦，齋游，無得食呀！
佢地3個同一姿勢, 好得意呀
回覆刪除[版主回覆06/20/2011 15:44:00]佢哋3個都係喺度等人救佢上岸呀！
幾好玩喎.
回覆刪除[版主回覆06/26/2011 09:29:00]係夏天好好選擇！